Үндэсний аюулгүй байдлын зөвлөл, Шадар сайдын ажлын алба, Онцгой байдлын ерөнхий газар, Нийслэлийн Засаг даргын тамгын газар хамтран “Монгол Улсад газар хөдлөлтийн гамшиг тохиолдож онц байдал тогтоосон үеийн төрийн байгууллагын харилцан ажиллагаа сэдэвт стратегийн команд сургуулийн 6 дугаар сарын 7-9-ний өдрүүдэд зохион байгуулагдана.

Үндэсний аюулгүй байдлын зөвлөл, Шадар сайдын ажлын алба, Онцгой байдлын ерөнхий газар, Нийслэлийн Засаг даргын тамгын газар хамтран “Монгол Улсад газар хөдлөлтийн гамшиг тохиолдож онц байдал тогтоосон үеийн төрийн байгууллагын харилцан ажиллагаа сэдэвт стратегийн команд сургуулийг 6 дугаар сарын 7-9-ний өдрүүдэд зохион байгуулах бэлтгэл ажлын хүрээнд Чингэлтэй дүүргийн Онцгой байдлын дарга бөгөөд дүүргийн Засаг дарга Н.Батсүмбэрэлийн баталсан хөтөлбөрийн дагуу штабын дууриалган үзүүлэх дадлага сургуулийг зохион байгууллаа. 

Дадлага сургуулиар дүүргийн Онцгой комиссын бүрэлдэхүүн газар хөдлөлтийн гамшиг тохиолдсон үеийн сургуулийн цагийн байдал дээр ажиллаж хариу арга хэмжээг авах болон зохион байгуулах дадлага сургуулийг хийлээ. 

Тус үйл ажиллагаанд Онцгой байдлын ерөнхий газрын ажиллагаа удирдлагын газрын хурандаа Б.Мягмардорж, Онцгой байдлын ерөнхий газрын Улсын нөөц хүмүүнлэгийн тусламжийн газрын дарга, хурандаа Ч.Цогбаяр нар заавар чиглүүлэг өгч ажиллалаа.

Чингэлтэй дүүргийн 19-р хороо, Зуслангийн зам дагуу ус зайлуулах шугам байхгүйн улмаас авто замын зорчих хэсэгт борооны ус их хэмжээгээр тогтож хүндрэл учирдаг байсан бол Геодeзи, усны барилга байгууламжийн газар автозамын борооны болон хөрсний ус зайлуулах шугам угсралтын ажлыг 2 байршилд хийж гүйцэтгэлээ.

Трасс-1: Чингэлтэй дүүргийн 19 хороо, Зуслангийн замын борооны ус зайлуулах шугам Сэтгүүлчдийн төгөл автобусны буудал 170у/м шугам, 10ш шүүрт худаг, 7ш үзлэгийн худаг

Трасс-2: Зунжин, Номин сүпермаркeтийн автобусны буудал 26у/м шугам, 4 шүүрт худгийг тус тус хийж гүйцэтгэлээ.

Геодeзи усны барилга байгууламжийн газар нь энэ онд автозамын борооны болон хөрсний ус зайлуулах шугам угсралтын ажлыг нийт 4 байршилд хийж гүйцэтгэхээр төлөвлөн төлөвлөгөөт ажлуудыг гүйцэтгэж байна.

Нийслэлийн Засаг даргын А/461 дүгээр захирамж, Чингэлтэй дүүргийн Засаг даргын тамгын газрын А/123 дугаар тушаалаар томилогдсон ажлын хэсэг "Шилдэг хороо-Хэсгийн ахлагч нарын шилдэг баг" шалгаруулах болзолт уралдааны хүрээнд Нийслэлийн 9 дүүргийн 34 хороодод зөвлөн туслах, харилцан туршлага солилцох чиглэлээр ажиллаж байна.

Ажлын хэсэг налайх дүүргийн 8, 6 дугаар хороод, Багануур дүүргийн 4 дүгээр хороодын албан хаагчидтай уулзаж харилцан туршлага солилцлоо.

Өнгөрсөн онд Чингэлтэй дүүрэг камерын хяналтын нэгдсэн төвийг ашиглалтад оруулж дүүргийн 1 дүгээр хороог Ногоон бүс болгон зарласан. Тэгвэл өнөөдөр камерын хяналтын нэгдсэн төвд 3 хороог бүрэн хамруулж 117 цэгт 296 камерыг байрлуулан ашиглалтад оруулаад байна.

Чингэлтэй дүүргийн 1,2,3 хороо Төв шуудангийн уулзвараас баруун дөрвөн замын уулзвар хүртэлх нийт 51.7 га талбай бүхий нутаг дэвсгэр камерын бүрэн хяналтанд орж “Ногоон бүс” болсноор иргэдийн эрүүл аюулгүй орчинд амьдрах эрхийг хангасан, гэмт хэрэг зөрчлөөс урьдчилан сэргийлэх, илрүүлэх, үйлдэл дээр нь таслан зогсоох боломжийг бүрдүүлсэн тэргүүн туршлага болохуйц ажил болжээ.

Мөн төслийн хүрээнд теле хяналтын нэгдсэн төвөөс гадна дүүргийн Цагдаагийн газрын дарга, хороодын хэсгийн байцаагч нар ажлын өрөөнөөс өөрийн хариуцсан нутаг дэвсгэрийн камерыг бүрэн хянаж үйл ажиллагаандаа ашиглах боломжтой юм. “Камерын нэгдсэн төв, “Ногоон бүс”-ийг байгуулах нь зөвхөн гэмт хэрэг, зөрчил, болзошгүй эрсдэлээс урьдчилан сэргийлж, хамгаалаад зогсохгүй иргэдийг эрүүл, цэвэр орчинд амьдрах, амьдралын зөв дадал хэвшилтэй байхад хяналт тавих ач холбогдолтой юм.

Цаашид Чингэлтэй дүүргийн бүх хороог “Ногоон бүс” болгохоор төлөвлөн ажиллаж байна.

Нийслэлийн иргэдийн эрүүл, аюулгүй амьдрах нөхцөлийг бүрдүүлэх зорилгоор 2015 онд Монгол Улсын Их Хурлаас баталсан Улаанбаатар хотыг 2030 он хүртэл хөгжүүлэх ерөнхий төлөвлөгөөнд Самбалхүндэвийн оршуулгын газрыг олон улсын жишигт нийцүүлэн Дурсгалын цэцэрлэгт хүрээлэн болгох төслийг хэрэгжүүлэхээр тусгасан. Уг төслийг нийслэлийн Засаг даргын 2021 оны А/733 тоот захирамжаар төр, хувийн хэвшлийн түншлэлийн хүрээнд хэрэгжүүлэхээр болсон юм.

Энэ хүрээнд “Нью Семетри” ХХК Чингэлтэй дүүргийн 20-дугаар хороо Далан давхар (Самбалхүндэв)-ийн оршуулгын газарт дурсгал хүндэтгэлийн цэцэрлэгт хүрээлэн байгуулах ажлын тохижилтын ажил эхлээд явж байна. Тухайн ажлын явцтай Улаанбаатар хотын Ерөнхий менежер М.Баяраа танилцлаа. Бүтээн байгуулалт, ногоон байгууламж бүхий тохижилтын ажил 10 га талбайд 2 жилийн хугацаанд хийгдэж дуусах юм.

Цэцэрлэгт хүрээлэнгийн 70 хувь нь ногоон байгууламж байх бол 30 хувьд нь буяны сүм, бурхан бологсдын чандар шүтээн залах хэсэг, иргэдийн зорчих явган зам, амрах суух хэсэг, орчны гэрэлтүүлэг зэргийг цогцоор нь шийдсэн тохижилтын ажлуудыг хийнэ.

Төслийн хүрээнд тус оршуулгын газрын 10 га талбай дахь талийгаачдын булшийг холбогдох хууль тогтоомж, стандарт, нийтээр хүлээн зөвшөөрсөн зан суртахуун, ёс заншилд нийцүүлэн газраас гарган чандарлаж, чандарыг шинээр байгуулах Дурсгал, хүндэтгэлийн цэцэрлэгт хүрээлэнд залахаар төлөвлөжээ.

Чингэлтэй дүүргийн Тохижилт үйлчилгээний ТҮК ХХК-ний үйл ажиллагаатай хотын менежeр танилцлаа. Тус компани хог тээвэрлэлт, үйлчилгээний 80 гаруй техник, машинтай. Зам талбайн цэвэрлэгээ үйлчилгээнд 120 гаруй үйлчлэгч ажиллаж байна. Тус компани өдөртөө дүүргийн хороодын 200 орчим тонн хогийг ачиж тээвэрлэж ажилладаг юм.

Хотын менежер дүүргийн 7 дугаар хороо Сервис центрт ажиллалаа. Тус байгууламж 2017 оноос эхлэн баригдаж 2020 онд улсын комисс хүлээн авч 166 өрхийг дулаанаар хангах дэд төв болон ашиглалтад орсон юм. Гэвч шугам сүлжээ, тоног төхөөрөмжийг төлөвлөлтийн дагуу бус, хариуцсан мэргэжлийн байгууллагууд хяналт тавиагүйгээс доголдоод байгаа юм.

2020 оны 5 дугаар сард “Барилга байгууламжийг ашиглалтад оруулах комиссын дүгнэлт”-ийг үндэслэн халаалтын зуухны ашиглалтыг Хэсэгчилсэн инженерийн хангамжийн удирдах газар /ОНӨААТҮГ/, Цэвэрлэх байгууламж болон бохирын гол шугамын ашиглалтыг Ус сувгийн удирдах газар /ОНӨААТҮГ/-т шилжүүлсэн боловч халаалтын зуухны хүчин чадал, шугам тоног төхөөрөмжийн угсралт суурилуулалтын явцад дутуу хийгдсэн ажлуудаас шалтгаалан төгсгөлийн хэрэглэгчдийн даралт, зарцуулалт хүрэхгүй халаалт доголдох, бохир усны шугам хоолой бөглөрлөх зэрэг асуудлууд байнга гарч байна.

Асуудлыг шийдвэрлэхийн тулд хариуцлага алдсан байгууллагууд болон ашиглалтад хүлээн авсан албан тушаалтнууд, байгууллагуудыг хууль хяналтын байгууллагаар шалгуулж асуудлыг шийдвэрлэх хэрэгтэйг хотын менежер хэллээ. Мөн хэрэглэгчдийг эрүүл аюулгүй орчинд амьдрах эрхийг хангах үүднээс асуудлуудыг шийдвэрлэх талаар анхаарахыг хэллээ.

Улаанбаатар хотын Ерөнхий менежер М.Баяраа Чингэлтэй дүүрэгт ажиллалаа.

Дүүргийн 4 дүгээр хорооны нутаг дэвсгэр 41, 54 дүгээр байрнуудын дунд замд борооны дараа их хэмжээний ус тогтож, иргэдийн санал хүсэлт ихээр ирдэг байсан. Борооны ус зайлуулах шугам байхгүйгээс ийнхүү ус тогтож байрны подваль руу ордог байсныг мэргэжлийн байгууллагууд хамтран шийдлийг ярилцлаа.

Тухайлбал байрнуудын дунд байрлах Эрдэнэсийн арал цэцэрлэгт хүрээлэн рүү татаж, саарал усыг ашиглан ногоон байгууламжийг услах шийд боломжтой шийдлийг гаргалаа. Мөн 9 дүгээр хорооны нутаг дэвсгэрт усны гудамжинд цахилгааны шугам шилжүүлэх шаардлага тулгараад байгаа. Учир нь тухайн байршилд авто зам тавих ажил эхлэх гэж байгаа учир шугам шилжүүлэх хүсэлтийг Захирагчийн ажлын албанд гаргаж байгаа юм.

 “Алсын хараа-2050” Монгол Улсын Урт хугацааны хөгжлийн бодлогын сургалтыг Чингэлтэй дүүргийн сургагч багш нарын 1-р багийнхан 1-24 дүгээр хороодын хэсгийн ахлагч 100 орчим албан хаагч нарт 2023 оны 5 дугаар сарын 29, 30-ны өдрүүдэд амжилттай зохион байгууллаа.

.

Сургалтаар Үндэсний нэгдмэл үнэт зүйл, Хүний хөгжил, амьдралын чанар ба дундаж давхарга, Эдийн засаг, Засаглал, Ногоон хөгжил, Амар тайван, аюулгүй нийгэм, Бүс, орон нутгийн хөгжил, Улаанбаатар ба дагуул хот гэсэн 9 бүлэг зорилго, 47 зорилтыг танилцуулан санал, оролцогч нарын ойлголт, дүгнэлтийг сонсож ажиллалаа.

Сургалтын шилдэг суралцагчаар дүүргийн 14-р хорооны хэсгийн ахлагч Б.Дарханцэцэг, 24-р хорооны хэсгийн ахлагч Г.Батцэнгэл нар шалгарлаа.

Чингэлтэй дүүргийн Засаг даргын Тамгын газар, Жижиг, дунд үйлдвэрийг дэмжих төвөөс санаачлан “Чингэлтэйд үйлдвэрлэв-2024” арга хэмжээ, дүүргийн Засаг даргын 2020-2024 оны үйл ажиллагааны хөтөлбөр, “Үйлдвэрлэлийг дэмжих жил”-ийн хүрээнд оёдлын стандартыг боловсронгуй болгох, оёдолчдын мэдлэг чадварыг дээшлүүлэх, туршлага, ур чадварыг сурталчлан таниулах, салбар дундын уялдаа холбоог сайжруулж, хамтын ажиллагааг өргөжүүлэх зорилгоор “Уран үйлчин-2023” уралдааныг амжилттай зохион байгууллаа.

Тус уралдааныг үндэсний хувцас, eвроп хувцас, хөдөлмөр хамгааллын хувцас гэсэн гурван төрлөөр онол, ур чадварын уралдаан гэсэн 2 үе шаттайгаар зохион байгуулсан бөгөөд нийт 121 оёдолчин ур чадвараа сорин өрсөлдөж шилдгүүдээ шалгаруулж, өнөөдөр өргөмжлөл, шагналыг гардууллаа.

“Уран үйлчин-2023” уралдааны Үндэсний хувцасны төрөлд эхний 5 байр:

I-р байранд №1005 /М. Бямбаа/

II-р байранд №1052 /Л.Нансалмаа/

III-р байранд №1003 /Б.Цэнд-Аюуш/

IV-р байранд №1014 /Б.Оюунцэцэг/

V-р байранд №1047 /Ш.Мөнхцэцэг/

Европ хувцасны төрөлд эхний 5 байр:

I-р байранд №1007 /Б. Болорцэцэг/

II-р байранд №1009 /Э.Хамсүм/

III-р байранд №1002 /Г.Нарангэрэл/

IV-р байранд №1002 /Ш.Одгэрэл/

V-р байранд №1012 /Ц.Саранцэцэг/

Хөдөлмөр хамгааллын хувцасны төрөлд эхний 5 байр:

I-р байранд №1079 / Н. Пүрэвдулам/

II-р байранд №1015 /Б.Батцэцэг/ I

II-р байранд №1002 /С.Ундрал/

IV-р байранд №1078 /М.Баасанжаргал/

V-р байранд №1058 /Б.Алтандөш/ Мөн уралдааны хүрээнд мастер оёдолчин цолны болзол хангасан 15 оёдолчинд цолыг нь олголоо. Уралдааныг хамтран зохион байгуулсан “ОЁДЛЫН САЛБАРЫН НЭГДСЭН МЭРГЭЖЛИЙН ХОЛБОО” ТББ, дэмжин ажилласан “АСРАЛТ БАЯН ХАЙРХАН” ХХК, “ӨНӨР БАЯН ХАЙРХАН” ХХК-ий хамт олонд талархал илэрхийлье.

Нийслэлийн Засаг дарга бөгөөд Улаанбаатар хотын Захирагч Д.Сумъяабазар холбогдох албаныхны хамт Чингэлтэй дүүрэгт ажиллаж, тус дүүрэгт хийгдэж буй зарим бүтээн байгуулалтын ажлын явцтай газар дээр нь танилцлаа.  

Дүүргийн 9 дүгээр хорооны нутаг дэвсгэрт төрийн захиргааны байр, төрөх эмнэлэг, 10 дугаар хорооны нутаг дэвсгэрт олон улсын жишигт нийцсэн нэгдсэн эмнэлэг барихаар газрыг чөлөөлсөн. Бүтээн байгуулалтын ажилд газар чөлөөлөлт нэлээд тулгамдсан асуудал болж байгаа,тиймээс иргэдэд таниулж ойлгуулах талаар анхаарч ажиллаж байгаагаа Дүүргийн Засаг дарга Н.Батсүмбэрэл мэдээллээ.

Тухайлбал, шинээр баригдаж буй 1.7 км дөрвөн эгнээ авто замын ажил хугацаандаа дуусахад гол хүндрэл нь газар чөлөөлөлт болж байна гэдгийг Экспресс зам ХХК-ийн захирал Э.Чинбат хэллээ. Дэнжийн 1000-ын Цагаан байр орчмын замыг “Хүчит шонхор” захын уулзвартай холбосон 1,7 км авто замын ажил дөрөвдүгээр сарын 6-наас эхэлсэн, есдүгээр сарын нэгэн гэхэд бүтээн байгуулалтыг бүрэн дуусгахаар төлөвлөн ажиллаж байгаа юм.

Энэ нь гэр хороолол доторх анхны дөрвөн эгнээ зам болох бөгөөд Баянхошуу, Хайлааст чиглэлээс хотын төв орох чиглэлийн бусад замуудын ачааллыг бууруулж, авто замын түгжрэлийг багасгахад тодорхой нөлөө үзүүлнэ гэж тооцож байна. Цаашлаад энэ замыг үргэлжлүүлж Баянхошуу Хөтөл,  Хүчит шонхороос 32—ын тойрог чиглэлийн замуудыг мөн дөрвөн эгнээ болгохоор судалгаа хийж, хотын удирдлагад танилцуулсан гэж Засаг дарга Н.Батсүмбэрэл хэллээ.

Газар чөлөөлөлтийн үйл явцыг эрчимжүүлж, тулгамдаж буй асуудлуудыг шуурхай шийдвэрлэн ажиллахыг Хотын дарга холбогдох албаныханд үүрэг болгосон юм.