Нийслэлийн Чингэлтэй дүүргийн өсвөр үеийн аварга шалгаруулах “Зуун буудалт даам”-ны тэмцээн 2024 оны 03 дугаар сарын 10-ны өдөр дүүргийн 39 дүгээр сургууль дээр зохион байгуулагдаж 7-8, 9-10, 11-13, 14-16 насны ангилалд дүүргийн 5, 37, 39, 49, 50, 57, 72, 149, 140 дүгээр сургуулиудын нийт 126 охид, хөвгүүд оролцож, аваргууд шалгарлаа.

Ангилал тус бүр 1,2,3 дугаар байр шалгаруулсан ба багийн нийлбэр дүнгээр:

Тэргүүн байр: Б.Дамдинбазар дасгалжуулагчтай 57 дугаар сургууль

Дэд байр: Д.Элбэг дасгалжуулагчтай 39 дүгээр сургууль

Гутгаар байр: Ж.Чимэдмаа дасгалжуулагчтай 149 дүгээр сургуулийн баг тус тус шалгарсан юм.

Гэмт хэрэг, зөрчлөөс урьдчилан сэргийлэх чиглэлээр дүүргийн Засаг даргын Тамгын газрын Хууль, эрх зүйн хэлтэс, Тээврийн цагдаагийн албаны Замын цагдаагийн газрын Чингэлтэй дүүргийн Замын цагдаагийн хэлтсийн зохицуулагч, цагдаагийн ахлах дэслэгч Ц.Гомбожав, Чингэлтэй дүүргийн Хүүхдийн асуудал хариуцсан мэргэжилтэн, цагдаагийн дэслэгч Т.Батсүх, Хуульч, багш Н.Алтангэрэл нартай хамтран “МЭДЬЕ, СОНСЪЁ, СЭРГИЙЛЬЕ” сэдэвт сургалтыг 2024 оны 02 дугаар сарын 20-ноос 2024 оны 03 дугаар 07-ны өдрийг дуустал Ерөнхий боловсролын 5,17, 24, 37, 39, 49, 50, 57, 61, 112, 117 дугаар сургууль болон Соёл урлагын Их сургуулийн харьяа урлагийн төрөлжсөн сургалттай “БАДМААРАГ” ахлах сургуулийн ахлах ангийн 2734 сурагчдад сургалт зохион байгуулав.

Нийслэлийн Чингэлтэй дүүргийн Өсвөр үеийн Самбо бөхийн аварга шалгаруулах тэмцээн 2024 оны 03 дугаар сарын 09-ний өдөр зохион байгуулагдаж, ерөнхий боловсролын 14 сургуулийн 320 тамирчин оролцож, аваргууд шалгарлаа.

Тэмцээнд багийн нийлбэр дүнгээр:

1-р байр А.Мөнх-Ундрах багштай 37-р сургууль,

2-р байр Г.Идэрбаясгалан багштай 24-р сургууль,

3-р байр Х.Болдбаатар багштай 72-р сургуулийн баг тамирчид тус тус шалгарсан юм.

Нийслэлийн Чингэлтэй дүүргийн Хөгжлийн бэрхшээлтэй иргэдийн аварга шалгаруулах тэмцээнийг нисдэг таваг, бочи, суугаа волейбол гэсэн 3 төрлөөр 2024 оны 03 дугаар сарын 10-ны өдөр зохион байгуулж, дүүргийн 6 хорооны 80 гаруй тамирчин өрсөлдөж, аваргуудыг шалгарууллаа. 

Нисдэг тавгийн төрөлд:

1-р байр Д.Нямхүү ахлагчтай 7-р хорооны баг

2-р байр Ц.Баасан ахлагчтай 9, 19-р хорооны хамтарсан баг

3-р байр П.Батсүх ахлахчтай 5, 10-р хорооны хамтарсан баг

Бочины төрөлд:

1-р байр П.Батсүх ахлагчтай 5,10-р хорооны хамтарсан баг

2-р байр Н.Эрдэнэбаяр ахлагчтай 6, 8, 12-р хорооны хамтарсан баг

3-р байр Д.Нямхүү ахлагчтай 7-р хорооны баг

Суугаа волейболын төрөлд:

1-р байр Н.Эрдэнэбаяр ахлагчтай 6, 8, 12-р хорооны хамтарсан баг

2-р байр Ц.Бадамхорлоо ахлагчтай 7-р хорооны баг

3-р байр Ц.Баасан ахлагчтай 9, 10-р хорооны хамтарсан баг тус тус шалгарлаа.

Нийслэлийн Засаг даргын 2024 оны А/226, дүүргийн Засаг даргын 2024 оны А/03 дугаар захирамжуудын хүрээнд Нийслэлийн мал аж ахуй эрхлэхийг хориглосон бүсэд хариулагагүй орж ирсэн малыг гаргах, эзэн холбогдогчийг тогтоох, хариуцлага тооцох нэгдсэн арга хэмжээг 2024 оны 03 дугаар сарын 09-ний өдрөөс 10-ний өдрүүдэд дүүргийн 1-24 дүгээр хорооны нутаг дэвсгэрт зохион байгуулан ажиллалаа.

Дээрх 2 өдрүүдэд давхардсан тоогоор дүүргийн Засаг даргын Тамгын газар 12, 1-24 дүгээр хороодын 68 хэсгийн ахлагч, нийслэлийн 10 харъяа газар, агентлагийн нийт 462, Нийслэлийн цагдаагийн газраас морьт эргүүл-4, Чингэлтэй дүүргийн Цагдаагийн газрын-26, дотоодын цэргийн 80, нийт 652 албан хаагч оролцож, дүүргийн нутаг дэвсгэрт 4 бүст хуваарилагдан, хариуцсан бүсийн нутаг дэвсгэрээс хариулаггүй малыг гаргалаа.

Чингэлтэй дүүргийн нутаг дэвсгэрийн суурьшлын бүсэд орж ирсэн хариулгагүй малыг 1 байршилд түр саатуулан хашаалж, цагдаагийн байгууллагаас малын эздийг тогтоох арга хэмжээг авснаар 706 адуу, 2 үхрийг эзэн холбогдогчид хүлээлгэн өгч, нийт 708 тооны малыг суурьшлын бүсээс гарган ажиллалаа.

Мөн цагдаагийн байгууллагаас 7 иргэнд Зөрчлийн тухай хуулийн дагуу зөрчлийн хэрэг нээн материалжуулан шалгаж байна.

Нийслэлийн Чингэлтэй дүүргийн Хөгжлийн бэрхшээлтэй иргэдийн аварга шалгаруулах спортын 3 төрөлт тэмцээн өнөөдөр болж байна.

Тэмцээний нээлтэд Засаг даргын Тамгын газрын Нийгмийн хөгжлийн хэлтсийн дарга Л.Баярмаа, Биеийн тамир спортын хорооны дарга Б.Мөнхбаяр нар оролцлоо.

Тэмцээнд дүүргийн 6 хорооны 80 гаруй тамирчин оролцож, аваргын төлөө өрсөлдөж байна. Тэмцээн Нисдэг таваг, Бочи, Софт волейболын төрлүүдээр явагдаж байгаа юм.

Нийслэлийн Чингэлтэй дүүргийн Өсвөр үеийн Зуун буудалт даамын аварга шалгаруулах тэмцээн Ерөнхий боловсролын 39 дүгээр сургууль дээр өнөөдөр болж байна.

Тэмцээний нээлтэд Засаг даргын Тамгын газрын Нийгмийн хөгжлийн хэлтсийн дарга Л.Баярмаа, Биеийн тамир спортын хорооны дарга Б.Мөнхбаяр, Боловсролын хэлтсийн дарга А.Очир нар оролцлоо.

Тэмцээнд Ерөнхий боловсролын 11 сургуулийн 160 гаруй тамирчин оролцож, аваргын төлөө өрсөлдөж байгаа бөгөөд тэмцээн 4 насны ангиллаар явагдаж байна.

Монгол цэргийн өдөр, Зэвсэгт хүчний 103 жилийн ойг тохиолдуулан Чингэлтэй дүүргийн ерөнхий боловсролын ахлах ангийн сурагчдын дунд "Би эх орны цэрэг" мюзикл дуулаачийн тэмцээн амжилттай зохион байгуулагдлаа.

Багийн дүнгээр нийслэлийн ерөнхий боловсролын 23-р сургууль тэрүүн байр эзэлж, нийслэлийн ерөнхий боловсролын 72-р сургууль дэд байр, нийслэлийн ерөнхий боловсролын 149-р сургууль гутгаар байр тус тус эзэллээ.

Чингэлтэй дүүргийн Сургуулийн өмнөх боловсролын байгууллагын удирдах ажилтны ээлжит шуурхай хуралдаан өнөөдөр боллоо.

Шуурхай хуралдааныг Чингэлтэй дүүргийн Засаг даргын Тамгын газрын дарга Ж.Лхагвасүрэн удирдан явуулж, цаг үеийн нөхцөл байдалтай холбоотой асуудлаар мэдээлэл хийж, санал солилцлоо.

Монгол Цэргийн өдөр, Зэвсэгт хүчний 103 жилийн ойг угтаж нийслэлийн Засаг даргын Тамгын газрын Цэргийн штабаас “Би эх орны ирээдүй” хөтөлбөрийг хэрэгжүүлж байна.

Энэ хүрээнд ерөнхий боловсролын сургуулиудын 12 дугаар ангийн сурагчдад Монгол Улсын Үндсэн хууль, Батлан хамгаалах багц хуулийн талаар мэдээлэл, танилцуулга хийж байгаа юм.

Батлан хамгаалах бодлого, Зэвсэгт хүчний үйл ажиллагааг сурталчлах, иргэн-цэргийн харилцааг бэхжүүлэх, хүүхэд залууст үндэсний бахархал, уламжлалыг төлөвшүүлэх, боловсрол, оюун санаа, бие бялдрыг хөгжүүлэх зорилготой уг хөтөлбөрийн эхний шатны хаалт өнөөдөр дүүргийн 23 дугаар сургууль дээр боллоо.

Уг арга хэмжээнд Үндэсний аюулгүй байдлын зөвлөлийн ажлын алба, хурандаа Д.Мөнх-Очир, Зэвсэгт хүчний тусгай хүчний командлалын Санхүүгийн хэлтсийн дарга, дэд хурандаа Б.Батаа, нийслэлийн Засаг даргын Тамгын газрын Цэргийн штабын дарга Г.Ялалт, Батлах хамгаалах хууль тогтоомж, хяналт шинжилгээ хариуцсан ахлах офицер М.Мөнгөнтулга, Мэдээллийн аюулгүй байдлын офицер Б.Чимэд, Чингэлтэй дүүргийн Засаг даргын Тамгын газрын дарга Ж.Лхагвасүрэн, дүүргийн ИТХ-ын Ажлын албаны дарга П.Баянбаатар, Цэргийн штабын дарга, хурандаа Б.Энхболд нар оролцлоо.

Хөтөлбөрийн хүрээнд төрийн болон төрийн бус өмчийн ерөнхий боловсролын сургуулиудын 12 дугаар ангийн 600 гаруй бүлгийн 17 мянга орчим сурагчид мэдлэг, мэдээлэл олгосон байна. Арга хэмжээний үеэр Зэвсэгт хүчний 120 дугаар ангиас зэвсгийн үзэсгэлэнг дэлгэж сурагчдад толилууллаа. 

Чингэлтэй дүүргийн Ерөнхий боловсролын сургуулийн удирдах ажилтны ээлжит шуурхай хуралдаан өнөөдөр боллоо.

Шуурхай хуралдааныг Чингэлтэй дүүргийн Засаг даргын Тамгын газрын дарга Ж.Лхагвасүрэн удирдан явуулж, цаг үеийн нөхцөл байдалтай холбоотой асуудлаар мэдээлэл хийж, санал солилцлоо.

Монголын хараа зүйн мэргэжилтний “Од” нийгэмлэг, Австралын “See together” төрийн бус байгууллагатай хамтран дүүргийн Иргэдийн Төлөөлөгчдийн Хурал, Засаг даргын Тамгын газрын ажилтан, албан хаагчдыг нүдний үзлэгт  хамрууллаа.

Үзлэгт нийт 80 гаруй ажилтан, албан хаагч хамрагдлаа.

Нүдний хол болон ойрын харааг олон улсын стандартад нийцсэн аргын дагуу шалган, харааны шилний жорыг мэргэжлийн эмч нар албан хаагчдад тайлбарлан, зөвлөгөө мэдээлэл өглөө.