Чингэлтэй дүүрэгт нийтийн эзэмшлийн гудамж, талбай, аж ахуйн нэгжүүдийн гадна талбайг хянах Камерын нэгдсэн төв өнгөрсөн оны 10 дугаар сараас үйл ажиллагаагаа явуулж байгаа билээ.
![6](/images/badmaa/04.24/6.jpg)
Тэгвэл уг төвийн үйл ажиллагааг нийслэл хотод жишиг болгон гэмт хэрэг зөрчлийг хэрхэн илрүүлж байгаа сайн жишгийг дүүргээс сонгогдсон УИХ-ын гишүүн, Монгол Улсын сайд Ж.Сүхбаатар, УИХ-ын гишүүн, Байнгын хорооны дарга М.Оюунчимэг болон бусад албаны хүмүүст өнгөрсөн амралтын өдөр дүүргийн удирдлагууд танилцуулав.
![14](/images/badmaa/04.24/14.jpg)
“Нийслэлийн хэмжээнд анхдагч болох Камерын нэгдсэн төв нь дүүргийн 1, 2, 3, 4, 5, 6 дугаар хороо буюу байшин хорооллыг иж бүрэн камержуулалт хийж дуусаад байна. Мөн дүүргийн 12, 21 дүгээр хорооны 317 га газрыг камержуулах ажлын судалгаа хийж хэрэгжүүлэх бэлтгэл ажлыг ханган ажиллаж байна.
![5](/images/badmaa/04.24/5.jpg)
Цаашлаад үлдсэн гэр хорооллын бүсийн хороодыг энэ онд үе шаттайгаар камержуулах ажлыг төлөвлөж “Ногоон бүс” болгохоор ажиллаж байгааг” Засаг дарга Н.Батсүмбэрэл дурдлаа.
![8](/images/badmaa/04.24/8.jpg)
Гэмт хэрэг зөрчлийн дуудлага мэдээлэл өмнөх үеэс 50 хувиар буурч, хэргийн илрүүлэлт 70 хувиар өссөн тоо баримтыг Цагдаагийн байгууллагаас хэллээ. Шинээр суурилуулсан камерууд нь -40C+40C градуст хэвийн ажиллах горимтой бөгөөд цахилгааны ямар ч хүчдэлийг даах хүчин чадалтай юм.