Чингэлтэй дүүргийн 16 дугаар хороонд жишиг өрхийн эмнэлэг ашиглалтад орж, иргэд тав тухтай орчинд анхан шатны эрүүл мэндийн тусламж үйлчилгээг нэг дор бүрэн авах боломжтой боллоо. Уг эмнэлгийг дүүргийн төсвийн хөрөнгө оруулалтаар “Бум консртакшн” ХХК барьж ашиглалтад орууллаа.

“Тэгш өлзий” өрхийн эрүүл мэндийн төвийн хувьд 15 мянган иргэнд хүрч ажилладаг бөгөөд өнөөдрийн байдлаар 24 эмч ажилтантайгаар үйл ажиллагаа явуулж байна. Шинэ эмнэлэгтэй болсноор эмч, ажилчдын ажиллах орчин нөхцөл сайжирч, эмнэлгийн тусламж үйлчилгээний чанар хүртээмж нэмэгдэх юм.

Нээлтийн үйл ажиллагаанд Чингэлтэй дүүргийн ИТХ-ын дарга Б.Мөнхбат, дүүргийн Засаг даргын орлогч Д.Отгонбаатар, Чингэлтэй дүүргийн ИТХ-ын төлөөлөгч Т.Идэрцагаан, Эрүүл мэндийн төвийн дарга Э.Наранхүү, “Тэгш өлзий” өрхийн эрүүл мэндийн төвийн эмч, ажилтнууд, ахмад ажилтан албан хаагч нар оролцлоо.

Нээлтийн үеэр Чингэлтэй дүүргийн ИТХ-ын дарга Б.Мөнхбат “Манай дүүргийн эрүүл мэндийн тусламж үйлчилгээний хүртээмж шаардлагын түвшинд хүрч чадаагүй өдийг хүрсэн. Үүнийг сайжруулах зорилгоор 10 дугаар хорооны нутаг дэвсэгт дүүргийн төсвийн хөрөнгөөр олон улсын стандартад нийцсэн эмнэлгийн цогцолбор барихаар төлөвлөж, барилга барих газрыг амжилттай чөлөөлсөн. Одоо тендер зарлагдаж, барилгын ажил эхлэх л үлдээд байна. Түүнчлэн, улсын төсвийн хөрөнгө оруулалтаар эрт илрүүлгийн төв баригдаж байгаа бөгөөд ирэх 3-4 жилийн хугацаанд Чингэлтэй дүүргийн эрүүл мэндийн тусламж үйлчилгээ, хүртээмж эрс дээшлэх болно” хэмээн онцоллоо.

Хүүхдийн төлөө, Үндэсний зөвлөлийн 2018 оны 12 дугаар сарын 03-ны өдрийн 03 дугаар тогтоол, Хөдөлмөр нийгмийн хамгааллын сайдын 2022 оны 110 дугаар тушаалаар “Хүүхэд хамгааллын чиглэлээр баримтлах бодлого”, “Хүүхэд хамгааллын бодлогын жишиг баримт”, Байгууллага аж ахуй нэгжийн дэргэд “Эцэг эхийн зөвлөл” байгуулж ажиллах зөвлөмжүүд тус тус батлагдсан.

Нийслэлийн Чингэлтэй дүүргийн хэмжээнд 2022 оны байдлаар байгууллагынхаа дэргэд эцэг, эхийн зөвлөл байгуулсан 89 байгууллага байна. Дүүргийн Засаг даргын 2020-2024 оны үйл ажиллагааны хөтөлбөрийн хэрэгжилтийг хангах ажлын хүрээнд байгууллага аж ахуй нэгжийн дэргэдэх “Эцэг эхийн зөвлөл”-ийн уулзалт, зөвлөгөөнийг зохион байгуулж, эцэг, эхийн зөвлөлийн нийт 75 хүн оролцлоо.

Зөвлөгөөнд Нийслэлийн Гэр бүл, Хүүхэд, Залуучуудын хөгжлийн газрын Гэр бүлийн хөгжлийн хэлтсийн дарга Ц.Гэрэлтуяа, Чингэлтэй дүүргийн ЗДТГ-ын Нийгмийн хөгжлийн хэлтсийн дарга Ж.Бадамцэцэг, Гэр бүл, Хүүхэд, Залуучуудын хөгжлийн хэлтсийн дарга Х.Азбаяр болон бусад албаны хүмүүс оролцлоо.

Зөвлөгөөнд Гэр бүл судлаач Ж.Баясгалан, Хувь хүний хөгжлийн дасгалжуулагч, көүч, А.Адъяасүрэн нар “Хүүхдийн эрх ба хүүхэд хамгаалалд эцэг эхийн оролцоо”, “Шинэ би-Өөрийгөө таних” сэдвийн хүрээнд сургалт мэдээллийг өгч, эцэг, эхийн зөвлөлүүд хүүхэд хамгааллын чиглэлээр ололт амжилт, туршлагаасаа хуваалцан,цаашид хийж хэрэгжүүлэх ажлын санал санаачилгыг дэвшүүллээ.

 

 

Хууль ёсны буюу гэрээслэлээр өвлөх эрх зүйн харилцааны ойлголт, өвлүүлэгчийн үүрэг, хариуцлага, өвлөгдөх эд хөрөнгө, эрхийн гэрчилгээний хүсэлтийг баталгаажуулах талаар тухайн шатны Засаг даргаас бүрэн эрхийнхээ хүрээнд холбогдох хууль, тогтоомжинд нийцүүлэн “Өвлөх эрхийн талаарх тодорхойлолт бичих арга зүй” сэдэвт сургалт зохион байгуулагдлаа.

 

Сургалтыг Нийслэлийн тойргийн Нотариатч Х.Цогзолмаа болон Хууль, эрх зүйн хэлтэс хамтран зохион байгуулав.

 

Сургалтад 1-24 дүгээр хороодын Засаг дарга болон Зохион байгуулагч нар хамрагдан санал, хүсэлтээ солилцлов.

Чингэлтэй дүүрэгт эрүүл мэндийн салбарт эмнэлгийн чиглэлээр үйл ажиллагаа явуулж буй өмчийн бүх хэлбэрийн аж ахуйн нэгж байгууллагуудын ажил олгогч ажилтанд Монгол Улсын Хөдөлмөрийн аюулгүй байдал, эрүүл ахуйн тухай, Засгийн Газрын 2015 оны 269 дүгээр тогтоол “Үйлдвэрлэлийн осол, хурц хордлогыг судлан бүртгэх дүрэм болон холбогдох дүрэм журмыг хангуулах болзошгүй осол, аюулаас урьдчилан сэргийлэх зорилгоор “Хөдөлмөрийн аюулгүй байдал, эрүүл ахуйн тухай хууль” сэдэвт сургалтыг шалгалтын ажлын хэсэг хамтран Төрийн тусгай албан хаагчдын нэгдсэн эмнэлэгийн сургалтын танхимд 2022 оны 09 дүгээр сарын 30-ны өдөр зохион байгууллаа.

 

Эрүүл мэндийн салбарт эмнэлгийн чиглэлээр үйл ажиллагаа явуулж буй өмчийн бүх хэлбэрийн аж ахуйн нэгж байгууллагуудын дарга, хүний нөөцийн мэргэжилтэн нийт 34 албан хаагч нар хамрагдсан байна.

 

Чингэлтэй дүүрэг дэх Мэргэжлийн хяналтын хэлтэс

 

Монгол Улсын Хөдөлмөрийн Баатар, Ардын уран зохиолч, Соёлын гавьяат зүтгэлтэн, зохиолч Бөхийн Баастын 100, 101 насны ойд зориулан “Ус хаа ч адилхан” гэрэл зургийн үзэсгэлэн, “Үзгээр бичээгүй тэмдэглэлүүд” I, II боть номын нээлт боллоо.

 

Бөхийн Бааст сангаас ХХ зууны баримтат гэрэл зургийн боть номуудыг эрхлэн гаргасан бөгөөд Б.Баастын арвин баялаг өвийн сангаас олдсон 300 гаруй хар цагаан хальсны 10 мянга гаруй гэрэл зураг бүхий урьд өмнө дэлгэгдэж байгаагүй гэрэл зургийн уран бүтээлүүдийг нь түүвэрлэжээ.

 

Б.Бааст нь сэтгүүл зүйн чиглэлээр хөдөө орон нутаг болон гадаадад томилолтоор явахдаа гэрэл зураг авах сонирхолдоо хөтлөгдөн тууштай хөгжүүлж, олон арван улсын хот гудамжууд, дайны нуранги, эх орны дайны дараах бүтээн байгуулалт, оршуулгын зан үйл, энгийн ард болон алдартай хүмүүсийн хөргийг буулгаж хадгалсан нь мэргэжлийн гэрэл зурагчдын нүдээр баримтат гэрэл зургийн бие даасан бүтээл болж үнэлэгдсэн ажээ.

 

Үзэсгэлэн энэ сарын 16-ныг хүртэл олон нийтэд нээлттэй үргэлжилнэ.

 

Монгол Улсын Хөдөлмөрийн Баатар, Ардын уран зохиолч, Соёлын гавьяат зүтгэлтэн, зохиолч Бөхийн Баастын 100, 101 насны ойд зориулан түүний дурсгал хүндэтгэлийн самбарыг амьдарч байсан байшин буюу Чингэлтэй дүүргийн 1 дүгээр хороо 40 мянгатын 22 дугаар байрны хананд байршууллаа.

 

Нийслэлийн Иргэдийн Төлөөлөгчдийн хурлын Тэргүүлэгчийн тогтоолоор байршуулж буй хүндэтгэлийн самбарыг залах ажиллагаанд түүний гэр бүл, төрөл төрөгсөд, зохиолчид оролцлоо.

 

Бөхийн Бааст нь 1921 онд Хуучнаар Ховд аймгийн Алтанцөгц сумын нутагт Улаач босгоч хэмээх газар төрсөн. 1940 онд Улаанбаатар хотод байгуулагдсан анхны 10 жилийн 1-р сургуулийн 9-р ангид орж суралцаад, 1942 онд Чойбалсангийн нэрэмжит 10 жилийн 1-р дунд сургуулийн 10-р ангийг төгссөн.

 

1942-1945 онд МУИС-ийн Мал эмнэлэг, зоотехникийн ангид суралцаж байгаад 1945 онд сургуулиа орхижээ. 1945-1947 онд МХЗЭ-ийн төв хороонд “Хувьсгалт залуучуудын эвлэл” сэтгүүлийн хариуцлагатай нарийн бичгийн дарга, Эвлэлийн төв хорооны хэвлэлийн эрхлэгчийн ажил хийж байгаад 1946 оноос Монголын зохиолчдын эвлэлийн хороонд шилжин ажиллаж насан эцэслэтлээ мэргэжлийн зохиолч гэж явжээ.

 

Мөн зохиолч Б.Бааст нь МЗЭ-ээс Монголын хөдөө орон нутаг болон Хятад, Герман, Вьетнам, Унгар, Польш, Чехословак, Грузин, Румын, Оросын Горный-Алтай зэрэг улсуудаар сурвалжлага, нийтлэл бичих үүрэг даалгавраар томилогдон ажиллаж байсан туршлагатай сэтгүүлч, нийтлэлч байсан юм.

Нийслэлийн Чингэлтэй дүүргээс “Өргөө” амаржих газар-Төрөлжсөн мэргэшлийн эмнэлэгтэй хамтран дүүргийн 13-19 дүгээр хороодын 0-2 сартай нярай хүүхдүүдэд эрүүл мэндийн урьдчилан сэргийлэх үзлэгийг өчигдөр буюу 10 дугаар сарын 09-ний өдөр Хүүхдийн амбулаторд зохион байгууллаа.

 

Эрүүл мэндийн урьдчилан сэргийлэх үзлэгээр “Өргөө” амаржих газрын нярайн нарийн мэргэжлийн эмч нар ажилласан ба үзлэгийн үед нярайн зүрхний үйл ажиллагаа, дотоод шүүрлийн нарийн мэргэжлийн эмчийн үзлэг, оношилгоо, эхо шинжилгээ, зулайн эхо, хүчилтөрөгчийн дутагдал оношилгоо, тархины цус харвалт, уйланхайн өөрчлөлт усжилтын илрүүлэг, хэвлийн эхо шинжилгээ мазокийн шинжилгээ зэрэг урьдчилан сэргийлэг үзлэг оношилгоо хийгдлээ.

 

Мөн төрөөд удаагүй эхчүүд, ээжүүдэд эмэгтэйчүүдийн үзлэгийг хийж, сэтгэл зүйн зөвлөгөө өгч ажилласан ба төрсний дараах нярайн асаргаа болон нярайн шарлалт зэрэг асуудлуудаар эхчүүдэд мэдээлэл, зөвлөгөө өгсөн бөгөөд энэ удаагийн үзлэгт 13-19 дүгээр хороодын 150 гаруй нярайг хамруулсан юм.

УЛААНБААТАР ХОТОД +7 ГРАДУС ДУЛААН БАЙНА