“ШИМТ+ STEAM” БОЛОВСРОЛЫН ХӨТӨЛБӨРИЙН УДИРДЛАГУУДЫГ ХҮЛЭЭН АВЧ УУЛЗЛАА
 
Чингэлтэй дүүргийн Засаг дарга Н.Батсүмбэрэл өнөөдөр “ШИМТ+ STEAM”-ийн гүйцэтгэх захирал, Физикийн ухааны доктор Ц.Хос-Очир, “ШИМТ+ STEAM”-ий н хөрөнгө оруулагч, “Сократус Стартап Студи”-гийн гүйцэтгэх захирал А.Мөнхцог нарыг хүлээн авч уулзлаа.
Уулзалтаар хүүхдийн нас насны онцлогт тохирсон агуулга, арга зүй, хэрэглэгдэхүүн бүхий “ШИМТ+ kinder” цогц хөтөлбөрийг Чингэлтэй дүүргийн бүх цэцэрлэгүүдэд үе шаттайгаар хэрэгжүүлэхээр боллоо.
 
Олон улсын STEAM буюу ШИМТ хөтөлбөр нь сургалтын хамгийн оновчтой арга барил болох, хүүхдүүд баг болон өөрсдийн гараар бүтээл хийж, бүтээлээ ашиглан туршилт явуулах, шинийг санаачлах, хэлэлцэх замаар үйлдэн суралцдаг чухал онцлогтой.
“ШИМТ+” /Шинжлэх ухаан Инженерчлэл Математик Технологи Сэтгэлгээ-Гоо зүй/ нь STEAM /Science, Technology, Engneering, Art and Math/ гэх нэршлийн Монгол хувилбар нь юм.
STEAM (Science, Technology, Engineering, Art, Mathmathics) "ШИМТ+" Шинжлэх ухаан Инженерчлэл Математик Технологи Сэтгэлгээ-Гоо зүй гэсэн үгний товчлол юм.

"ЧИНГЭЛТЭЙД ҮЙЛДВЭРЛЭВ - 2022" ЧУУЛГА УУЛЗАЛТАД ТА БҮХНИЙГ УРЬЖ БАЙНА
 
Чингэлтэй дүүргийн Жижиг, дунд үйлдвэр эрхлэгчдийн "ЧИНГЭЛТЭЙД ҮЙЛДВЭРЛЭВ-2022" чуулга, уулзалт 2022 оны 10 дугаар сарын 07-ны өдрийн 11:00 цагт "Holiday inn" Зочид буудлын "Их танхим"-д зохион байгуулагдах гэж байна.
Тус чуулга уулзалтад оролцохыг хүссэн үйлдвэрлэгчид дараахь линкээр болон хариуцсан хорооны мэргэжилтэнд бүртгүүлнэ үү.
Жич: БҮРТГЭЛ: 2022 оны 10 дугаар сарын 05-ны өдрийг дуустал явагдана.
-1, 2, 10, 15, 17, 19 хороо Н.Оюунням 96 968690.
-3, 4, 11, 13, 14, 16, 18 хороо Э.Төмөрхуяг 99511118.
-5, 6, 7, 8, 9, 12 хороо О.Оюундарь 88764429

ЧИНГЭЛТЭЙ ДҮҮРГИЙН БИЕИЙН ТАМИР, СПОРТ ХОРОО ЭЛСЭЛТ АВЧ ЭХЭЛЛЭЭ
 
СУРГАЛТУУД:
✅ КИК бокс
✅ Усан спорт
✅ Фитнесс
✅ Чөлөөт бөх
✅ Үндэсний бөх
✅ Жудо бөх
ХОЛБОО БАРИХ УТАС: ✅ 77773113
ХАЯГ: ✅ Чингэлтэй дүүрэг Дэнжийн мянга Галданбошигтийн гудамж 751

УИХ-ЫН ДАРГА Г.ЗАНДАНШАТАР ЧИНГЭЛТЭЙ ДҮҮРГИЙН ҮЙЛДВЭРЛЭЛ ЭРХЛЭГЧИДТЭЙ УУЛЗЛАА
 
Улсын Их Хурлын дарга Г.Занданшатар, УИХ-ын Төсвийн байнгын хорооны дарга Г.Тэмүүлэн, Эдийн засгийн байнгын хорооны дарга Ц.Цэрэнпунцаг, Нийгмийн бодлогын байнгын хорооны дарга П.Анужин нар дүүргийн жижиг дунд үйлдвэрлэл эрхлэгчидтэй уулзаж, үйлдвэрийн үйл ажиллагаатай танилцлаа.
 
Дүүргийн 7 дугаар хороонд үйл ажиллагаа явуулж буй “ОББТ” ХХК-ийн үйлдвэрийн байранд очсон юм. Уг үйлдвэр төмөр хийц, модон эдлэл, тавилга хийдэг бөгөөд их, дээд сургууль, ЕБС, цэцэрлэг гээд орон нутаг, нийслэлийн 120 гаруй байгууллагатай хамтран ажилладаг байна. Үйлдвэрлэгчдийн зүгээс төрөөс хувийн хэвшлийг дэмжих бодлого, зарим тулгамдаад байгаа асуудлаа уламжилсан юм.
 
Мөн тэд “Эко гар утасны тавиур” үйлдвэрлэл эрхлэгч Чингэлтэй дүүргийн иргэн Б.Батзоригийн мужааны цехэд очсон юм. Б.Батзориг нь 2015 онд тус цехээ нээж гар багажаар ажлын гараагаа эхэлж байжээ. Одоо харин түүний цех гар утасны тавиураас эхлэн 10 гаруй нэр төрлийн бүтээгдэхүүн үйлдвэрлэж, 15 иргэнийг тогтмол ажлын байраар хангажээ.
Түүний хувьд бүтээгдэхүүний борлуулалтыг дэмжих, олон улсад худалдаанд гаргахад дэмжлэг хэрэгтэйг уулзалтын үеэр УИХ-ын даргад уламжилсан юм.
 
 

НИЙТИЙН ТЭЭВРИЙН ТОО, ХҮРТЭЭМЖИЙГ НЭМЭГДҮҮЛЭХИЙГ ҮҮРЭГ БОЛГОВ 
 
Шуурхай зөвлөгөөний төгсгөлд Нийслэлийн Засаг дарга бөгөөд Улаанбаатар хотын Захирагч Д.Сумъяабазар дараах үүрэг, даалгаврыг өглөө. Тухайлбал,
✅Хөрөнгө оруулалтаар хийж байгаа авто зам, тохижилт, инженерийн шугам сүлжээний засвар шинэчлэлийн ажлуудыг дуусгаж, ухсан нүх, эвдэрч гэмтсэн авто зам, явган зам талбайг нөхөн сэргээх, засварлах ажлаа чанартай гүйцэтгэж, хэрэгжилтэд хяналт тавих.
✅Сайжруулсан шахмал түлшний борлуулалтын цэг нэмэгдүүлэх ажлыг эрчимжүүлж, борлуулалтын цэгүүдийг сайжруулсан түлшээр тасалдуулахгүй байх зохион байгуулалтын арга хэмжээг шуурхай авч ажиллах.
✅Авто замын хөдөлгөөн зохицуулагчаа нэмэгдүүлж, замын хөдөлгөөний дүрэм, журмыг баримтлуулах, хөдөлгөөнд соёлтой оролцуулах, “Өвөлд бэлэн үү” зэрэг нэгдсэн арга хэмжээг авч ажиллах.
✅Нийтийн тээврийн тоо хүртээмжийг өглөө, оройдоо нэмэгдүүлэх, үйлчилгээний чанарт анхаарах, цэвэрлэгээ үйлчилгээг тогтмол хийлгэж, нийтийн тээврийн үйл ажиллагаа, техникийн аюулгүй байдалд хяналт тавьж ажиллах.
✅LRT, тойрог хурдны замын ажил гэх мэт том төслүүд эхлэх гэж байгаатай холбоотойгоор Хот байгуулалт хөгжлийн газар, Газар зохион байгуулалтын алба Замын хөгжлийн газар гэх мэт зөвшөөрөл олгодог байгууллагууд уялдаа холбоогоо сайн хангаж ажиллахыг тус тус үүрэг болгов.

САЙЖРУУЛСАН ТҮЛШИЙГ 473 ЦЭГЭЭР БОРЛУУЛЖ БАЙНА
Нийслэлийн Агаарын бохирдолтой тэмцэх газрын дарга Ц.Ганболд “Өвөлжилтийн бэлтгэл ажлыг эртнээс хангасан. 120 мянган тонн түлш нөөцөлсөн. Борлуулалтын 473 цэг ажиллаж байгаа. Аравдугаар сарын 15-н гэхэд 650 цэг ажиллуулна. Өдөрт 800-900 тонн түлш борлуулж байгаа” гэлээ. Стандарт, чанар шаардлага хангаж байгаа эсэхийг Хотын дарга тодруулахад “Мэргэжлийн хяналтын байгууллагаас байнга шинжилгээ хийж байна. Чанарын хувьд стандартаа барьж байгаа” гэсэн бол Нийслэлийн Мэргэжлийн хяналтын газрын дарга С.Даваасүрэн “Шахмал түлшний чийгшил өнгөрсөн жил 6.8 хүртэл байсан. Энэ жил хамгийн ихдээ 3.8 байгаа. Түлшний чанар маш сайн байгаа” хэмээлээ.
Хотын дарга гэр хорооллын 200 мянга гаруй иргэний эрүүл, аюулгүй өвөлжихтэй холбоотой асуудал учраас хяналт тавьж ажиллахыг үүрэг болгов.

НИЙСЛЭЛИЙН ӨВӨЛЖИЛТИЙН БЭЛТГЭЛ 92 ХУВЬТАЙ БАЙНА
 
НИЙСЛЭЛИЙН ӨВӨЛЖИЛТИЙН БЭЛТГЭЛ 92 ХУВЬТАЙ БАЙНА
Нийслэлийн Удирдах ажилтнуудын шуурхай зөвлөгөөн өнөөдөр боллоо. Өнгөрсөн шуурхай зөвлөгөөн дээр Нийслэлийн Засаг дарга 10 чиглэлээр үүрэг даалгавар өгснөөс хэрэгжилт 82 хувийн гүйцэтгэлтэй байна. Тухайлбал, өвөлжилтийн бэлтгэл ажлыг хангах үүрэг өгсөн. Энэ хүрээнд 27 чиглэлийн 1106 ажил хийхээр баталснаас 92 хувьтай хэрэгжиж байгаа юм. Мөн 2719 тонн давс, 2160 тонн бодис нөөцөлжээ. Нэмэлтээр 500 тонн давс, 2000 тонн бодис авна.
Эрүүл мэндийн 26 байгууллагад их болон урсгал засвар хийсэн. 14 сургууль, цэцэрлэгийн барилгад засвар хийснээс гүйцэтгэл 95 хувьтай байна.
 

ЧИНГЭЛТЭЙ ДҮҮРГИЙН 30 ЖИЛЙН ОЙД ЗОРИУЛСАН ШАГАЙН ХАРВААНЫ ТЭМЦЭЭНИЙ АВАРГУУД ТОДОРЛОО
 
Чингэлтэй дүүрэг үүсэн байгуулагдсаны 30 жилийн ойн хүрээнд зохион байгуулагдсан “Шагайн харваа 2022” тэмцээий аваргууд тодорлоо.
Энэхүү тэмцээнд 21 аймаг, 9 дүүргийн 40 багийн 300 гаруй харваачид оролцож, хоёр өдрийн турш цэц мэргэнээ сорьж өрсөлдлөө.
 
? Нэгдүгээр байранд: “Догшин сүлд” ХХК-ийн Л.Пүрэв-Очир ахлагчтай баг.
?Хоёрдугаар байранд: “Их говь” ХХК-ийн Д.Чинцогт ахлагчтай баг.
?Гуравдугаар байранд: “Гуа орд” ХХК-ийн Г.Наранбат ахлагчтай баг.
?Дөрөвдүгээр байранд: Хан-Уул дүүргийн иргэн П.Шаравнямба ахлагчтай баг тус тус шалгарч шагналаа гардан авлаа.

Чингэлтэй дүүргийн Иргэдийн Төлөөлөгчдийн Хурлын Ажлын албанаас “Ном хандивлах 7 хоног” аяныг эхлүүлсэн. Дүүргийн Засаг даргын Тамгын газар уг аянд нэгдэж өнөөдөр хандивын номыг гардуулан өглөө.
 
Тус аяныг Гэр бүл, хүүхэд, залуучуудын хөгжлийн хэлтсийн дэргэдэх “Гэр бүлийн хүчирхийллийн гэрч хохирогчийг хамгаалах нэг цэгийн үйлчилгээний төв”-д номын фонд бүрдүүлэх зорилгоор зохион байгуулж байгаа бөгөөд дүүргийн харьяа хэлтэс, дэргэдэх байгууллагууд идэвхтэй оролцож ном хандивлаж байна.
Page 49 of 52

Харьяа газрууд

 

tatwar Чингэлтэй дүүргийн Татварын хэлтэс

 

bolowsroliiin heltesЧингэлтэй дүүргийн Боловсролын хэлтэс 

 

jijig dund vildwerЧингэлтэй дүүргийн Жижиг дунд, үйлдвэрийг дэмжих төв 

 

ulsiin bvrtgelЧингэлтэй дүүрэг дэх Улсын Бүртгэлийн хэлтэс

 

logo 2 Чингэлтэй дүүрэг дэх Цагдаагийн газар

 

Харьяа Газрууд

Удирдлагын хэсэг

© 2022  Веб хуудсыг эзэмшигч Чингэлтэй дүүргийн засаг даргын тамгын газар. Бүх эрх хуулиар хамгаалагдсан.