Чингэлтэй дүүргийн 1-24 дүгээр хороодын Засаг дарга нарын шуурхай хурал боллоо. Хурлыг Засаг даргын орлогч Л.Цэеэрэгзэн удирдан явуулж цаг үеийн нөхцөл байдалтай холбоотой хороодод хийгдэж буй ажлын талаар мэдээлэл сонслоо.

Хороодын Засаг дарга нарын зүгээс гэр хорооллын зарим өгсүүр замуудад  давс бодис цацах, халиа дошин үүсэх эрсдэлтэй газруудад бэлэн байдлыг хангах, эзэнгүй нохой муурыг түр асран хамгаалах байранд хүргэх ажилд нэгдсэн журмаар бодлогын арга хэмжээ авах шаардлагатайг хэлж байлаа. Нийтийн эзэмшлийн гудамж талбайн цас мөсний цэвэрлэгээг эрчимжүүлэх, аж ахуй нэгжүүдийг орчны 50 метр газрыг цэвэрлэгээг хийлгэхийг даалгалаа.

Иргэдийг гал түймэр, ахуйн ослоос урьдчилан сэргийлэх чиглэлээр сэрэмжлүүлэг, зөвлөгөө мэдээллээр хангаж ажиллах, иргэдэд хүнд сурталгүй, чирэгдэлгүй үйлчилж, ажилтан албан хаагчдын цаг ашиглалтад анхаарах, иргэдээс ирсэн гомдол саналыг шуурхай шийдвэрлэх, сурагчдын амралт дуусч хичээл эхэлж буйтай холбоотой сургууль, цэцэрлэг орчмын аюулгүй байдлыг хангах тал дээр анхаарч ажиллахыг үүрэг болголоо.

Хөдөлмөрийн тухай хуулийн 16.1.6 дахь заалт, Хөдөлмөр нийгмийн түншлэлийн гурван талт үндэсний хорооны 2022 оны 5 дугаар тогтоолоор батлагдсан “Сум, дүүргийн хөдөлмөрийн эрхийн маргаан зохицуулах гурван талт хорооны дүрэм”-ийн 2.6 дахь хэсэгт заасны дагуу Чингэлтэй дүүрэгт Хөдөлмөрийн эрхийн маргаан зохицуулах гурван талт хороо байгуулагдсан.

Дүүргийн Хөдөлмөрийн эрхийн маргаан зохицуулах гурван талт хорооны ээлжит хурал өнөөдөр хуралдаж, гомдол гаргасан иргэдийн асуудлыг хэлэлцэн, холбогдох шийдвэрийг гаргалаа.

Хөдөлмөрийн эрхийн маргаан зохицуулах гурван талт хороо нь Хөдөлмөрийн маргаанаас урьдчилан сэргийлэх, шүүхийн өмнөх шатанд эвлэрүүлэн зуучлах үүрэгтэй бөгөөд долоо хоног бүр хуваарийн дагуу хуралдаж, хүсэлт ирүүлсэн иргэдийн асуудлыг хуулийн хугацаанд хэлэлцэн шийдвэрлэж байна.

Чингэлтэй дүүргийн Засаг даргын Тамгын газар, “Хүүхэд хөгжлийн цогцолбор” УТҮГ, “Ворлд Шэйр” Олон улсын төрийн бус байгууллага хамтын ажиллагааны хүрээнд Солонгос улсын “Конжу” Үндэсний их сургуулийн судалгааны хүрээлэнгийн эрхлэгч Ду Жа Ким, “Эдумид” боловсролын төвийн эрхлэгч И Су Жин нартай хамтран Чингэлтэй дүүргийн ерөнхий боловсролын сургууль болон сургуулийн өмнөх боловсролын багш нарт “Шимт” хөтөлбөрийн онцлог ач холбогдол, давуу тал, олон улсын туршлага, үр дүнг танилцуулж, “Шимт” хөтөлбөрийг хэрэгжүүлэх хамтран ажиллах санамж бичигт гарын үсэг зурлаа.

Санамж бичгийн хүрээнд Чингэлтэй дүүргийн “Шимт” хөтөлбөр хэрэгждэг 20 цэцэрлэгийн багш, арга зүйч нар болон Чингэлтэй дүүргийн ЕБС-н мэдээлэл технологийн багш нар чадавхжуулах сургалтад хамрагдсан байна.

2024 оны 01 сарын 25-ны өдөр Дүүргийн Засаг даргын Тамгын газрын дарга П.Баянбаатар Конжу их сургууль, Ворлд Шэйр, Эдүмид боловсролын төвийн төлөөлөгчид, оюутан залуучуудыг хүлээн авч уулзсан бөгөөд уулзалтаар цаашдын хамтын ажиллагааг өргөжүүлэх талаар харилцан санал солилцлоо.

Иргэдийн эрүүл, аюулгүй орчинд амьдрах, зорчих нөхцөлийг бүрдүүлэх зорилгоор нийслэлийн нутаг дэвсгэрт эзэнгүй нохой, муурыг барьж түр асран хамгаалах байранд хүргэх ажил хийгдэх гэж байна.

Тус ажлын хүрээнд дүүргийн 7 хорооны нутаг дэвсгэрт эзэнгүй нохой муурыг барьж түр асран хамгаалах байранд хүргэх ажлыг энэ сарын 25-наас 02 дугаар сарын 02-ны өдөр хүртэл зохион байгуулахаар бэлтгэлийг ханган ажиллаж байна.

Чингэлтэй дүүргийн Засаг даргын Тамгын газраас дүүргийн 1-24 дүгээр хороодын зохион байгуулагч нарын шуурхай хуралдааныг зохион байгууллаа.

Хуралдааныг дүүргийн Засаг даргын Тамгын газрын Төрийн захиргааны удирдлагын хэлтсийн дарга Б.Нацагдорж удирдан явууллаа.

Гэр хорооллын зарим өгсүүр замуудад  давс бодис цацах, халиа дошин үүсэх эрсдэлтэй газруудад байгаа айл өрхүүдэд мэдээлэл хүргэх, бэлэн байдлыг хангахыг даалгалаа.

Албан бичгийн шийдвэрлэлтэд, хяналт тавьж ажиллах, өөрсдийн хариуцсан хороодын цэвэрлэгээ үйлчилгээнд хяналт тавих, иргэдэд хүнд сурталгүй, чирэгдэлгүй үйлчилж, гомдол саналыг шуурхай шийдвэрлэдэг байх, амьдрах орчныг сайжруулах, тав тухтай орчин бүрдүүлж ажиллахыг үүрэг болголоо.

 Чингэлтэй дүүргийн 1-24 дүгээр хороодын Засаг дарга нарын шуурхай хурал боллоо. Хурлыг дүүргийн Засаг дарга Н.Батсүмбэрэл, Засаг даргын орлогч Л.Цэеэрэгзэн нар удирдан явуулж хороодод тулгамдаж буй асуудал, ажилтан албан хаагчдад тулгараад буй нөхцөл байдлыг сонслоо.

 Чингэлтэй дүүрэг 24 хороотой. Үүнээс 1-6 хороо байшин хороо, үлдсэн нь гэр хороолол хамаардаг. Тиймээс ч иргэдээс тавьж буй санал, гомдол харилцан адилгүй. Уулзалтын эхэнд хороодын нөхцөл байдал болон тулгамдаж буй асуудлыг сонслоо. Хороодын өдөр тутмын ажил хэвийн явагдаж байгаа боловч гэр хорооллын зарим өгсүүр замуудад  давс бодис цацах, халиа дошин үүсэх эрсдэлтэй газруудад бэлэн байдлыг хангах, золбин нохой муурыг устгах ажилд нэгдсэн журмаар бодлогын арга хэмжээ авах шаардлагатайг хэлж байлаа. Мөн хогны менежментийг сайжруулж, хог тээвэрлэлтийн компаниудад тавих шаардлагыг өндөрсгөх шаардлагатайг хэллээ.

Харин дүүргийн удирдлагуудын зүгээс зам талбайн цасыг цэвэрлэх, хороодын нутаг дэвсгэр дэх нийтийн эзэмшлийн байгууламжийн ашиглалт, хамгаалалтыг хариуцах, галын аюул, угаарын хийн аюулаас урьдчилан сэргийлэх ажлыг тогтмол явуулж, иргэдэд хүнд сурталгүй, чирэгдэлгүй үйлчилж, гомдол саналыг шуурхай шийдвэрлэдэг байх, амьдрах орчныг сайжруулах, тав тухтай орчин бүрдүүлж ажиллахыг хороодын Засаг дарга нарт үүрэг болголоо.

 Дүүргийн 1-24 дүгээр хороодын Нийгмийн ажилтнуудын шуурхай хурлыг өнөөдөр зохион байгуулав.

Хурлыг Нийгмийн хөгжлийн хэлтсийн дарга Л.Баярмаа удирдан явуулж, цаг үеийн асуудлаар мэдээлэл өгч, холбогдох үүрэг даалгаврыг өгөв.

Мөн дүүргийн Засаг даргын Орон тооны бус зөвлөх, Ахмадын хорооны дарга П.Төвсанаа “Төрийн албан хаагчийн ёс зүй, харилцаа хандлага” сэдвээр сургалт, мэдээлэл хийлээ.

Мал аж ахуй эрхлэхийг хориглосон бүсэд мал орж ирэхээс урьдчилан сэргийлэх дэд ажлын хэсэг өнөөдөр хуралдлаа. Ажлын хэсгийн хуралдааныг дүүргийн Засаг даргын орлогч Л.Цэеэрэгзэн удирдан явууллаа.

Хурлаар Нийслэлийн Иргэдийн төлөөлөгчдийн хурлын “Мал аж ахуй эрхлэхийг хориглосон бүсэд нэвтэрсэн малыг түр хадгалах, түүнтэй холбогдон гарсан зардлыг нөхөн төлүүлэх журам” тогтоолын төсөл, Мал аж ахуй эрхлэхийг хориглосон бүсээс мал гаргах ажлыг зохион байгуулан ажиллахад тулгарч буй бэрхшээл, анхаарч ажиллах чиглэлийн талаар дэд ажлын хэсгийн гишүүд танилцуулав.

Түүнчлэн дүүргийн нутаг дэвсгэрт мал аж ахуй эрхлэхийг хориглосон бүсээс мал, мал бүхий иргэдийг нүүлгэн шилжүүлэх ажлыг зохион байгуулж ажиллах, цаашид авах арга хэмжээ болон хамтран ажиллах талаар гишүүд санал солилцлоо.

Чингэлтэй дүүргийн Засаг даргын Тамгын газрын Архивын хэлтсээс Архив, албан хэрэг хөтлөлтийн ажилтнуудыг чадавхжуулах сургалтыг зохион байгууллаа.

Сургалтад Ерөнхий боловсролын сургууль, сургуулийн өмнөх боловсролын байгууллагын архив, бичиг хэрэг хариуцсан албан хаагчид хамрагдлаа.

Сургалтаар “Баримт бичгийн стандарт”, “Албан хэрэг хөтлөлтийн нийтлэг журам”, “Албан хэрэг хөтлөлтийн “Edoc нэгдсэн системийн ашиглалт, анхаарах асуудлууд”, “Хөтлөх хэргийн нэрийг жагсаалт боловсруулах арга зүй” “Цаасан суурьтай захирамжийн баримтыг цахим хэлбэрт шилжүүлэх”, Төрийн архивд нөхөн баяжилт хийх ажлын арга зүй” сэдвээр мэргэжил арга зүйн зөвлөмж өгч ажиллалаа.

Чингэлтэй дүүргийн Засаг даргын Тамгын газрын Цэргийн штаб-аас дүүргийн 16 дугаар хорооны шинээр 18 нас хүрсэн 20 гаруй залууст “Цэргийн үүрэгтний үнэмлэх”, Чингэлтэй дүүргийн Засаг даргын талархалыг гардуулах хүндэтгэлийн арга хэмжээ өнөөдөр боллоо.

Цэргийн үүрэгтний үнэмлэхээ гардан авсан залууст Монгол Улсын Үндсэн хуульд заасан иргэний үүрэг, эх орноо батлан хамгаалах бэлтгэлийг эзэмших, цэргийн алба хаахтай холбогдсон хууль, эрх зүйн орчин, хүлээх үүрэг хариуцлага, Батлан хамгаалах яам, Зэвсэгт хүчний үйл ажиллагааны талаар мэдээлэл өглөө. Мөн хорооны Өрхийн Эрүүл мэндийн төвөөс мэргэжлийн эмч нарыг урин ажиллуулж шүд цоорох өвчнөөс хэрхэн сэргийлэх, шүдээ зөв угаах талаар зөвлөгөө мэдээлэл өгч ажиллалаа.

Тус арга хэмжээнд дүүргийн цэргийн штабын тоо бүртгэлийн ахлах офицер дэд хурандаа Б.Цэдэн, Мэдээллийн аюулгүй байдлын хошууч Г.Ганбилэг, Хорооны өрхийн Эрүүл мэндийн төвийн дарга, хорооны Засаг дарга болон албаны хүмүүс оролцлоо.

Улаанбаатар хотын ерөнхий менежер Ц.Төрхүү холбогдох албаныхны хамт нийтийн эзэмшлийн зам, талбайн халтиргаа гулгаа, цэвэрлэгээ үйлчилгээтэй холбоотой асуудлаар Чингэлтэй дүүрэгт ажиллалаа.

Тодруулбал, дүүргийн 11 дүгээр хорооны нутаг дэвсгэрт байрлах “Хүчит шонхор”, “Нарлаг дэнж” зах худалдааны төвүүдийн гадна талбайн цас, мөсийг халтиргаа гулгаанаас сэргийлж ажилласан эсэхийг шалгаж, иргэдийн тав тухтай үйлчлүүлэх орчин нөхцөлийг бүрдүүлж, цэвэрлэгээ үйлчилгээг хийхийг захын удирдлагуудад хэллээ.

Нийтийн эзэмшлийн гудамж, талбайд халтиргаа гулгаа үүсэхээс урьдчилан сэргийлж хариуцсан, орчны 50 метрийн цасаа цэвэрлэж байхыг аж ахуйн нэгжүүдэд уриалж байна.

Чингэлтэй дүүргийн Засаг даргын Тамгын газрын Архивын хэлтсээс Архив, албан хэрэг хөтлөлтийн ажилтнуудыг чадавхжуулах сургалтыг зохион байгууллаа.

Сургалтад Засаг даргын Тамгын газрын дэргэдэх хэлтэс, албад, ОНӨТҮГ-ын бичиг хэрэг хариуцсан албан хаагчид хамрагдлаа.

Сургалтаар “Баримт бичгийн стандарт”, “Албан хэрэг хөтлөлтийн нийтлэг журам”, “Албан хэрэг хөтлөлтийн “Edoc нэгдсэн системийн ашиглалт, анхаарах асуудлууд”, “Хөтлөх хэргийн нэрийг жагсаалт боловсруулах арга зүй” “Цаасан суурьтай захирамжийн баримтыг цахим хэлбэрт шилжүүлэх”, Төрийн архивд нөхөн баяжилт хийх ажлын арга зүй” сэдвээр мэргэжил арга зүйн зөвлөмж өгч ажиллалаа.