Нийслэлийн Ахмадын хорооноос 9 дүүргийн ахмадуудын дунд Софт волейбол, Ширээний теннис, Шатарын тэмцээнийг зохион байгууллаа.

Тэмцээнд тус дүүргийн ахмадуудын Софт волейболын эрэгтэй тамирчдын баг алтан медаль, эмэгтэй тамирчдын баг мөнгөн медаль, Ширээний теннисний эмэгтэй тамирчдын баг алтан медаль тус тус хүртэж амжилттай оролцлоо.

Дүүргийн 30 жилийн ой, “Соёлын бүтээлч сар” аяны хүрээнд дүүргийн иргэдийн чөлөөт цагийг зөв боловсон өнгөрүүлэх, соёл урлагийн үйл ажиллагааг түгээн дэлгэрүүлэх зорилгоор “Нийтийн цэнгээнт бүжгийн шилдэг хос” шалгаруулах тэмцээнийг 2022 оны 11 дүгээр сарын 19-ний өдөр зохион байгууллаа.

 

Тэмцээний 55-65 насны ангилалд:

1-р байранд 3-р хорооны хос Д.Гүрбазар, Ц.Намжилсүрэн

2-р байранд 13- р хорооны хос Г.Бадраа, П.Тэрбиш

3- р байранд 6-р хорооны хос О.Нармандах, Б.Цэндсүрэн.

Тусгай байранд 17- р хорооны хос Б.Батжаргал, Ч.Энхцэцэг нар

65-аас дээш насны ангилалд:

1- р байранд 17- р хорооны хос Х.Цогбаяр, Я.Мөнхбаяр.

2- р байранд И.Чулуунбат, Ш.Дуламсүрэн.

3- р байранд Л.Пүрэвнанзад, П.Нямсүрэн

Тусгай байранд Ж.Пүрэвдорж, Ж.Урантогос нар шалгарч өргөмжлөл мөнгөн шагналаар шагнагдлаа.

 

 

Нийслэлийн Чингэлтэй дүүргийн Иргэдийн төлөөлөгчдийн хурал, дүүргийн Боловсролын хэлтэс, Замын цагдаагийн хэлтэс хамтран хүүхэд багачууд, эцэг эхчүүдэд замын хөдөлгөөнд зөв боловсон оролцох дадал хэвшил олгох, зам тээврийн осол зөрчлөөс урьдчилан сэргийлэх тухай хууль дүрмийн мэдлэгийг олгох, түгээх, сурталчлах зорилгоор Ерөнхий боловсролын сургуулиудын дунд “Ногоон гэрэл-Цагаан шугам” тэмцээний хоёрдугаар шат өнөөдөр нээлтээ хийлээ.

Тэмцээний нээлтэд дүүргийн Иргэдийн төлөөлөгчдийн хурлын Гэмт хэргээс урьдчилан сэргийлэх ажлыг зохицуулах салбар зөвлөлийн Ажлын албаны дарга Т.Идэрцагаан, дүүргийн Замын цагдаагийн хэлтсийн Чиглэлийн ахлах зохицуулагч хошууч М.Гарьд, Боловсролын хэлтсийн дарга Ш.Оюунсүрэн, Ерөнхий боловсролын сургуулийн баг тамирчид оролцлоо.

Хүүхдийг зам тээврийн хэрэг, ослоос урьдчилан сэргийлэх, замын хөдөлгөөнд оролцох зөв дадалд сургах, аюулгүй байдлаа хэрхэн хангах талаар хууль, эрх зүйн мэдлэг олгох тэдний эцэг, эх, асран хамгаалагч нарын үүрэг хариуцлагыг сайжруулах, сургуулийн багш, нийгмийн ажилтнуудын оролцоог нэмэгдүүлэх зорилгоор ЕБС-ийн 17 баг оролцож байна.