Чингэлтэй дүүргийн Ахмадын хорооноос дүүргийнхээ 1-24 дүгээр хороодын ахмад настнуудтай уулзах уулзалтыг 2024 оны 4 дүгээр сарын 04-ний өдрөөс 4 дүгээр сарын 23-ны өдрийг хүртэлх хугацаанд хуваарийн дагуу зохион байгуулж дууслаа.

Уулзалтад дүүргийн Ахмадын хорооны дарга П. Төвсанаа, Засаг даргын Тамгын газрын Нийгмийн хөгжлийн хэлтсийн дарга Л.Баярмаа нар оролцож, ахмад настны хөгжил хамгааллыг сайжруулах чиглэлээр төрөөс авч хэрэгжүүлж буй бодлого шийдвэр, дүүргийн хэмжээнд хийж хэрэгжүүлсэн ажлуудын талаарх мэдээллийг өгч, Хүний эрхийн Үндэсний комиссоос ахмад настнуудын эрх, хамгааллын чиглэлээр хийсэн судалгааны товч тайланг танилцуулсан юм.

Энэ удаагийн ээлжит уулзалтад 1-24 дүгээр хороодын 2400 гаруй ахмад настан оролцож, 160 гаруй ахмад настан санал хүсэлтээ илэрхийлсэн байна.

Архив албан хэрэг хөтлөлтийн тухай хуулийн 9 дүгээр зүйлийн 9.1 дэх заалт төрийн архивын дэргэд барит нягтлан шалгах арга зүйн комисс ажиллана гэж  заасны дагуу Чингэлтэй дүүргийн архивын дэргэдэх БНШАЗК-ын анхдугаар хурал болж өндөрлөлөө.  

Энэхүү хурлаар Архив албан хэрэг хөтлөлтийн тухай хуулийн 23.2.9 “архивын баримтыг харьяалах төрийн архив5 шилжүүлэх, 27.1.9 нутгийн захиргааны болон өөрөө удирдах байгууллагын архив-8 жил", Нийслэлийн Архивын газрын Баримт нягтлан шалгах арга зүйн комиссын 2022 оны 4 дүгээр хурлаар батлагдсан “Чингэлтэй дүүргийн архивын сан хөмрөгийг 2022-2026 онд бүрдүүлэх үндсэн эх үүсвэрийн жагсаалт”-ын Чингэлтэй дүүргийн 1-19 дүгээр хороодын байнга хадгалах дүүргийн архивт хүлээн авах, 70 жил хадгалах болон Түр хадгалах баримт, Устгах хэргийн жагсаалтыг хэлэлцсэн бөгөөд 1, 2, 3, 4, 5, 7, 10, 11, 13, 14,15, 19 дүгээр хороодын данс бүртгэл, жагсаалтыг баталж 6, 8, 9 12, 17, 16, 18 дугаар хороодын данс бүртгэлд дахин засвар өөрчлөлтийг хийж дараагийн хурлаар хэлэлцэхээр шийдвэрлэлээ.

Мөн Архив албан хэрэг хөтлөлтийн тухай хуулийн 23 дугаар зүйл, 24 дүгээр зүйлийн 2.7.2 дахь заалт, Байгууллагын архивын үйл ажиллагааны нийтлэг журамд заасан байгууллагын архивын хадгалалт хамгаалалтыг сайжруулж ажилласан Чингэлтэй дүүргийн Нийгмийн даатгалын газарт байгууллагын архивын гэрчилгээг Нийслэлийн архивын газрын дэргэдэх Баримт нягтлан шалгах арга зүйн комиссын 2024 оны 02 дугаар сарын 28-ны  01 дүгээр хурлаар батламжилсаныг тус хурлын үеэр Чингэлтэй дүүргийн Нийгмийн даатгалын газрын дарга Л.Ариунаад гардуулан өглөө.

Дүүргийн Засаг даргын Тамгын газраас 1-24 дүгээр хороодын ахмад настнуудыг эрүүл мэндийн урьдчилан сэргийлэх үзлэг шинжилгээнд 4 дүгээр сарын 15-ны өдрөөс 05 дугаар сарын 16-ны өдрийг хүртэлх хугацаанд хуваарийн дагуу хамруулж байна.

Үзлэг шинжилгээгээр:

         Мэдрэлийн эмчийн үзлэг, зөвлөгөө

         Чих хамар, хоолойн эмчийн үзлэг, зөвлөгөө

         Хоол зүйч эмчийн үзлэг, зөвлөгөө

         Элэгний В, С вирус илрүүлэх шинжилгээ

         Зүрхний цахилгаан бичлэг

         Шаардлагатай тохиолдолд сонсголын бичлэг

         Дотрын эмчийн үзлэг шинжилгээг хийж байна.

Өнөөдрийн байдлаар дүүргийн 1-5 дугаар хорооны 584 ахмад настанг үзлэгт хамруулсан байгаа бөгөөд нийт 4800 ахмад настанг хамруулах юм.

“Төгсөлтийн аргачлалаар хэрэгжүүлэх туршилтын хөтөлбөр”-ийн тайлант өдөрлөг өнөөдөр Чингэлтэй дүүрэгт боллоо. Өдөрлөгт Чингэлтэй дүүргийн Засаг дарга Н.Батсүмбэрэл оролцлоо.

Энэхүү хөтөлбөр нь нийгмийн халамжийн бодлогын шинэчлэлийн хүрээнд зорилтот өрхийг чадавхжуулах, амьжиргааг дэмжихэд чиглэсэн үйлчилгээг бий болгосон бөгөөд Азийн хөгжлийн банкны “Цар тахлын үед хариу арга хэмжээ авах нийгмийн хамгааллын төсөл 2”-ын санхүүжилтээр “Төгсөлтийн аргачлалаар хэрэгжүүлэх туршилтын хөтөлбөр” юм.

Уг хөтөлбөрийг Чингэлтэй дүүрэгт 6 дугаар сараас эхлэн хэрэгжүүлж эхэлсэн бөгөөд төсөлд хамрагдах иргэн, өрхийг санамсаргүй түүврийнаргаар сонгон хамруулсан юм. Төслийн хугацаанд тухайн иргэдийн нийгмийн идэвх оролцоог сайжруулах, ур чадварыг нээн илрүүлж хөгжүүлэх, өрхөд тохирох бизнесийг санал болгох зэрэг нөлөөллийн олон арга хэмжээг үе шаттай зохион байгуулж байгаа юм.

Чингэлтэй дүүргээс уг хөтөлбөрт 207 өрх хамрагдаж байгаа бөгөөд өрх бүрийн сонгосон бизнест тохируулан тус бүр 1.5 сая төгрөгийн үнэ бүхий тоног төхөөрөмж, багаж хэрэгслийн дэмжлэг олгосон юм.

Үүнээс 205 өрх бизнесээ сонгон тоног төхөөрөмжөө авч, 2 өрх нь бизнесээ сонгоогүй ч төсөлдөө идэвхтэй хамрагдаж өрхийн бизнесээ эхлүүлж, төслийн үр шимээ хүртээд байна.

Хөдөлмөрийн аюулгүй байдал, эрүүл ахуйн сарын аяны хүрээнд барилга угсралтын чиглэлээр үйл ажиллагаа эрхлэгч аж ахуйн нэгж, байгууллагуудад урьдчилан сэргийлэх хяналт шалгалт хийж, барилгын ажлыг аюул, эрсдэлгүй явуулах үүднээс стандартын хашаа, явган зорчигчийн аюулгүй байдлыг хангуулах зорилгоор саравч, хаалт хийлгүүлж зөрчлийг арилгуулж байна.

Мөн гадна пасатны ажил гүйцэтгэж буй үйл ажиллагаанд хяналт шалгалт хийж хөдөлмөрийн аюулгүй байдал хангаагүй зөрчилд үйл ажиллагааг түр зогсоох хүртэл арга хэмжээг авч ажиллаж байна.

Чингэлтэй дүүргийн Засаг даргын Тамгын газар, Монголын Холимог тулааны холбоотой хамтран ажиллах санамж бичигт өнөөдөр гарын үсэг зурлаа.

Чингэлтэй дүүргийн Засаг дарга Н.Батсүмбэрэл, Монголын Холимог Тулааны холбооны Ерөнхий нарийн бичгийн дарга Г.Дашдаваа нар өнөөдөр хамтран ажиллах санамж бичигт гарын үсэг зурлаа. 

Энэхүү санамж бичгийн хүрээнд дүүргийн хүүхэд залууст Холимог тулааны спортыг сурталчлах таниулах, хөгжүүлэх, цаашид шаардлагатай дэмжлэг туслалцааг үзүүлэх, хамтын ажиллагааг бэхжүүлэх юм.

Чингэлтэй дүүргийн Засаг даргын 2020-2024 оны үйл ажиллагааны хөтөлбөр, дүүргийн Иргэдийн Төлөөлөгчдийн хурлын Тэргүүлэгчдийн 2021 оны “Ногоон дүүрэг 2024” арга хэмжээ батлах тухай 30 дугаар тогтоолын хэрэгжилтийг хангах ажлын хүрээнд дүүргийн иргэдийн амьдрах орчны чанар, нөхцөлийг дээшлүүлж ногоон байгууламжийг нэмэгдүүлэх, орчны тохижилтыг сайжруулах, агаарын бохирдлыг бууруулах зорилгоор өнөөдөр дүүргийн Засаг даргын Тамгын газар, нийслэлийн Засаг даргын Тамгын газар “Тэрбум од үндэсний хөдөлгөөнийг дэмжих сан” хамтран ажиллах санамж бичигт гарын үсэг зурлаа.

Санамж бичиг зурах ёслолд дүүргийн Засаг дарга Н.Батсүмбэрэл, Тамгын газрын дарга Ж.Лхагвасүрэн, Төрийн захиргааны удирдлагын хэлтсийн дарга Б.Нацагдорж, “Тэрбум мод” үндэсний хөдөлгөөнийг дэмжих сангийн удирдах зөвлөлийн дарга З.Шагдарсүрэн, гүйцэтгэх захирал Б.Баярмаа, сангийн зохицуулагч Г.Тэлмэн, Хяналт үнэлгээний мэргэжилтэн Ц.Батзаяа нар оролцлоо.

“Хүүхдийг зодож шийтгэхийн эсрэг өдөр” болгон тэмдэглэн өнгөрүүлэх ажлын хүрээнд Чингэлтэй дүүргийн Ерөнхий боловсролын сурууль болон Сургуулийн өмнөх боловсролд хамрагддаг хүүхэд багачуудын дунд “ДҮҮДЭЭ ХЭРХЭН САЙНААР ҮЛГЭРЛЭХ ВЭ?” Эссэ бичлэгийн уралдаан, “ХАМГИЙН ГОЁ ГЭРИЙН ДҮРЭМТЭЙ АЙЛ” уралдаанууд зарлагдсан байна. Та бүхнийг идэвхтэй оролцохыг уриалж байна.

Дэлхий нийтээр жил бүрийн 4 дүгээр сарын 30-ны өдрийг “Хүүхдийг зодож, шийтгэхийн эсрэг өдөр” болгон тэмдэглэж ирсэн ба нийслэлийн Чингэлтэй дүүргээс энэ өдрийг угтан хүүхдийг бие махбодын хүчирхийлэлд өртөхөөс урьдчилан сэргийлэх, ямар нэгэн шийтгэлгүй, эерэг орчинд өсгөн хүмүүжүүлэхийг уриалсан нөлөөллийн ажлуудыг уламжлал болгон зохион байгуулж ирсэн.

“Хүүхдийг зодож шийтгэхийн эсрэг Дэлхийн өдөр”-ийг угтан “ШИЙТГЭЛ БОЛ ШИЙДЭЛ БИШ” аяныг уламжлал болгон зохион байгуулж, хүүхдийн дуу хоолойг сонсох, хүүхдийн эсрэг хүчирхийллийг таслан зогсоох, хүүхэд хүмүүжлийн эерэг аргын талаар гэр бүл, олон нийтийн зөв хандлагыг бий болгох чиглэлээр олон талт үйл ажиллагааг үе шаттайгаар зохион байгуулан ажиллаж байгаа юм.

Өртөөчилсөн сургалтад  Чингэлтэй дүүргийн төрийн болон хувийн байгууллагын албан хаагчдад мөн 1-24 хороодын иргэдэд “Өдөр тутам хэрэглэгдэх хүмүүжлийн эерэг аргууд” болон “Хүүхдийн эсрэг хүчирхийллийг таслан зогсоох чиглэлээр төрөөс авч хэрэгжүүлж буй бодлого шийдвэрийг танилцуулан ажиллаж байна. Тус сургалт хувиарын дагуу 4-р сарын 29-ны өдрийг хүртэл үргэлжлэх юм.

Монгол Улсад генерал цол бий болсны түүхт 80 жилийн хүрээнд Батлан хамгаалахын Ерөнхий хянан шалгагч бригадын генерал Ж. Болдбаатар нийслэлийн Ерөнхий боловсролын 24 дүгээр сургуулийн ахлах ангийн сурагчидтай “Эх оронч үзэл” сэдвээр уулзалт, яриа өрнүүллээ.

Арга хэмжээнд Батлан хамгаалахын Ерөнхий хянан шалгагч бригадын генерал Ж. Болдбаатар, Чингэлтэй дүүргийн Засаг даргын Тамгын газрын дарга Ж.Лхагвасүрэн, нийслэлийн ЗДТГ-ын Цэргийн штабын дарга хурандаа Г.Ялалт, Чингэлтэй дүүргийн ЗДТГ-ын Цэргийн штабын дарга хурандаа Б.Энхболд, Баянгол дүүргийн ЗДТГ-ын Цэргийн штабын дарга хурандаа Л.Цэрэгбаяр, Сонгинохайрхан дүүргийн ЗДТГ-ын Цэргийн штабын дарга дэд хурандаа Б.Нямгэрэл, Хан-Уул дүүргийн ЗДТГ-ын Цэргийн штабын дарга дэд хурандаа Д.Баасанхүү, нийслэлийн Ерөнхий боловсролын 24 дүгээр сургуулийн захирал Т.Нарантуяа нарын хүндэт зочид оролцлоо.

Арга хэмжээг нээж Чингэлтэй дүүргийн Засаг даргын Тамгын газрын дарга Ж.Лхагвасүрэн “Монгол Улсад генерал цол бий болсны 80 жилийн ойг эрхэм бригадын генерал Ж.Болдбаатар танд дэвшүүлж байна. Чингэлтэй дүүргийн хүүхэд залуучуудад эх оронч үзлийг төлөвшүүлэх арга хэмжээг явуулж байгаа танд дүүргийн нийт иргэдийнхээ өмнөөс талархал дэвшүүлж байна.” гэлээ.

Чингэлтэй дүүргийн удирдах ажилтны ээлжит шуурхай хуралдаан өнөөдөр боллоо.  Хуралдааныг Чингэлтэй дүүргийн Засаг даргын Тамгын газрын дарга Ж.Лхагвасүрэн удирдан явууллаа.

Өнгөрсөн зөвлөгөөнөөр өгсөн үүрэг даалгаврын биелэлтийн талаар дүүргийн Хяналт, шинжилгээ үнэлгээний хэлтсийн дарга Н.Наранзул мэдээлэл өглөө.

Мөн дүүргийн Дотоод аудитын хэлтэс, Татварын алба, Статистикийн хэлтсээс мэдээлэл хийлээ.

Дүүргийн Засаг даргын Тамгын газрын дарга Ж.Лхагвасүрэн удирдах ажилтнуудад үүрэг даалгавар өглөө.

-Нийслэлийн Засаг даргын Захирамжаар хийгдэж буй “Хаврын их цэвэрлэгээ” аяны хүрээнд тус бүр хариуцсан зам талбайд цэвэрлэгээ үйлчилгээ хийх, аж ахуй нэгж байгууллагын орчны цэвэрлэгээнд анхаарах, хяналт тавих
-Иргэдийг эрүүл мэндийн эрт илрүүлэгт хамруулах ажлыг зохион байгуулах, үйлчилгээг сайжруулах
-Дэргэдэх хэлтэс, албадууда цаг үеийн холбогдолтой зохион байгуулагдаж буй ажил, арга хэмжээг зохион байгуулахад анхаарах
-Дүүргийн 1-24 дүгээр хороодод ахмадын эрүүл мэндийн үзлэг хийгдэж байгаа ажилд анхаарах
-Орон нутгийн хөгжлийн сангаас хэрэгжүүлэх төсөл арга хэмжээнд иргэдийн санал өгөх нөхцөлийг бүрдүүлэх, сурталчлах
-Албан хэрэг хөтлөлт, өргөдөл гомдлын шийдвэрлэлтэд анхаарч ажиллахыг үүрэг болголоо.