​Архив, албан хэрэг хөтлөлтийн тухай хууль, Хууль зүй, дотоод хэргийн сайдын 2021 оны А/204 дүгээр тушаалаар батлагдсан "Төрийн архивын үйл ажиллагааны нийтлэг журам”, Хууль зүй, дотоод хэргийн сайдын 2021 оны А/222 дугаар тушаалаар батлагдсан “Байгууллагын архивын үйл ажиллагааны нийтлэг журам, Нийслэлийн Архивын газрын дэргэдэх Баримт нягтлан шалгах арга зүйн комиссын 04 дүгээр хурлаар батлагдсан “Чингэлтэй дүүргийн архивын сан хөмрөгийг 2022-2026 онд бүрдүүлэх үндсэн эх үүсвэрийн жагсаалт”-ын дагуу 2022 онд нөхөн бүрдүүлэх хуваарьт орсон Нийслэлийн 154, 155, 173, 174 дүгээр цэцэрлэгийн данс, бүртгэлийг Дүүргийн архивын дэргэдэх БНШАЗК-ын 03 дугаар хурлаар хэлэлцлээ.

 

​БНШАЗК-ын гишүүдийн 100 хувийн саналаар 173, 174 дүгээр цэцэрлэгийн данс, бүртгэл батлагдаж, 154, 155 дугаар цэцэрлэгийн баримтын бүрдэл дутуу, албан хэрэг хөтлөлтийн стандартын зөрчил илэрсэн тул хариуцсан байгууллагын дарга нарт хугацаат үүрэг даалгавар өгч БНШАЗК-ын 2022 оны 12 дугаар сарын 23-ны өдөр дахих хэлэлцүүлэхээр шийдвэрлэв.

 

Хөдөлмөрийн тухай хуулийн 16.1.6 дахь заалт, Хөдөлмөр, нийгмийн түншлэлийн гурван талт Үндэсний хорооны 2022 оны 05 дугаар тогтоолоор батлагдсан "Сум дүүргийн хөдөлмөрийн эрхийн маргаан зохицуулах гурван талт хорооны дүрэм"-ийн 2.6 дахь хэсэгт заасны дагуу Чингэлтэй дүүргийн Хөдөлмөрийн эрхийн маргаан зохицуулах гурван талт хороо өнөөдөр анхдугаар хурлаа хийлээ. Дүүргийн Хөдөлмөрийн эрхийн маргаан зохицуулах хорооны даргаар дүүргийн Засаг даргын Тамгын газрын Хууль, эрх зүйн хэлтсийн дарга Г.Хурцбаяр, нарийн бичгийн даргаар Чингэлтэй дүүргийн Үйлдвэрчний эвлэлийн холбооны дарга Ц.Гэнэндулам нар сонгогдож, Хөдөлмөр халамжийн үйлчилгээний хэлтэс ажлын албаны чиг үүргийг гүйцэтгэхээр хурлаар шийдвэрлэлээ.

 

Дүүргийн Хөдөлмөрийн эрхийн маргаан зохицуулах гурван талт хороо нь хөдөлмөрийн маргаанаас урьдчилан сэргийлэх, сургалт зохион байгуулах, зөвлөгөө мэдээлэл өгөх, сурталчилгаа хийх, шүүхийн өмнөх шатанд эвлэрүүлэн зуучлах үүрэгтэй бөгөөд Хөдөлмөрийн тухай хуулинд 20 ба түүнээс дээш ажилтантай аж ахуйн нэгж байгууллага бүр хөдөлмөрийн эрхийн маргаан таслах комисс байгуулан ажиллах үүрэгтэй юм.

-1157 тонн бодис, 1341 тонн давс цацаад байна. Нөөц хангалттай байгаа хэдий ч гэр хорооллын зам, гудамжинд халтиргаа, гулгаа их үүсэж байгаа учраас ачаалал дийлэхгүй байх үе бий. 2023 оноос дүүргүүдтэйгээ шинэ менежментээр ажиллана. Машин, техникийг шинэчлэх ажил эрчимжиж байгаа.

Нийслэлийн удирдах ажилтнуудын шуурхай зөвлөгөөн өнөөдөр боллоо. Зөвлөгөөнийг Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн удирдан явуулав.

Хотын дарга өмнөх шуурхай зөвлөгөөнөөр нийт 10 чиглэлээр үүрэг даалгавар өгснөөс хэрэгжилт 88 хувьтай байжээ.

ЭРСДЭЛЭЭС УРЬДЧИЛАН СЭРГИЙЛЭХ ТУХАЙ ЗӨВЛӨМЖ

Монгол Улсын Барилга, хот байгуулалтын яамны Төрийн нарийн бичгийн даргын 2022 оны А/169 дүгээр тушаалаар байгуулагдсан “Үнэлгээний баг” өнөөдөр нийслэлийн Чингэлтэй дүүрэгт ажиллаж, дүүргийн Засаг даргын Тамгын газрын барилга, байгууламжид үнэлгээ хийлээ.

Үнэлгээний багийг нийслэлийн Хотын стандарт, хяналтын газрын Стандарт, хяналтын газрын Стандартын хэрэгжилтийн хяналтын Ахлах мэргэжилтэн н.Цогтбилэг ахалж, Барилгын хөгжлийн төв ТӨҮГ-ын мэргэжилтэн С.Гүнчинсүрэн, Хотын стандарт, хяналтын газрын Стандарт, хяналтын газрын мэргэжилтэн н.Чимэдцэеэ, Чингэлтэй дүүргийн Засаг даргын Тамгын газрын Төрийн захиргааны удирдлагын хэлтсийн дарга Л.Баярмаа нар ажиллалаа.

Барилга байгууламжийн үнэлгээг Барилга, хот байгуулалтын яамны Төрийн нарийн бичгийн даргын 2022 оны А/169 дүгээр тушаалын 4 дүгээр хавсралтаар батлагдсан Нийслэл дэх төр захиргааны байгуулагуудын зарим барилгуудын саадгүй байдал, хүртээмжийн байдлыг үнэлэх шалгуурын дагуу үнэлсэн юм.