ГАДНА ЗАР СУРТАЛЧИЛГАА БАЙРЛУУЛАХАД ДАГАЖ МӨРДӨХ ЖУРМЫН ХЭРЭГЖИЛТЭД ХЯНАЛТ, ШАЛГАЛТ ХИЙХ АЖЛЫН ХЭСЭГ БАЙГУУЛАГДЛАА  

Улаанбаатар хотын Ерөнхий менежерийн 2023 оны А/20 дугаар тушаалийн хэрэгжилтийг ханган Дүүргийн Засаг даргын 2023 оны А/78 дугаар захирамжаар Дүүргийн хэмжээнд Нийслэлийн нутаг дэвсгэрт гадна зар сурталчилгаа байрлуулахад дагаж мөрдөх журмын хэрэгжилтэд хяналт тавих, зөрчлийг арилгах, цаашид авах арга хэмжээний санал боловсруулах үүрэг бүхий ажлын хэсгийн хурал 2023 оны 03 дугаар сарын 03-ны өдөр зохион байгуулагдлаа.

 

Тус ажлын хэсэг 03 дугаар сарын 06-ны өдрөөс эхлэн дүүргийн 1-24 дүгээр хорооны нийтийн эзэмшлийн болон хувийн эзэмшлийн талбайд байрлуулсан гадна зар сурталчилгааны байгууламжийн зөвшөөрөл олголт, гэрээ байгуулсан байдал, ашиглалт, өнгө үзэмж, аюулгүй байдалд шалгалт хийж зөрчил арилгах, гадна зар сурталчилгаа байрлуулахыг хориглосон, гудамж зам талбайд байрлуулсан байгууламжийг, албадан буулгах, хариуцлагыг нэмэгдүүлэх ажлыг зохион байгуулж ажиллана.

 

Ажлын хэсгийн хурлын Засаг даргын Тамгын газрын дарга Д.Баянбаатар, Тохижилт, нийтийн аж ахуйн хэлтсийн дарга Б.Саруул-Од нар удирдан явууллаа.