Ерөнхий боловсролын сургуулиудын хөлбөмбөгийн талбайг сэргээн засварлах ажлыг Чингэлтэй дүүргийн зүгээс үе шаттай хэрэгжүүлж байна. Дүүргийн Засаг дарга Н.Батсүмбэрэл өчигдөр буюу 2023 оны 05 дугаар сарын 09-ний өдөр Нийслэлийн Чингэлтэй дүүргийн 57 дугаар сургуулийн хөлбөмбөгийн талбайг сэргээн засварлах ажлын явцтай танилцлаа.

Уг хөлбөмбөгийн талбай хуучирч муудсаны улмаас стандартын шаардлагад нийцэхгүй хэмжээнд хүрээд байсан юм.

Тус талбайг олон улсын жишигт нийцсэн орчин үеийн стандартаар дахин засварлан тохижуулж байгаа бөгөөд хөлбөмбөгийн талбайн хажууд 3х3 сагсан бөмбөгийн талбай болон иргэдийн амралт чөлөөт цагийг ая тухтай өнгөрүүлэх орчныг бүрдүүлэх тохижилтын ажил явагдаж байна.

Тохижилтын ажлыг “Чингэлтэй дүүргийн Тохижилт үйлчилгээний газар” хариуцан хийж байгаа бөгөөд Олон улсын хүүхдийн эрхийг хамгаалах өдрийн өмнө дуусган хүлээлгэн өгөхөөр шамдаж байна.

Чингэлтэй дүүргийн Засаг даргын Тамгын газрын ажилтан, албан хаагчид шинэ долоо хоногийн ажлаа ээлжит “Мэдээллийн цаг”-аараа эхэллээ.

Өнөөдрийн “Мэдээллийн цаг”-аар Чингэлтэй дүүргийн Онцгой байдлын хэлтсээс мэдээлэл өглөө.

Дүүргийн Онцгой байдлын хэлтсийн орлогч, гамшгаас хамгаалах төлөвлөлт, бэлэн байдал хариуцсан ахлах мэргэжилтэн, ахлах байцаагч Б.Амандых “Гамшгаас хамгаалах тогтолцоо, гамшгийн үед ашиглах түр орон байрны бэлэн байдал, тавигдах шаардлага” сэдвээр албан хаагчдад сургалт орлоо.

Дүүргийн ажилтан, албан хаагчдад чиглэсэн “Мэдээллийн цаг” арга хэмжээ нь 14 хоногт нэг удаа тогтмол зохион байгуулагддаг бөгөөд албан хаагчдын мэдлэг, ур чадварыг дээшлүүлэх, сургаж хөгжүүлэх, ёс зүйг мөрдүүлж, харилцаа хандлагыг сайжруулах зорилготой юм.

Чингэлтэй дүүргийн Засаг дарга Н.Батсүмбэрэл сурагчдын ая тухтай орчинд боловсрол эзэмшүүлэх, багш ажилтнуудын ажиллах орчин нөхцөлийг сайжруулах зорилгоор дүүргийн Ерөнхий боловсролын 61 дүгээр сургуулийн урлаг заалны бүтэн урсгал засварын ажлын явцтай танилцаж ажиллаж байна.

Тодруулбал дүүргийн Ерөнхий боловсролын 61 дүгээр сургуулийн урлаг заал нь хуучирч муудсан, зай талбай жижиг, бүжгийн бэлтгэлийн байргүй гээд сурагчдад хүндрэл үүсдэг байсан юм. Үүнийг дүүргийн төсвийн хөрөнгө оруулалтаар шийдэж урлаг заалны засварын ажлыг эхлүүлэв.

Урлаг заалны засварын ажлыг “Гегатера Тех” ХХК хийж гүйцэтгэж байгаа бөгөөд захиалагчийн хяналтын ажлыг  Чингэлтэй хөрөнгө оруулалт, бүтээн байгуулалтыг дэмжих төв хэрэгжүүлэн ажиллаж байгаа юм. Тухайлбал  251 мк зай талбайд бүжгийн бэлтгэлийн тэнхим, багш сурагчдын өрөө, агуулах, 150 хүний суудалтай урлаг заал бий болж байгаа юм.

Засаг дарга Н.Батсүмбэрэл ажлын гэрээнд заасан хугацаанд чанартай гүйцэтгэх, тайз болон лед дэлгэцийн байрлалыг өөрчлөх, засаж залруулах ажлын үүрэг чиглэлийг өглөө.

Чингэлтэй дүүргийн 1-24 дүгээр хороодын төрийн албан хаагчид, хэсгийн ахлагч нартай дүүргийн удирдлагууд хуваарьт уулзалтыг зохион байгуулж байгаа билээ.

Өнөөдөр 4, 5, 6 дугаар хороодын төрийн албан хаагчид, хэсгийн ахлагчидтай хийсэн уулзалтад Засаг даргын Тамгын газрын дарга П.Баянбаатар, Төрийн захиргааны удирдлагын хэлтсийн дарга Л.Баярмаа нар оролцож, хэрэгжүүлж буй үйл ажиллагаа, хөрөнгө оруулалтын ажлуудын талаар танилцуулллаа.

Мөн ажилтан албан хаагчид, хэсгийн ахлагчдад тулгарч буй хүндрэл бэрхшээлтэй болон ажиллах орчин, нөхцөл байдлын талаар санал солилцлоо.

Үндэсний соёл, өв уламжлал, зан заншил үнэт зүйлийг түгээн дэлгэрүүлэх, сурталчлах, Иргэдийн тав тухтай амьдрах орчин нөхцөлийг бүрдүүлэх, спорт, соёл урлагийн үйлчилгээнд хамруулах, гэр бүлийн үнэ цэнийг эрхэмлэх, уламжлалт соёл урлагийг иргэд болон олон улсад таниулах, сурталчлах, хамтын ажиллагааг өргөжүүлэх, аялал жуулчлалыг хөгжүүлэх зорилгоор дүүргийн Засаг даргын Тамгын газраас жил бүр уламжлал болгон зохион байгуулдаг Чингэлтэйн фестиваль арга хэмжээг зохион байгуулах ажлын хэсгийн хурал өнөөдөр боллоо.

Хурлыг дүүргийн Засаг даргын Тамгын газрын дарга бөгөөд Ажлын хэсгийн ахлагч П.Баянбаатар удирдан явуулж холбогдох үүрэг даалгавар өглөө.

Чингэлтэйн фестиваль 5 дугаар сарын 27-ны өдөр “ШИНЭ СЭРГЭЛТ-ЧИНГЭЛТЭЙ” уриан дор Тусгаар тогтнолын талбай, Анкарагийн нэрэмжит гудамж, Ж.Самбуугийн нэрэмжит гудамжинд болох бөгөөд энэ үеэр иргэдийн баярын жагсаал, төрийн үйлчилгээ, хоол болон бусад худалдаа үйлчилгээ, урлаг, спортын арга хэмжээ, гэрэл зургийн үзэсгэлэн зэрэг хүүхэд, залуус, ахмад, гэр бүл нийт иргэдийг хамарсан амралт чөлөөт цагаа ая тухтай өнгөрүүлэх өргөн хүрээнд зохион байгуулагдана.

Дүүргийн Засаг даргын 2023 оны 4 дүгээр сарын 28-ны өдрийн "Гамшгаас хамгаалах бэлэн байдлын үзлэг зохион байгуулах тухай” А/138 дугаар захирамжийн хэрэгжилтийг хангах, зургаадугаар сард зохион байгуулагдах  “Стратегийн команд штабын дадлага сургууль”-ийн бэлтгэл ажлын хүрээнд дүүргийн гамшгаас хамгаалах Хог хаягдал, нийтийн аж ахуйн албаны "Гамшгаас хамгаалах бэлэн байдлын үзлэг”-ийг зохион байгуулан ажиллаж байна.