Чингэлтэй дүүргийн удирдах ажилтны ээлжит шуурхай хуралдаан өнөөдөр боллоо. Хуралдааныг Чингэлтэй дүүргийн Засаг даргын Тамгын газрын дарга Ж.Лхагвасүрэн удирдан явууллаа.

Өнгөрсөн зөвлөгөөнөөр өгсөн үүрэг даалгаврын биелэлтийн талаар дүүргийн Архивын хэлтсийн дарга Д.Батчимэг, дүүргийн Худалдан авах ажиллагааны албаны М.Навчаа, Газар зохион байгуулалтын албаны дарга Х.Хишигбадрах, дүүргийн Хоймор хайрхан амралт ОНӨТҮГ-ын дарга Б.Насанбат нар мэдээлэл өглөө. Мөн дүүргийн Прокурорын газраас мэдээлэл хийлээ.

Дүүргийн Засаг даргын Тамгын газрын дарга Ж.Лхагвасүрэн удирдах ажилтнуудад үүрэг даалгавар өглөө.

Дүүргийн хүн амыг хөдөлгөөний дутагдлаас урьдчилан сэргийлэх, иргэн, гэр бүл, байгууллага, хамт олныг эрүүл амьдрах хэв маягт төлөвшүүлэх, бүх нийтийн биеийн тамир, спортыг хөгжүүлэхэд  олон нийтийн оролцоог дэмжих зорилгоор жил бүр уламжлал болгон зохион байгуулагддаг “Эртэч Чингэлтэйчүүд III” аянд оролцоог хангаж ажиллах             

Бүх нийтийн мод тарих өдөрлөгөөр хэлтэс албад модны нөхөн сэргээлт хийх ажлыг зохион байгуулж, оролцоог сайжруулах

Дэргэдэх хэлтэс, албадууд цаг үеийн холбогдолтой зохион байгуулагдаж буй ажил, арга хэмжээг зохион байгуулахад анхаарах

Энэ оны нэгдүгээр ээлжийн цэрэг татлагын зохион байгуулалт, үйл ажиллагааны бэлтгэл ажлыг сайтар хангаж ажиллах

Албан хэрэг хөтлөлт, өргөдөл гомдлын шийдвэрлэлтэд анхаарч ажиллахыг үүрэг болголоо.

Хөдөлмөрийн аюулгүй байдал, эрүүл ахуйн сарын аяны хүрээнд Чингэлтэй дүүргийн Цагдаагийн 1 дүгээр хэлтсийн алба хаагчдад "Хөдөлмөрийн аюулгүй байдал, эрүүл ахуйн хууль болон Үйлдвэрлэлийн осол, хурц хордлогыг судлан бүртгэх дүрэм" сэдвээр дүүргийн Хөдөлмөр, халамжийн үйлчилгээний хэлтсийн Хөдөлмөрийн хяналтын улсын байцаагч А.Оюунтүлхүүр мэдээлэл өгч, сургалт зохион байгууллаа. 

Чингэлтэй дүүргийн хүн амын өвчлөлийн байдал, нийгмийн эрүүл мэндийн салбарын тулгамдаж буй асуудлууд, түүнийг шийдвэрлэх арга замыг боловсруулах, эмнэлгийн тусламж үйлчилгээний чанар хүртээмжийг сайжруулахад бодит санал, зөвлөмж гаргах чадавх бүхий Судлаач сувилагч, эмнэлгийн тусгай мэргэжилтнүүдийг бэлтгэх, илтгэх ур чадвар, хүний нөөцийг хөгжүүлэх зорилгоор жил бүр уламжлал болгон зохион байгуулдаг “Судлаач-2024” эрдэм шинжилгээний бага хурлын шилдгүүдийг тодрууллаа.

Тэргүүн байранд:
О.Ариунтуяа, О.Оюунтунгалаг нарын “Мөрний өвдөлтийн үйл ажилгааны бэрхшээлийг үнэлэх сэргээн засах эмчилгээний үр дүнг тооцох нь”

Дэд байранд:
Ж.Буяннэмэх, Ц.Нямсүрэн, Б.Мэндбаяр, З.Янжинлхам нарын “Чингэлтэй дүүргийн Эрүүл мэндийн төвийн ээлжийн сувилагч нарын эрт сэрэмжлүүлэг үнэлгээний мэдлэгийг үнэлэх нь”

Гутгаар байранд:
Я.Пэрэнлиймаа, П.Рагчаа, Я.Ерөөлт, Ж.Өлзийдэлгэр нарын “Өрхийн эрүүл мэндийн төвөөс үзүүлж буй яаралтай тусламж үйлчилгээн дахь сувилагчийн оролцоог судлах нь” сэдэвт эрдэм шинжилгээний бүтээлүүд тус тус шалгарлаа.

Улаанбаатар хот үүсэн байгуулагдсаны 385 жилийн ой, Дэлхийн Өрхийн эмч нарын өдрийг тохиолдуулан анхан шатны эрүүл мэндийн байгууллагын яаралтай тусламжийн бэлэн байдлыг сайжруулах зорилгоор “Дуудлага” арга хэмжээг зохион байгууллаа. Арга хэмжээний нэгдүгээр шатанд дүүргийн 1-24 дүгээр хороодын 16 Өрхийн эрүүл мэндийн төвүүдийн баг оролцож, ур чадвараа сорин өрсөлдсөнөөс 2 дугаар шатны шалгаруулалтад өрсөлдөхөөр нийт 12 Өрхийн эрүүл мэндийн төвийн багууд шалгарлаа.

Дараагийн шатны шалгаруулалт 5 дугаар сарын 12-ны өдөр зохион байгуулагдах бөгөөд дүүргээс шалгарсан Өрхийн эрүүл мэндийн төвийн баг Нийслэлийн шалгаруулалтад оролцох эрхтэй болох юм. “Дуудлага” арга хэмжээг зохион байгуулснаар анхан шатны эрүүл мэндийн байгууллагын яаралтай тусламжийн бэлэн байдлыг сайжруулах, Өрхийн эрүүл мэндийн төвүүдийн эмч, эмнэлгийн ажилтнуудын ур чадварыг дээшлүүлэх, тэдний ажлыг олон нийтэд сурталчлан таниулах ач холбогдолтой юм.

Чингэлтэй дүүргийн хүн амын өвчлөлийн байдал, нийгмийн эрүүл мэндийн салбарын тулгамдаж буй асуудлууд, түүнийг шийдвэрлэх арга замыг боловсруулах, эмнэлгийн тусламж үйлчилгээний чанар хүртээмжийг сайжруулах, сувилагч, эмнэлгийн тусгай мэргэжлийн эмнэлгийн мэргэжилтнүүдийн судалгааны ажлын ур чадварыг дээшлүүлэх зорилгоор дүүргийн Засаг даргын Тамгын газраас жил бүр уламжлал болгон зохион байгуулдаг “Судлаач-2024” эрдэм шинжилгээний бага хурлыг өнөөдөр зохион байгуулж байна.

Эрдэм шинжилгээний бага хурлын нээлтэд Засаг даргын Тамгын газрын дарга Ж.Лхагвасүрэн, Нийгмийн хөгжлийн хэлтсийн дарга Л.Баярмаа, Эрүүл мэндийн төвийн дарга Ж.Сувд нар оролцсон бөгөөд шүүгчээр Б.Азжаргал АШУҮИС-ийн Сувилахуйн сургуулийн багш Сувилахуйн ухааны магистр, С.Оюунгэрэл Глобал удирдагч их сургуулийн багш Сувилахуйн ухааны магистр, Г.Батхуяг Сувилахуйн ухааны магистр нар уригдан оролцож байна.

Энэ удаагийн Эрдэм шинжилгээний бага хурлаар нийт 16 илтгэлийг хэлэлцүүлж байгаа юм.

Чингэлтэй дүүргийн өсвөр үеийн аварга шалгаруулах “Хөнгөн атлетик”-ийн тэмцээнийг 2024 оны 04 дүгээр сарын 26-ны өдөр дүүргийн “Хайрхан хөгжлийн төв”-д зохион байгуулсан юм.

Тэмцээнд дүүргийн ерөнхий боловсролын 10 сургуулийн 200 тамирчид оролцож хурд хүч, авхаалж самбаа, ур чадвараа сорин өрсөлдсөнөөс: Багийн нийлбэр дүнгээр :

1 дүгээр байранд: Х.Болдбаатар багштай 72 дугаар сургууль

2 дугаар байранд: М.Эрдэнэхуяг багштай 5 дугаар сургууль

3 дугаар байранд: Г.Ганзориг багштай 39 дүгээр сургууль тус тус шалгарлаа.

Цахим хөгжил, харилцаа холбооны яам, Төрийн цахим үйлчилгээний зохицуулалтын газар, E-Mongolia Academy УТҮГ, Чингэлтэй дүүргийн Засаг даргын Тамгын газар хамтран бүх нийтийн цахим ур чадварыг дээшлүүлэх, Төрийн үйлчилгээний нэгдсэн систем E-Mongolia-н үйлчилгээг сурталчлан таниулах, цахим шилжилтийн бэлэн байдлыг хангах зорилгоор Тусгаар тогтнолын талбайд “Цахим ур чадварын нээлттэй хаалганы өдрийг зохион байгууллаа.

Чингэлтэй дүүргийн Засаг дарга Н.Батсүмбэрэл: “Төрийн үйлчилгээг иргэдэд хурдан шуурхай, чирэгдэлгүй хүргэх боломжийг бүрдүүлж Чингэлтэй дүүрэг бүх хороондоо төрийн цахим үйлчилгээний “ХУРДАН” цэгийг нэвтрүүлсэн. Иргэд төрийн үйлчилгээг хамгийн ойроос буюу хорооны байрнаас авах боломжтой болсон” гэдгийг өдөрлөгийн нээлтийн ажиллагааны үеэр хэллээ.

Өнөөдрийн өдөрлөгийн хүрээнд төрийн албан хаагчид, ЕБС-ийн багш, сурагчид, хувиараа бизнес эрхлэгч иргэд, олон нийтэд зориулсан тусгай хөтөлбөр бүхий сургалтууд, төрийн үйлчилгээний нэгдсэн E-Mongolia системийн үйлчилгээг сурталчлан таниулах, үйлчилгээ үзүүлэх явуулын автобус,  төрийн байгууллагын бүтээгдэхүүн, үйлчилгээний танилцуулга экспо зэрэг олон талт арга хэмжээнүүд нэгэн зэрэг зохион байгуулагдаж байна.

“Цахим ур чадварын нээлттэй хаалганы өдөрлөг”-ийн үйл ажиллагаанд дүүргийн Засаг даргын дэргэдэх хэлтэс, албад иргэдэд зөвлөгөө мэдээлэл өгч ажиллалаа.

✅Нийслэлийн Чингэлтэй дүүргийн Засаг даргын тамгын газар, Замын цагдаагийн хэлтэс, Улаан загалмайн хороо хамтран хүүхэд багачууд, эцэг эхчүүдэд замын хөдөлгөөнд зөв боловсон оролцох дадал хэвшил олгох, зам тээврийн осол зөрчлөөс урьдчилан сэргийлэх тухай хууль дүрмийн мэдлэгийг олгох, түгээх, сурталчлах зорилгоор Сургуулийн өмнөх боловсролын байгууллагуудын дунд “Замын хөдөлгөөний цагаан толгой-2024”  тэмцээн  амжилттай зохион байгуулагдлаа.

“Замын хөдөлгөөний цагаан толгой 2024” тэмцээний шилдгүүдээр:

✅Нэгдүгээр байранд: СӨБ-ын 18 дугаар цэцэрлэг

✅Дэд байранд: СӨБ-ын 293 дугаар цэцэрлэг

✅Гутгаар байранд: СӨБ-ын 327 дугаар цэцэрлэг

✅Тусгай байранд СӨБ-ын 224 дүгээр цэцэрлэг тус тус шалгарлаа.

 ✅”Уран зохицуулагч” -аар СӨБ-ыг 31 дүгээр цэцэрлэгийн бэлтгэл А бүлгийн Ц.Нандинучрал шалгарч, тэмцээнд оролцсон хүүхэд багачуудад гарын бэлэг гардууллаа.

Чингэлтэй дүүргийн Засаг дарга Н.Батсүмбэрэл өнөөдөр дүүргийн Сууц өмчлөгчдийн холбоодын төлөөлөлтэй уулзлаа.

Уулзалтад дүүргийн 1-6, 9, 10, 15, 24 дүгээр хороодод үйл ажиллагаа явуулдаг сууц өмчлөгдийн холбоодын гүйцэтгэх захирлууд болон дүүргийн Засаг даргын Тамгын газрын холбогдох албан тушаалтнууд, Тохижилт үйлчилгээний компанийн удирдлагууд оролцлоо.

Уулзалтаар дүүрэгт хийж буй бүтээн байгуулалтын ажлууд, хөрөнгө оруулалтын ажил, хийгдэх ажлын санал болон сууц өмчлөгчдийн холбоодод тулгамдаж буй асуудлыг ярилцаж санал солилцлоо.

Уулзалтаар яригдсан санал, зөвлөмжийг холбогдох албан тушаалтнуудад хүргүүлж, арга хэмжээ авч ажиллахаар ярилцлаа.

✅Нийслэлийн Чингэлтэй дүүргийн Засаг даргын тамгын газар, Замын цагдаагийн хэлтэс, Улаан загалмайн хороо хамтран хүүхэд багачууд, эцэг эхчүүдэд замын хөдөлгөөнд зөв боловсон оролцох дадал хэвшил олгох, зам тээврийн осол зөрчлөөс урьдчилан сэргийлэх тухай хууль дүрмийн мэдлэгийг олгох, түгээх, сурталчлах зорилгоор Сургуулийн өмнөх боловсролын байгууллагуудын дунд “Замын хөдөлгөөний цагаан толгой”  тэмцээн нээлтээ хийлээ.

Тэмцээний нээлтийн үйл ажиллагаанд  дүүргийн Засаг даргын Тамгын газрын дарга Ж.Лхагвасүрэн, Төрийн захиргаа удирдлагын хэлтсийн дарга Б.Нацагдорж, Нийгмийн хөгжлийн хэлтсийн дарга. Л.Баярмаа, Чингэлтэй дүүргийн Замын цагдаагийн хэлтсийн ахлах зохицуулагч хошууч Т.Заяасайхан болон сургуулийн өмнөх боловсролын Ерөнхий боловсролын сургуулийн баг тамирчид оролцлоо.

‘’Замын хөдөлгөөний цагаан толгой-2024’’ тэмцээнд дүүргийн нутаг дэвсгэрт үйл ажиллагаа явуулж буй 27 цэцэрлэгийн 270 хүүхэд оролцож авхаалж, самбаа, мэдлэг чадвараа сорьсон өрсөлдөж байна.

Монгол Улсад генерал цол бий болсны түүхт 80 жилийн хүрээнд Батлан хамгаалах яамны Эрдэм шинжилгээний хүрээлэнгийн судлаач, бригадын генерал Х.Батбилэг нийслэлийн Ерөнхий боловсролын 23, 37, 49, 57, 61 дүгээр сургуулийн ахлах ангийн сурагчидтай “Эх оронч үзэл” сэдвээр уулзалт, яриа өрнүүллээ.

Арга хэмжээнд Батлан хамгаалах яамны Эрдэм шинжилгээний хүрээлэнгийн судлаач, бригадын генерал Х.Батбилэг, нийслэлийн Онцгой байдлын газрын дарга, хурандаа А.Дашням, Чингэлтэй дүүргийн Засаг дарга бөгөөд Онцгой комиссын дарга Н.Батсүмбэрэл, Чингэлтэй дүүргийн Иргэлийн Төлөөлөгчдийн Хурлын дарга Б.Мөнхбат, Чингэлтэй дүүргийн Засаг даргын Тамгын газрын дарга Ж.Лхагвасүрэн, Чингэлтэй дүүргийн Онцгой байдлын хэлтсийн дарга, хурандаа Б.Батбилэг, Чингэлтэй дүүргийн Засаг даргын Тамгын газрын цэргийн штабын дарга, хурандаа Б.Энхболд нарын хүндэт зочид оролцлоо.

Уулзалтыг нээж Чингэлтэй дүүргийн Засаг дарга бөгөөд Онцгой комиссын дарга Н.Батсүмбэрэл хэлсэн үгэндээ “Монгол Улсад генерал цол бий болсны 80 жилийн ойг эрхэм бригадын генерал Х.Батбилэг танд дэвшүүлж байна. Чингэлтэй дүүргийн хүүхэд залуучуудад эх оронч үзлийг төлөвшүүлэх арга хэмжээг явуулж байгаа танд дүүргийн нийт иргэдийнхээ өмнөөс талархал илэрхийлж байна. Хүүхдүүд залуучууд эх орон, эцэг эхээ сонгож төрдөггүй ч гэлээ өөрийн үзэл бодол, ажил мэргэжлээ сонгодог. Тиймээс сурагчид та бүхэн ажил мэргэжлээ судалж, ирээдүйгээ харж сонголт хийгээрэй. Та бүхэнд амжилт хүсье” гэлээ.