Чингэлтэй дүүргийн Засаг даргын Тамгын Газрын Хууль, эрх зүйн хэлтсээс гэмт хэрэг, зөрчлөөс урьдчилан сэргийлэх талаар нийтийн хэв журмыг сахиулах чиг “Олон нийтийн байцаагч” нарын хууль болон гэрээгээр хүлээсэн үүргийн дагуу хийж гүйцэтгэсэн ажлын үр дүнг нэгтгэх дүгнэх, мэргэжлийн удирдлагаар хангах, хуульд заасан чиг үүргээ хэрэгжүүлэхэд шаардлагатай дэмжлэг, туслалцааг үзүүлэх ажлыг Цагдаагийн газартай хамтран зохион байгууллаа.

Хөдөлмөрийн тухай хуулийн 16.1.6 дахь заалт, Хөдөлмөр нийгмийн түншлэлийн гурван талт үндэсний хорооны 2022 оны 5 дугаар тогтоолоор батлагдсан “Сум, дүүргийн хөдөлмөрийн эрхийн маргаан зохицуулах гурван талт хорооны дүрэм”-ийн 2.6 дахь хэсэгт заасны дагуу Чингэлтэй дүүрэгт Хөдөлмөрийн эрхийн маргаан зохицуулах гурван талт хороо байгуулагдсан.

Дүүргийн Хөдөлмөрийн эрхийн маргаан зохицуулах гурван талт хорооны ээлжит хурал өнөөдөр хуралдаж, гомдол гаргасан иргэдийн асуудлыг хэлэлцэн шийдвэрлэж байна.

Өнөөдрийн хуралд Хөдөлмөр, нийгмийн хамгааллын яамны төлөөлөл оролцож, Чингэлтэй дүүргийн Хөдөлмөрийн эрхийн маргаан зохицуулах гурван талт хорооны үйл ажиллагаа, хурлын үйл явцтай танилцаж, хорооны үйл ажиллагааг бэхжүүлэх, цаашид анхаарах асуудлаар санал солилцлоо.

Өнөөдөр Монгол Улсад орчин цагийн архив үүсэж хөгжсөний 96 жилийн ой тохиож байна. Нийслэлийн Засаг даргын 2022 оны 1 дугаар сарын 05-ны өдрийн захирамжаар дүүргүүдэд салбар архив байгуулах шийдвэр гарсан бөгөөд 2023 оны 1 дүгээр сарын 09-ны өдөр дүүргийн Засаг даргын захирамжаар дүүргийн Чингэлтэй дүргийн архивын тасгийг “Архивын хэлтэс” болгож нийслэлийн 9 дүүргээс анхдагч салбар архив болж байгуулагдсан юм.

Өнөөдөр Архивчдын өдрийг тохиолдуулан эрхэлсэн ажилдаа амжилт гаргаж, үр бүтээлтэй ажиллаж байгаа ажилчдад шагнал гардууллаа.

Архивын ерөнхий газрын “Хүндэт жуух бичиг”, дүүргийн Засаг даргын “Хүндэт тэмдэг”, “Хөдөлмөрийн алдар” медалиар шагнагдсан ажилтнуудад Засаг даргын Тамгын газрын дарга П.Баянбаатар баяр хүргэж, шагналыг гардуулан өглөө.

Архивын хэлтэс нь Засаг даргын эрхлэх асуудлын хүрээний нутгийн захиргааны байгууллагуудад архив, албан хэрэг хөтлөлтийн талаар төрөөс баримтлах бодлого, хууль тогтоожийг хэрэгжүүлэх зохион байгуулах, хяналт тавих, мэргэжил, арга зүйн удирдлагаар хангах, үндэсний архивын сан хөм рөгт хамаарах архивын баримтыг дүүргийн хэмжээнд төвлөрүүлэн хадгалах үүргийг хэрэгжүүлэн ажиллаж байна.

Чингэлтэй дүүргийн Засаг даргын Тамгын газар, дүүргийн Улсын бүртгэлийн хэлтсээс “ Төрийн цахим үйлчилгээг олон нийтэд сурталчлан таниулах” ажлын хүрээнд дүүргийн 1-24 дүгээр хороодын Зохион байгуулагч нарт Хууль тогтоомжийн мэдээлэл олгох, Улсын бүртгэлийн үйл ажиллагааны зарчим, бүртгэлийн төрлийн талаарх мэдээллийг өгөх, Улсын бүртгэлийн үйлчилгээг хэлтэс, төв, цэгүүдээр дамжуулан иргэдэд үзүүлэхэд анхан шатанд тулгарч буй хүндрэл, бэрхшээл гэсэн сэдвээр сургалт зохион байгууллаа.

Сургалтыг Төрийн цахим үйлчилгээний зохицуулалтын газрын сургалтын хөгжлийн хэлтсийн дарга Б.Отгонбаяр явуулж, дүүргийн Засаг даргын Тамгын газрын дарга П.Баянбаатар Төрийн цахим үйлчилгээг иргэдэд хүргэх, иргэдийг мэдээлэл, зөвлөгөөгөөр хангах, төрийн үйлчилгээг хүн бүрд хүртээмжтэй хүргэх "ХУРДАН" цэгийн талаар сургалтад оролцогч төрийн албан хаагчдад зориулж үг хэллээ.

Бүх нийтийн эрх зүйн боловсролыг дээшлүүлэх үндэсний хөтөлбөрийг хэрэгжүүлэх ажлын хүрээнд дүүргийн Засаг даргын Тамгын газар “Өмгөөллийн Легал полиси” ХХК-тай хамтран иргэдийн хууль зүйн туслалцаа авах эрхийг хангах хүрээнд захиргаа, эрүү, иргэн, гэр бүл, гэрээний эрх зүй чиглэлээр мэргэжлийн хуульч, өмгөөлөгч нар үнэ төлбөргүй зөвлөгөө, мэдээлэл өгөн ажиллалаа.

Чингэлтэй дүүргийн тохижилт үйлчилгээний “Найши трейд” ХХК Зуслангийн бүсийн Жигжид чиглэлийн авто замын авто машины хөдөлгөөн бага, давс бодисын хайлалт удаан байгаа хэсэгт замын хөдөлгөөний аюулгүй байдлыг ханган дахин давс, бодис цацан ажиллаж байна.

Мөн Яргайтын богино чиглэлийн авто замын явган зам, нуухны цэвэрлэгээг зам талбайн ажилчид цэвэрлэж, цэвэрлэгээнээс гарсан хар цасын тухай бүр ачиж тээвэрлэж байна.