Чингэлтэй дүүргийн удирдах ажилтны ээлжит шуурхай хуралдаан өнөөдөр боллоо. Шуурхай хуралдааныг Чингэлтэй дүүргийн Засаг даргын Тамгын газрын дарга Ж.Лхагвасүрэн удирдан явууллаа.

Өнөөдрийн хуралдаанд дүүргийн Жижиг дунд үйлдвэрлэлийг дэмжих төвийн дарга Ч.Болормаа, Нийтлэг үйлчилгээний газрын дарга С.Энхтайван, Хөрөнгө оруулалт, бүтээн байгуулалтыг дэмжих төвийн дарга Ц.Содхүү нар мэдээлэл хийлээ.

Дүүргийн Засаг даргын Тамгын газрын дарга Ж.Лхагвасүрэн удирдах ажилтнуудад үүрэг даалгавар өглөө. Цаг агаар дулаарч буйтай холбоотой халиа тошин үүсэх, нэмэгдэх, шар усны үер болох эрсдэлтэй учраас дүүргийн гамшгаас хамгаалах алба, мэргэжлийн ангийн бэлтгэл, бэлэн байдлыг хангахыг даалгалаа.

Мөн иргэдийн аюулгүй байдлыг хангах орчин нөхцлийг бүрдүүлэх, хог цэвэрлэгээ, ариутгалын ажилд анхаарах, иргэдээс ирсэн өргөдөл гомдлын шийдвэрлэлийг цаг тухай бүрт нь шийдвэрлэх, иргэдийн санал хүсэлтийг сонсож ажиллах, эрүүл мэндийн байгууллагууд эрүүл мэндийн чанар хүртээмж, тусламж үйлчилгээг сайжруулах тал дээр анхаарч ажиллахыг үүрэг болголоо.

Эрүүл мэндийн тусламж үйлчилгээний чанар хүртээмжийг сайжруулахад бодит санал, зөвлөмж гаргах чадавх бүхий судлаач, эмнэлгийн мэргэжилтнүүдийг бэлтгэх, илтгэх ур чадвар, хүний нөөцийг хөгжүүлэх зорилгоор жил бүр уламжлал болгон зохион байгуулдаг “Судлаач-2024” эрдэм шинжилгээний бага хурлын шилдгүүдийг тодрууллаа.

Эмнэл зүйн чиглэлээр:

1.“Ундрах-Ирээдүй” ӨЭМТ-ийн дарга Ж.Алтантуул;

2.“Тэгш-Өлзий” ӨЭМТ-ийн эмч Б.Золбоо;

3.Эрүүл мэндийн төвийн ДОХ, БЗДХ-ын кабинетын эмч Ц.Хишигсүрэн;

Нийгмийн эрүүл мэндийн чиглэлээр:

1.“Энэрэнгүй үйлс” ӨЭМТ-ийн дарга Б.Пүрэвжаргал;

2.Эрүүл мэндийн төвийн Нийгмийн эрүүл мэндийн албаны төсөл хөтөлбөрийн зохицуулагч Г.Эрболд;

3.“Ундрах-Ирээдүй” ӨЭМТ-ийн эмч П.Лхагва-Очир нар тус тус шалгарлаа.

Чингэлтэй дүүргийн хүн амын өвчлөлийн байдал, нийгмийн эрүүл мэндийн тулгамдаж буй асуудлууд, түүнийг шийдвэрлэх арга замыг боловсруулах, эмнэлгийн тусламж үйлчилгээний чанар хүртээмжийг сайжруулах, эмч эмнэлгийн мэргэжилтнүүдийн судалгааны ажлын ур чадварыг дээшлүүлэх зорилгоор дүүргийн Засаг даргын Тамгын газраас Эрүүл мэндийн төвтэй хамтран жил бүр уламжлал болгон зохион байгуулдаг “Судлаач-2024” эрдэм шинжилгээний бага хурлыг өнөөдөр зохион байгуулж байна.

Эрдэм шинжилгээний бага хурлын нээлтэд Засаг даргын Тамгын газрын дарга Ж.Лхагвасүрэн, Нийгмийн хөгжлийн хэлтсийн дарга Л.Баярмаа, Эрүүл мэндийн төвийн дарга Ж.Сувд нар оролцсон бөгөөд шүүгчээр АШУҮИС-ийн Эрдмийн сургуулийн Олон улсын цахим сургалтын төвийн эрхлэгч, Төгсөлтийн сургалтын эрдмийн зөвлөлийн нарийн бичгийн дарга, СAJMS (Central Asian Journal of Medical Sciences) сэтгүүлийн хариуцлагатай нарийн бичиг, Анагаах ухааны доктор, дэд профессор Ц.Сарнай, АШУҮИС-ийн Эрдмийн сургуулийн Эрүүл мэндийн судалгааны тэнхимийн эрхлэгч Анагаах ухааны доктор, дэд професор Ж.Жамбалдорж, ХӨСҮТ-ийн Эрдэм шинжилгээ судалгааны албаны дарга, Эрдмийн зөвлөлийн эрдэмтэн нарийн бичгийн дарга, Анагаах ухааны доктор Э.Оюунчимэг нар уригдан оролцож байна.

Энэ удаагийн Эрдэм шинжилгээний бага хурлаар Эмнэлзүйн чиглэлийн 11, нийгмийн эрүүл мэндийн чиглэлийн 5 илтгэлийг хэлэлцүүлж байгаа юм.

Төрийн цахим үйлчилгээний зохицуулалтын газраас дүүргийн Ерөнхий боловсролын 23 дугаар сургуулийн багш, сурагчдад “Цахим ур чадвар олгох” сургалтыг зохион байгууллаа.

Уг сургалтыг Төрийн цахим үйлчилгээний зохицуулалтын газар, Чингэлтэй дүүргийн Засаг даргын Тамгын газар, Боловсролын хэлтэс хамтран "Цахим ур чадварыг дээшлүүлэх" мэдлэг мэдээлэл олгохоор дүүргийн Ерөнхий боловсролын 15 сургуулиудын ахлах ангийн сурагчдад явуулах юм.

Сургалтын нээлтэд Төрийн цахим үйлчилгээний зохицуулалтын газрын дарга П.Батбаатар, Чингэлтэй дүүргийн Засаг даргын Тамгын газрын дарга Ж.Лхагвасүрэн нар оролцлоо.

Сургалтаар Орчин үеийн дэвшилтэт технологиуд, хувь хүний мэдээллийн аюулгүй байдал, цахим орчинд мэдээллийг баталгаат эх сурвалжаас олж авах, мэдээлэл дүн шинжилгээ хийх, цахим орчны үе тэнгийн дээрэлхэлтийн үр нөлөө, хүүхэд хамгааллын талаарх программ мэдээллийн аюулгүй байдлаа хэрхэн хамгаалах талаар мэдлэг олгож байна.

Хөдөлмөрийн тухай хуулийн 16.1.6 дахь заалт, Хөдөлмөр нийгмийн түншлэлийн гурван талт үндэсний хорооны 2022 оны 5 дугаар тогтоолоор батлагдсан “Сум, дүүргийн хөдөлмөрийн эрхийн маргаан зохицуулах гурван талт хорооны дүрэм”-ийн 2.6 дахь хэсэгт заасны дагуу Чингэлтэй дүүрэгт Хөдөлмөрийн эрхийн маргаан зохицуулах гурван талт хороо байгуулагдсан.

Дүүргийн Хөдөлмөрийн эрхийн маргаан зохицуулах гурван талт хорооны ээлжит хурал өнөөдөр хуралдаж, гомдол гаргасан иргэдийн асуудлыг хэлэлцэн, холбогдох шийдвэрийг гаргаж байна.

Хөдөлмөрийн эрхийн маргаан зохицуулах гурван талт хороо нь Хөдөлмөрийн маргаанаас урьдчилан сэргийлэх, шүүхийн өмнөх шатанд эвлэрүүлэн зуучлах үүрэгтэй бөгөөд долоо хоног бүр хуваарийн дагуу хуралдаж, хүсэлт ирүүлсэн иргэдийн асуудлыг хуулийн хугацаанд хэлэлцэн шийдвэрлэж байна.

"Чингэлтэй Тохижилт үйлчилгээний компани" дүүргийн нутаг дэвсгэрт хариуцсан хороод болон зарим гуу жалга, үерийн сувагт үүссэн хогийн цэвэрлэн ажиллаж байна.

Мөн Чингэлтэй дүүргийн Тохижилт үйлчилгээний "Найши трейд" ХХК нь хариуцсан нутаг дэвсгэрт 15 хог тээврийн машинаар айл өрх, аж ахуй нэгж байгууллагын хог хаягдлыг ачиж тээвэрлэн ажиллаж байна. Мөн 17 дугаар хорооны "Сурагчийн 42" дугаар гудамжинд үүссэн хог хаягдлыг цэвэрлэлээ. Хог хаягдлыг 16 жолооч, 28 ачигч, 15 зам талбайн үйлчлэгч, 5 түүвэр цэвэрлэгээний ажилтан, инженер технологийн ажилчид нийт 69 ажилтан ажиллаж байна. 

Чингэлтэй дүүргийн Боловсролын хэлтсээс санаачлан "Малчдадаа тусалъя" аяны хүрээнд дүүргийн Онцгой комисст дүүргийн 1-24 дүгээр хороо, төрийн өмчийн 19 сургууль, сургуулийн өмнөх боловсролын 39, Насан туршийн суралцахуйн төвийн нийт багш албан хаагч, эцэг эх асран хамгаалагч, сурагч хүүхдүүд, ард иргэдээс ирүүлсэн хандивын 4,000,000 сая төгрөг, 2.5тн гурил, 0.5тн цагаан будааг Улсын Онцгой комисст дүүргийн ЗДТГ-ын дарга Ж.Лхагвасүрэн, ИТХ-ын ажлын албаны дарга П.Баянбаатар нар хүлээлгэн өглөө.

Монгол улсын Засгийн газар, Жендерийн үндэсний хорооноос зохион байгуулж буй “Харилцан хүндэтгэе” аяны хүрээнд хүүхэд багачуудыг хөгжүүлэх, сэтгэн бодох чадварыг дэмжих, тэдний чөлөөт цагийг зөв боловсон өнгөрүүлэх, хүүхдийг номтой нөхөрлүүлэх зорилгоор дүүргийн 14 дүгээр хорооны салбар номын санг танилцуулах өдөрлөгийг зохион байгуулсан ба дүүргийн 145 дугаар сурагчид хамрагдлаа.

Хөдөлмөрийн тухай хуулийн 16.1.6 дахь заалт, Хөдөлмөр нийгмийн түншлэлийн гурван талт үндэсний хорооны 2022 оны 5 дугаар тогтоолоор батлагдсан “Сум, дүүргийн хөдөлмөрийн эрхийн маргаан зохицуулах гурван талт хорооны дүрэм”-ийн 2.6 дахь хэсэгт заасны дагуу Чингэлтэй дүүрэгт Хөдөлмөрийн эрхийн маргаан зохицуулах гурван талт хороо байгуулагдсан.

Дүүргийн Хөдөлмөрийн эрхийн маргаан зохицуулах гурван талт хорооны ээлжит хурал өнөөдөр хуралдаж, гомдол гаргасан иргэдийн асуудлыг хэлэлцэн, холбогдох шийдвэрийг гаргаж байна.

Хөдөлмөрийн эрхийн маргаан зохицуулах гурван талт хороо нь Хөдөлмөрийн маргаанаас урьдчилан сэргийлэх, шүүхийн өмнөх шатанд эвлэрүүлэн зуучлах үүрэгтэй бөгөөд долоо хоног бүр хуваарийн дагуу хуралдаж, хүсэлт ирүүлсэн иргэдийн асуудлыг хуулийн хугацаанд хэлэлцэн шийдвэрлэж байна.

Хүүхэд хамгааллын түншлэлийн компакт гэрээний хүрээнд нийслэлийн Чингэлтэй дүүрэгт хэрэгжиж буй Хүн худалдаалах гэмт хэргээс урьдчилан сэргийлэх зорилго бүхий Гэрээр айлчлагч аргачлалыг “Боловсрол ирээдүйн Хөгжлийн гарц” ТББ-тай гэрээлэн хамтран хэрэгжүүлж байгаа юм.

Төсөлд нийт 200 өрхийн 480 орчим хүүхэд хамрагдаж байгаа ба төслийн зүгээс хүүхдүүдэд тогтмол хяналт тавьж, шаардлагатай үйлчилгээнд холбон зуучилж, өрхийн ирээдүйн төлөвлөгөөг хамтран төлөвлөн хэрэгжүүлж байна.

Төслийн хүрээнд Хүүхэд хамгааллын компакт баг, Гэрээр айлчлагч төслийг хэрэгжүүлэгч байгууллага болох Хүүхэд гэр бүлийн хөгжил, хамгааллын Ерөнхий газар, Нийслэлийн Хүүхэд гэр бүлийн хөгжил, хамгааллын газар, Чингэлтэй дүүргийн Засаг даргын Тамгын газар, дүүргийн Цагдаагийн газар, Хүүхэд, гэр бүл хөгжил, хамгааллын хэлтсийн төлөөлөл, гэрээр айлчлагч нарыг хамруулсан чадавхжуулах сургалт, хэлэлцүүлгийг өнөөдөр зохион байгууллаа.

Дүүргийн Засаг дарга бөгөөд Онцгой комиссын даргын шийдвэрээр дүүргийн 24 дүгээр хорооны Сэлбэ голын зуун мод хэсэгт Онцгой байдлын хэлтсийн 3 алба хаагч, Тохижилт үйлчилгээний ХХК-ийн 2 инженер техникийн ажилтан, 1 механизмтай суваг шуудуу гаргах ажлыг Онцгой байдлын хэлтсийн орлогч хошууч Б.Амандых удирдлага зохион байгуулалтаар ханган шар усны үерт өртөх эрсдэлтэй 70 гаруй айл өрхүүдийн аюулгүй байдлыг хамгаалан ажиллаж байна.

Чингэлтэй дүүргийн Засаг даргын Тамгын газрын дарга Ж.Лхагвасүрэн дүүргийн Эрүүл мэндийн төвийн албан хаагчидтай уулзалт зохион байгууллаа.

Уулзалтын эхэнд дүүргийн Эрүүл мэндийн төвийн даргын үүргийг түр орлон гүйцэтгэгч Ж.Сувд эрүүл мэндийн салбарт хийж хэрэгжүүлж буй ажлын талаар илтгэл тавьж, дүүргийн шинээр баригдаж буй өргөтгөлийн барилга, хайлааст амбулатори, эрт илрүүлгийн барилга, нэгдсэн эмнэлэгийн барилгын ажлын явцыг танилцууллаа.

"Дүүргийн удирдлагуудын зүгээс Эрүүл мэндийн төвийн үйл ажиллагааг ямагт дэмжиж ажилласан ирсэн. Тамгын газар, эрүүл мэндийн салбарт тулгамдаж ирсэн эмнэлгийн хүртээмжийн асуудлыг шийдэхээр хэд хэдэн барилгын ажлыг эхлүүлсэн. Дүүргийн төсвийн хөрөнгө оруулалтаар шаардлагатай тоног төхөөрөмжөөр хангах, сайжруулахад анхаарч ажиллаж байна. Цаашид ч эрүүл мэндийн байгууллагын эмч, ажилтан, албан хаагчдыг дэмжиж ажиллах болно” гэдгээ Засаг даргын Тамгын газрын дарга Ж.Лхагвасүрэн хэллээ.

Уулзалтаар Эрүүл мэндийн төвийн албан хаагчдын асуултад хариулт өгч, шийдвэрлэх боломжтой саналыг авч, хэлэлцэж ажиллахаар боллоо.