Чингэлтэй дүүргийн тохижилт үйлчилгээний “Найши трейд” ХХК Зуслангийн бүсийн Жигжид чиглэлийн авто замын авто машины хөдөлгөөн бага, давс бодисын хайлалт удаан байгаа хэсэгт замын хөдөлгөөний аюулгүй байдлыг ханган дахин давс, бодис цацан ажиллаж байна.

Мөн Яргайтын богино чиглэлийн авто замын явган зам, нуухны цэвэрлэгээг зам талбайн ажилчид цэвэрлэж, цэвэрлэгээнээс гарсан хар цасын тухай бүр ачиж тээвэрлэж байна.

Чингэлтэй дүүргийн Засаг даргын Тамгын газар, Боловсролын хэлтэс хамтран дүүргийн Ерөнхий боловсролын сургууль, Сургуулийн өмнөх боловсролын байгууллагын удирдах ажилтнуудын дунд "Хамтын оролцоонд суурилсан сургалтын байгууллагын менежментийг хөгжүүлэх нь" сэдэвт шилдэг илтгэл шалгаруулах эрдэм шинжилгээний хурлыг зохион байгууллаа.

Дүүргийн түвшинд ЕБС удирдах ажилтны 11 илтгэл, СӨББ-ын удирдах ажилтны 10 илтгэл нийт 21 илтгэл оролцож дараах удирдлагын багийн илтгэлүүд шалгарч нийслэлийн түвшинд өрсөлдөх эрхээ авлаа. Амжилттай оролцож, эхний байранд шалгарсан багш нарт өргөмжлөл, мөнгөн шагналыг  дүүргийн Засаг даргын Тамгын газрын дарга П.Баянбаатар гардуулан өглөө. 

СӨББ-ын удирдах ажилтны төрөлд

1-р байр- 293 дугаар цэцэрлэгийн арга зүйч Т.Баярмаа

2-р байр- 103 дугаар цэцэрлэгийн эрхлэгч Б.Түвшинжаргал  291 дүгээр цэцэрлэгийн эрхлэгч Лхамноржин

3-р байр – 222 дугаар цэцэрлэгийн арга зүйч Н.Солонго нар шалгарлаа.

ЕБС-ын удирдах ажилтны төрөлд

1-р байр- 23 дугаар сургуулийн сургалтын менежер, МУ-ын зөвлөх багш М.Цогзолмаа

2-р байр- 117 дугаар сургуулийн захирал Б. Сувдаа, Сургалтын менежер Ч.Цэвэлсүрэн, Э.Оюунтуяа

3-р байр - 24 дүгээр сургуулийн сургалтын менежер Б.Цолмонцэцэг, Б.Рагчаасүрэн, Г.Цэцэгжаргал нар шалгарлаа.

Монголын газрын тос боловсруулах үйлдвэр төрийн өмчит ХХК-н Хүний нөөцийн хэлтсийн дарга, ахлах хуульч Х.Оюунцэцэг нь Чингэлтэй дүүргийн Засаг даргын Тамгын газар болон Засаг даргын дэргэдэх харьяа хэлтэс, албадын дарга нарт "Үр дүнд суурилсан захиргаа, хяналт шинжилгээ, үнэлгээ шийдвэр гаргах үйл явцад нөлөөлөх нь" сэдэвт сургалтыг орж, мэдлэг мэдээллээ хуваалцав.

Дэлхийн 180 гаруй улс жил бүрийн 11 дүгээр сарын 25-аас 12 дугаар сарын 10-ны өдрүүдэд “Жендэрт суурилсан хүчирхийлэлтэй тэмцэх 16 хоногийн аян”-ыг нэгдмэл зорилго, нэг уриан дор тэмдэглэн өнгөрүүлдэг.

Тус аяныг Монгол Улсад анх удаа 1997 оноос эхлэн зохион байгуулж эхэлсэн бөгөөд Жендэрийн үндэсний хороо нь 2017 оноос аливаа хүчирхийлэл, ялгаварлан гадуурхалт, түүнээс урьдчилан сэргийлэх зорилтын хүрээнд төрийн болон төрийн бус, Олон Улсын байгууллагуудыг идэвхийлэн санаачлан уриалж, тэмдэглэн өнгөрүүлж байна.

Энэхүү аяны зорилго нь хөвгүүд, эрэгтэйчүүдийн оролцоог хангах замаар охид, эмэгтэйчүүдийн эсрэг үйлдэгдэж буй аливаа хүчирхийллийн эсрэг хөдөлгөөнд нэгдэж, хэзээ ч “хүчирхийлэл үйлдэхгүй, хүчирхийллийн хажуугаар чимээгүй өнгөрөхгүй” хэмээн илэрхийлдэг.

Энэ жил тус аяныг Олон Улсад “Охид эмэгтэйчүүдийн эсрэг хүчирхийллээс сэргийлэхэд хөрөнгө оруулъя” уриан дор, Монгол Улсад “ХҮНДЛЭЛ-ХАМГИЙН ТОД ГЭРЭЛ” уриан дор зохион байгуулагдаж байна.

Төр, төрийн бус байгууллага, аж ахуйн нэгж, иргэд олон нийт та бүхэн тус аянд нэгдэж, өөрсдийн нөөц бололцоонд тулгуурлан холбогдох үйл ажиллагааг санаачлан зохион байгуулж, дэмжин ажиллахыг УРИАЛЖ байна.

Дүүргийн иргэдийн аюулгүй, ая тухтай амьдрах орчныг бүрдүүлэх, гэмт хэрэг зөрчлөөс урьдчилан сэргийлэх, гэмт хэргийн гаралтыг бууруулах зорилгоор Чингэлтэй дүүргийн Засаг дарга Н.Батсүмбэрэлийн санаачилгаар  Нийтлэг үйлчилгээний газар “Камерын нэгдсэн төв”-ийг 2022 онд байгуулж байсан. Тус төв нь өнөөдрийн байдлаар нийслэлд төдийгүй улсад жишиг ажил болон хэрэгжиж байна.  

Чингэлтэй дүүргийн теле хяналтын нэгдсэн төв нь нийтийн эзэмшлийн гудамж, талбайд суурилуулсан камеруудын дүрсийг нэгтгэж харах зорилго бүхий 25 ширхэг ханан дэлгэц бүхий нэг дор 800 ширхэг камерын дүрсийг хянах стандартын шаардлагад нийцсэн зориулалтын шал, хана, хөргүүр зэргийг цогцоор нь шийдвэрлэсэн.

Дүүргийн нийт 51.7 га талбай бүхий нутаг дэвсгэр камерын бүрэн хяналтад орж “Ногоон бүс” болсоноор иргэдийн эрүүл аюулгүй орчинд амьдрах эрхийг хангасан, гэмт хэрэг зөрчлөөс урьдчилан сэргийлэх, илрүүлэх, үйлдэл дээр нь таслан зогсоох боломжийг бүрдүүлсэн ажил боллоо.

“Ногоон бүс”-ийн нөхцөл байдал, ажиллаж байгаа зарчим, цаашид хийж хэрэгжүүлэх ажлын талаар дүүргийн 1-24 дүгээр хороодын Засаг дарга нар танилцаж, хамтран ажиллахаар санал солилцлоо.

Камерын төвөөс суурилуулсан камерууд -40-өөс +40 градуст ажиллах горимтой бөгөөд цахилгааны 200-240V хүчдэлийг даах хүчин чадалтай.

Олон улсад хэрэгжиж буй “Ногоон бүс” төсөл нь дэлхийн гурван хотод буюу Сөүл, Москва, Лондонд амжилттай хэрэгжиж байгаа бөгөөд камерын хяналтаар нийт гэмт хэргийн 45-47 хувийг илрүүлсэн тэргүүн туршлагыг үндэслэн ийнхүү дүүргийнхээ 8940 хавтгай дөрвөлжин км газар нутгийг иж бүрэн камержуулж байна.  

Чингэлтэй дүүргийн Засаг дарга Н.Батсүмбэрэл байгууллагадаа үр бүтээлтэй, тогтвор суурьшилтай, өндөр бүтээмжтэй ажиллаж байгаа багш ажилчдад “Хүний нөөц, нийгмийн баталгаа 2024” арга хэмжээний хүрээнд нийгмийн баталгааг хангах, амьдрах нөхцөлийг сайжруулах зорилгоор орон байрны дэмжлэгт хамруулж, батламжийг гардууллаа.

Чингэлтэй дүүргийн зүгээс сургуулийн хүртээмжийг нэмэгдүүлэх, тэгш хамрах сургах нөхцөлийг бүрдүүлэх, сургалтын чанарыг ахиулах, хүүхэд нэг бүрийг хөгжүүлэхэд онцгой анхаарч, хөрөнгө оруулалтын ажлыг түлхүү хийж байна.

Тухайлбал дүүргийн бүх цэцэрлэгүүдэд олон улсын хөтөлбөр хэрэгжиж бүх цэцэрлэгийг зөөлөн эдлэлээр бүрэн хангалаа.  

Энэ хичээлийн жилд Чингэлтэй дүүргийн ерөнхий боловсролын сургуульд 30301 сурагч, сургуулийн өмнөх боловсролд 10265 хүүхэд сурч хүмүүжиж байна. Эдгээр хүүхдүүдэд боловсрол олгохоор 1877 багш ажилчид боловсролын салбарт ажиллаж байна. Багш ажилчдын нийгмийн баталгааг хангах, ажиллах таатай орчин нөхцөлийг бүрдүүлэхэд дүүргийн удирдлагууд анхаарч ажиллаж байна.

Чингэлтэй дүүргийн хороодын Засаг дарга нарын ээлжит шуурхай хуралдаан боллоо.

Хурлыг дүүргийн Засаг дарга Н.Батсүмбэрэл удирдан явуулж хороодод тулгамдаж буй асуудал, хийж хэрэгжүүлж буй ажлын талаар мэдээлэл сонслоо. Мөн хороодын бүтээн байгуулалтын ажлыг эрчимжүүлэх, хийгдэж буй ажлуудад хяналт тавьж ажиллах, иргэдэд хүнд сурталгүй, чирэгдэлгүй үйлчилж, гомдол саналыг шуурхай шийдвэрлэдэг байх, амьдрах орчныг сайжруулах, тав тухтай орчин бүрдүүлж ажиллахыг хороодын Засаг дарга нарт үүрэг чиглэл болголоо.

Дүүргийн Засаг даргын санаачилгаар “Ногоон бүс” төслийн ажил 90 хувийн гүйцэтгэлтэй явж байгаа бөгөөд үлдсэн 17, 18, 23 дугаар хороодын камерын цэгийн байршлыг авч, түүнчлэн 1-24 дүгээр хороодын сургууль цэцэрлэгийн орчин дахь камержуулалтыг шалгаж, камер нэмэх шаардлагатай цэгийн талаар мэдээллийг хороодын Засаг дарга нараас авлаа.

Мөн сүүлийн өдрүүдэд цаг агаар эрс хүйтэрч цас орж байгаатай холбогдуулан гудамж талбайд цас, мөс хуримтлагдаж иргэд халтирч унах, бэртэх тохиолдол гарч байна. Тиймээс хороодын нутаг дэвсгэрт үйл ажиллагаа явуулж байгаа аж ахуй нэгж байгууллагуудыг орчмын 50 метр газрын цэвэрлэгээг хийж ажиллах талаар анхаарахыг үүрэг болгов.  

Нийслэлийн хүн амын өвлийн улирлын махны хангамжийн тогтвортой байдлыг хадгалах, орон нутгийн малчдын малын махыг дундын зуучлалгүйгээр хэрэглэгчдэд хүргэх зорилгоор 2023 оны 11 дүгээр сарын 27-ны өдрөөс 12 дугаар сарын 03-ны өдрийг дуустал "Өвлийн идэш-2023" өргөтгөсөн худалдаа дүүргийн 5 дугаар хороо Тусгаар тогтнолын талбайд зохион байгуулагдана.

Чингэлтэй дүүргийн Засаг даргын Тамгын газрын Хүнс, худалдаа үйлчилгээний хэлтэс Үйлдвэрлэлийг дэмжих жилийн хүрээнд 2023 оны 11 дүгээр сарын 22 ний өдөр “Хөдөлмөрийн тухай хуулийн нэмэлт өөрчлөлт, нийгмийн даатгалын багц хуулийн шинэчлэл" сэдвийн хүрээнд үйлдвэр эрхлэгчдэд дүүргийн Жижиг, дунд үйлдвэрийг дэмжих төв, Хөдөлмөр, халамжийн үйлчилгээний хэлтэс, Нийгмийн даатгалын хэлтэстэй хамтран сургалт зохион байгууллаа.

Тус сургалтаар Хөдөлмөрийн тухай хуулийн нэмэлт өөрчлөлт, хөдөлмөрийн эрүүл ахуй, үйлдвэрлэлийн ослыг судлан бүртгэх болон Нийгмийн даатгалын багц хуулийн шинэчлэлийн талаарх мэдээлэл хүргэв.

Чингэлтэй дүүргийн Засаг даргын Тамгын газрын Хууль, эрх зүйн хэлтэс, Өмгөөллийн “Легал Протекшн” ХХН-тэй хамтран дүүргийн төрийн өмчийн Ерөнхий боловсролын сургуулийн захирал, цэцэрлэгийн эрхлэгч нарт сургалт зохион байгууллаа. 

Дүүргийн Засаг даргын Тамгын газрын дарга П.Баянбаатар төрийн албан хаагчийн ёс зүйн хэм хэмжээний талаар сургалтад оролцогчдод зориулж үг хэллээ. 

Уг сургалтаар Боловсролын Ерөнхий хууль (шинэчилсэн найруулга), Төрийн албаны тухай хууль болон Авлигын эсрэг хууль, Хөдөлмөрийн харилцаа, Захиргааны ерөнхий хуулийн шийдвэр гаргах ажиллагааны журам, Хөдөлмөрийн гэрээний онцлог зохицуулалтын талаар хуульч, өмгөөлөгч Ж.Ганболд, Ж.Мягмарсүрэн нар мэдээлэл өгөв. 

Дүүргийн архивын хэлтсийн дэргэдэх Баримт нягтлан шалгах арга зүйн комисс (БНШАЗК)-ын хурлыг 2023 оны 11 дүгээр сарын 13-ны өдөр зохион байгууллаа.

Тус хурлаар Архив, албан хэрэг хөтлөлтийн тухай хуулийн 23.2.9, 27.1.9 дэх хэсэгт заасны дагуу Төрийн архивын сан хөмрөгт нөхөн баяжилт хийх хугацаа болсон Чингэлтэй дүүргийн Соёлын төв, Биеийн тамир, спортын хороо, Гэр бүл, хүүхэд, залуучуудын хөгжлийн хэлтэс, Худалдан авах ажиллагааны албаны данс бүртгэл, устгах хэргийн жагсаалтыг хэлэлцэн холбогдох завсар, баримтын бүрдлийг хангах чиглэлийг комиссын гишүүдээс өгч дараагийн хурлаар хэлэлцүүлэхээр шийдвэрлэлээ.

Мөн Чингэлтэй дүүргийн Нийгмийн даатгалын хэлтсийн байгууллагын архивын гэрчилгээ авах хүсэлтийг хүлээн авч хэлэлцэн гишүүдийн олонхын саналаар дэмжиж, Нийслэлийн архивын газарт уламжлахаар шийдвэрлээ.

Монгол улсын Биеийн тамир, спортын тухай хууль, “Алсын хараа 2050” урт хүгацааны хөгжлийн бодлогын зорилт, Нийслэл, дүүргийн Засаг даргын 2020-2024 үйл ажиллагааны хөтөлбөрийг хэрэгжүүлэх, залуучуудын чөлөөт цагийг зөв боловсон өнгөрүүлэх, бие бялдрыг дасгал хөдөлгөөнөөр хөгжүүлэх, спортын нөлөөллөөр дамжуулан бие бялдрын соёл-хүмүүжил, бие бялдрын боловсрол олгох зорилгоор дүүргийн залуучуудын аварга шалгаруулах тэмцээнийг зохион байгууллаа.

Дүүргийн биеийн тамир, спортын хороо, Гэр бүл, хүүхэд залуучуудын хөгжлийн хэлтэс хамтран 11 дүгээр сарын 10-12-ны өдрүүдэд спортын 5 төрлөөр зохион байгуулагдаж аваргуудаа тодрууллаа. Тэмцээний нээлтийн үйл ажиллагаанд Их хурлын гишүүн М.Оюунчимэг, Засаг даргын Тамгын газрын дарга П.Баянбаатар, Биеийн тамир, спортын хорооны дарга Б.Мөнхбаяр, Гэр бүл, хүүхэд залуучуудын хөгжлийн хэлтсийн дарга Х.Азбаяр, хороодын Засаг дарга нар оролцлоо.

1. ШИРЭЭНИЙ ТЕННИСНИЙ ТЭМЦЭЭН
   1-р байр Б.Энхболор ахлагчтай 3-р хорооны баг

   2-р байр Ш.Цэнгүүн ахлагчтай 22-р хорооны баг

   3-р байр Т.Амгаланбаатар ахлагчтай 12-р хорооны баг

2. ДАРТС
   1-р байр Н.Ганцэцэг ахлагчтай 6-р хорооны баг

   2-р байр Г.Цэнд-Аюуш ахлагчтай 22-р хорооны баг

   2-р байр З.Билгүүн ахлагчтай 3-р хорооны баг

3. ОЛС ТАТАЛТ
   1-р байр Б.Нямдорж ахлагчтай 6-р хорооны баг

   2-р байр М.Баттулга ахлагчтай 13-р хорооны баг

   3-р байр М.Одсүрэн ахлагчтай 22-р хорооны баг

4. ВОЛЕЙБОЛЫН ТЭМЦЭЭН /ЭМЭГТЭЙ/
   1-р байр Д.Түмэннаст ахлагчтай 20-р хорооны баг

   2-р байр О.Сүнжидмаа ахлагчтай 16-р хорооны баг

   3-р байр А.Нандин-Эрдэнэ ахлагчтай 13-р хорооны баг

5. ВОЛЕЙБОЛЫН ТЭМЦЭЭН /ЭРЭГТЭЙ/
   1-р байр .Отгонбат ахлагчтай 17-р хорооны баг

   2-р байр М.Батмөнх ахлагчтай 16-р хорооны баг

   3-р байр Б.Дорждэрэм ахлагчтай 18-р хорооны баг Б

6. САГСАН БӨМБӨГИЙН ТЭМЦЭЭН /ЭМЭГТЭЙ/
   1-р байр О.Дэлгэрмаа ахлагчтай 19-р хорооны баг

   2-р байр А.Анхчимэг ахлагчтай 10-р хорооны баг

   3-р байр Г.Алтантуяа ахлагчтай 23-р хорооны баг

   САГСАН БӨМБӨГИЙН ТЭМЦЭЭН /ЭРЭГТЭЙ/
   1-р байр О.Ганзориг ахлагчтай 19-р хороо

   2-р байр Д.Дөлгөөн ахлагчтай 17-р хороо

   3-р байр Н.Отчигин ахлагчтай 4-р хороо

   БАГИЙН НИЙЛБЭР ДҮНГЭЭР

   1-р байр Б.Цогзолмаа Засаг даргатай 22-р хорооны хамт олон

   2-р байр Ц.Эрдэнэбадрах Засаг даргатай 23-р хорооны хамт олон

   3-р байр Э.Ачбаяр Засаг даргатай 6-р хорооны хамт олон