Нийслэлийн Засаг даргын А/461 дүгээр захирамж, Чингэлтэй дүүргийн Засаг даргын тамгын газрын А/123 дугаар тушаалаар томилогдсон ажлын хэсэг "Шилдэг хороо-Хэсгийн ахлагч нарын шилдэг баг" шалгаруулах болзолт уралдааны хүрээнд Нийслэлийн 9 дүүргийн 34 хороодод зөвлөн туслах, харилцан туршлага солилцох чиглэлээр ажиллаж байна. Ажлын хэсэг өнөөдөр Баянгол дүүргийн 3, 11, 12, 19, 30 дугаар хороодын албан хаагчидтай уулзаж харилцан туршлага солилцлоо.

Япон Улсын Шизуока мужийн Яйзү хотын Татварын хэлтсийн мэргэжилтэн Фүкүчи Ёшихико Засаг даргын Тамгын газар, болон дүүргийн харьяа хэлтэс болох Татварын хэлтэс, Хөдөлмөр, халамжийн үйлчилгээний хэлтэс, Боловсролын хэлтэс, сургууль, цэцэрлэгийн үйл ажиллагаатай танилцсан билээ.

Тэгвэл өнгөрсөн баасан гараг буюу 2023 оны 05 дугаар сарын 20-нд Засаг даргын Тамгын газрын албан хаагчидтай уулзан, санал сэтгэгдлээ хуваалцаж, албан хаагчдын сонирхсон асуултад хариулж, солилцооны хөтөлбөрөө дүгнэлээ.

Чингэлтэй дүүрэг 2023 оныг “Үйлдвэрлэлийг дэмжих жил” болгон зарласан билээ. Энэ хүрээнд оёдлын салбарын үйлдвэр эрхлэгчдийн дунд “Уран үйлчин-2023” уралдааныг зохион байгуулж байна.

Уралдаанд оролцож буй жижиг, дунд бизнес эрхлэгчдийн ажил үйлстэй дүүргийн Иргэдийн Төлөөлөгчдийн Хурлын дарга Б.Мөнхбат, Засаг дарга Н.Батсүмбэрэл, Засаг даргын орлогч Д.Отгонбаатар нар танилцлаа. Чингэлтэй дүүрэгт 815 аж ахуй нэгж, 3500 гаруй жижиг дунд үйлдвэрлэл эрхлэгчид үйлдвэрлэл эрхэлж байна.

Тэднийг бодлогоор дэмжих, ажлын байраар хангах, ядуурлыг бууруулах, инновацийг хөгжүүлэх, ажил олгогчдод ирж буй татварын дарамтыг багасгах, хүний нөөцийн тогтвортой нөхцөлийг хангах зорилгоор олон ажлыг шат дараатай зохион байгуулж байгаа юм. “Уран үйлчин-2023” уралдаан хоёр үе шаттай явагдана. Тестийн болон ур чадварын төрлөөр үндэсний хувцас, европ хувцас, хөдөлмөр хамгааллын хувцас гэсэн гурван төрлөөр зохион байгуулагдах юм.

✅ Чингэлтэй дүүрэг, Япон Улсын Шизуока мужийн Яйзү хоттой 2022 онд боловсрол, соёл урлаг, эрүүл мэнд, спорт, худалдаа, аж үйлдвэр зэрэг салбарт хамтран ажиллах санамж бичиг зурсан юм.

Энэхүү санамж бичгийн хүрээнд Яйзү хотын Татварын хэлтсийн мэргэжилтэн Фүкүчи Ёшихико, дүүргийн Засаг даргын Тамгын газар, харьяа хэлтэс албадын үйл ажиллагаатай танилцаж, Яйзү хотын захирагааны чиг үүрэг, үйл ажиллагааны ижил төстэй болон ялгаатай талуудыг харилцан ярилцаж, санал солилцож ажиллалаа.

Мэргэжилтэн Фүкүчи Ёшихико 2023 оны 05 дугаар сарын 15-21-ний хооронд долоон хоногийн хугацаанд Чингэлтэй дүүрэгт ийнхүү ажиллалаа.

Нийслэлийн Чингэлтэй дүүргийн Засаг даргын Тамгын газраас дүүргийн 1-24 дүгээр хороодын албан хаагчдын ажлыг уялдааг сайжруулах, хөдөлгөөний дутагдлаас урьдчилан сэргийлэх, чөлөөт цагийг зөв боловсон өнгөрүүлэх зорилготой спортын аварга шалгаруулах тэмцээн зохион байгуулагдаж аваргаууд тодорлоо.  

Тэмцээний шагнал гардуулах ёслолд дүүргийн Засаг даргын Орлогч Д.Отгонбаатар, Засаг даргын Тамгын газрын дарга П.Баянбаатар, Төрийн захиргааны удирдлагын хэлтсийн дарга Л.Баярмаа, Санхүү төрийн сангийн хэлтсийн дарга Б.Нацагдорж болон хороодын Засаг дарга нар дүүргийн Иргэдийн Төлөөлөгчдийн хурлын төлөөлөгч нар гардууллаа.

ТЕННИСИЙН ТӨРӨЛД:

I байранд З.Очирбат ахлагчтай 20-р хороо

II байранд Б.Батболд ахлагчтай 5-р хороо

III байранд Р.Ганболд ахлагчтай 12-р хороо

НИСДЭГ ТАВГИЙН ТӨРӨЛД:

I байранд Б.Ерөө ахлагчтай 7-р хороо

II байранд Л.Цэеэрэгзэн ахлагчтай 19-р хороо

III байранд Н.Сэргэлэн ахлагчтай 16-р хороо

ВОЛЕЙБОЛЫН ТӨРӨЛД:

I байранд Р.Ганболд ахлагчтай 12-р хороо

II байранд Г.Энхтөгс ахлагчтай 13-р хороо

III байранд Н.Доржпүрэв ахлагчтай 14-р хороо

СПОРТЫН 3 ТӨРӨЛД ТЭМЦЭЭН УРАЛДААНД БАГИЙН НИЙТ ДҮНГЭЭР:

I байранд Б.Ерөө ахлагчтай 7-р хороо

II байранд Л.Цэеэрэгзэн ахлагчтай 19-р хороо

III байранд Н.Доржпүрэв ахлагчтай 14-р хороо тус тус шалгарлаа.

Дүүргийн 1-24 дүгээр хороодын 250 гаруй ажилтан албан хаагчид волейбол, теннис, нисдэг таваг гэсэн спортын 3 төрлөөр өрсөлдөж авхаалж самбаагаа сорьлоо.

Нийслэлийн Чингэлтэй дүүргийн Засаг даргын Тамгын газраас дүүргийн 1-24 дүгээр хороодын албан хаагчдын ажлыг уялдааг сайжруулах, хөдөлгөөний дутагдлаас урьдчилан сэргийлэх, чөлөөт цагийг зөв боловсон өнгөрүүлэх зорилготой спортын аварга шалгаруулах тэмцээн өнөөдөр эхэллээ.  Тэмцээний нээлтэд дүүргийн Засаг даргын Орлогч Д.Отгонбаатар, Төрийн захиргааны удирдлагын хэлтсийн дарга Л.Баярмаа, Санхүү төрийн сангийн хэлтсийн дарга Б.Нацагдорж болон хороодын Засаг дарга нар дүүргийн Иргэдийн Төлөөлөгчдийн хурлын төлөөлөгч нар оролцлоо.  

Дүүргийн Биеийн тамир спортын хороонд дүүргийн 1-24 дүгээр хороодын 250 гаруй ажилтан албан хаагчид волейбол, теннис, нисдэг таваг гэсэн спортын 3 төрлөөр өрсөлдөж авхаалж самбаагаа сорьж байна. 

Жил бүрийн 5 дугаар сарын 3 дахь Бямба гарагт Хөдөлмөр, нийгмийн хамгааллын салбарын ажилтны өдөр тохиолдог. Энэ өдрийг угтан Чингэлтэй дүүргийн Засаг даргын Тамгын газар, дүүргийн хөгжлийн бэрхшээлтэй хүний эрхийг хангах салбар зөвлөл 2022 онд хэрэгжүүлсэн үйл ажиллагааг олон нийтэд таниулах, сайн туршлага судлах, солилцох, хөгжлийн бэрхшээлтэй хүний эрхийг хангах асуудлыг хэлэлцлээ.

Арга хэмжээнд Нийслэлийн Засаг даргын орлогч З.Төмөртөмөө, Чингэлтэй дүүргийн Засаг даргын орлогч Д.Отгонбаатар, Сүхбаатар дүүргийн Засаг даргын орлогч М.Алтангэрэл нийслэлийн Засаг даргын Тамгын газрын Нийгмийн бодлогын хэлтсийн дарга А.Мөнгөншагай болон дүүргүүдийн Хөгжлийн бэрхшээлтэй хүний эрхийг хангах салбар зөвлөлийн гишүүд, төрийн бус байгууллагуудын төлөөллүүд, холбогдох албаны хүмүүс оролцлоо.

Арга хэмжээний хүрээнд дүүргийн 149 дүгээр жишиг сургууль, Биеийн тамир спорт хороо, БИТ-3 Хөгжлийн бэрхшээлтэй иргэний холбооны ажлын байруудад зочилж, туршлага солилцлоо.

Тухайлбал дүүргийн 149 дүгээр сургууль нь Япон улсын Засгийн газрын тусламжтай баригдсан бөгөөд 2020 онд ашиглалтад орсон. Тус сургуульд одоогоор 800 гаруй суралцагч суралцаж байгаа бөгөөд хөгжлийн бэрхшээлтэй сурагч суралцах боломжтой орчин бүрдүүлсэн жишиг сургууль юм. Тухайлбал тус сургуулийн давхар бүрт тэргэнцэртэй, хөгжлийн бэрхшээлтэй хүүхдүүд суралцах тусгай зориулалтын танхимыг тохижуулсан бөгөөд налуу шат, баррель үсэг зэргийг суурилуулсан байна. Мөн суралцагчдын аюулгүй байдлыг хангасан хаалга, шал, ирмэггүй хана, болон газар хөдлөлтөд тэсвэртэй зэрэг жишиг болсон сургууль юм.

Энэ арга хэмжээг зохион байгуулснаар дүүргүүдийн хөгжлийн бэрхшээлтэй хүний эрхийг хангах салбар зөвлөлүүдийн уялдаа холбоо сайжирч, дүүрэгт хийж хэрэгжүүлсэн үйл ажиллагааны сайн туршлагыг түгээн дэлгэрүүлэх, хөгжлийн бэрхшээлтэй хүнд ээлтэй орчин бүрдүүлэх, мэдээллээр хангах, чадавхжуулах эерэг үр дүн бий болгох зорилготой юм.

Чингэлтэй дүүргийн Засаг даргын Тамгын газрын Хүнс, худалдаа үйлчилгээний хэлтэс, Хууль, эрх зүйн хэлтэс хамтран дүүргийн нутаг дэвсгэрт хоол үйлдвэрлэл үйлчилгээний чиглэлээр үйл ажиллагаа эрхэлж буй иргэн, аж ахуйн нэгж байгууллагуудад “Эрүүл ахуйн зохистой дадал нэвтрүүлэх нь” сургалт явууллаа.

Сургалтад Чингэлтэй дүүргийн Засаг даргын Тамгын газрын дарга П.Баянбаатар, Хүнс худалдаа үйлчилгээний хэлтсийн дарга П.Булган, НЭМГ-ын чанар, эрүүл мэндийн хяналт зохицуулалтын хэлтсийн Эрүүл ахуй, халдвар хамгааллын хяналтын улсын ахлах байцаагч Ц.Ган-Эрдэнэ, Хоол шим судлалын монголын нийгэмлэгийн багш .Байгалмаа, Нийслэлийн Хүнс хөдөө аж ахуйн газрын хүнсний чанар хяналтын улсын ахлах байцаагч Б.Хонгор болон холбогдох албаны хүмүүс оролцлоо.

 Сургалтаар хоол үйлдвэрлэл, үйлчилгээнд GMP8 GHP нэвтрүүлэх, хоол үйлдвэрлэлд шаардлагатай тоног төхөөрөмж, аяга таваг угаагч ариутгагч төхөөрөмжийг үйлдвэрлэлд хэрэглэх, түүний давуу талууд, согтууруулах ундааны эргэлтэд хяналт тавих, архидан согтуурахтай тэмцэх тухай, Зөвшөөрлийн тухай хууль, Хоол үйлдвэрлэл, үйлчилгээний газарт тавих шаардлага MNS 4946:2019 стандарт болон холбогдох дүрэм, журмын танилцуулж мэдээлэл өглөө.

Нийслэлийн Засаг даргын 2023 оны “Хууль, норм, дүрэм, стандартын хэрэгжилтийг хангуулах талаар авах зарим арга хэмжээний тухай” А/242 дугаар захирамж, дүүргийн Засаг даргын 2023 оны А/120 дугаартай захирамжийн дагуу төр, хувийн хэвшлийн хамтын ажиллагааны хүрээнд дүүргийн өмчийн болон хувийн хэвшлийн халуун ус, сауны чиглэлээр үйл ажиллагаа  эрхлэгчдэд сургалт зохион байгууллаа.

Дүүргийн Засаг даргын Тамгын газрын Хүнс, худалдаа үйлчилгээний хэлтэс “Үйлчилгээ эрхлэх зөвшөөрөл буюу онлайн бизнес төв цахим бүртгэлийн системд бүртгүүлэх заавар”, Нийслэлийн Хотын стандарт, хяналтын газар “Хотын стандартын тогтолцоо, үр нөлөө”, “Үйлчилгээний байгууллагын гадна стандартад тавигдах шаардлага”, Нийслэлийн Эрүүл мэндийн газар “Халуун усны үйлчилгээ, ерөнхий шаардлага MNS 5163:2002 стандарт”, “Халуун усны үйлчилгээ, эрүүл ахуйн нөхцөл, халдвар хамгаалалтын дэглэмийн хяналтын хуудас шалгах чиглэл” сэдвээр илтгэл тавьж мэдээлэл өглөө. 

Сургалтад дүүргийн нутаг дэвсгэрт халуун ус, сауны чиглэлээр үйл ажиллагаа явуулдаг 15 иргэн, аж ахуйн нэгж хамрагдлаа. Мөн сургалтад хамрагдсан иргэдэд дүүргийн 30 жилийн ойн медаль гардууллаа.

Чингэлтэй дүүргийн Засаг даргын Тамгын газраас 1-24 дүгээр хороодын ажилтан албан хаагчид, хэсгийн ахлагч нартай уулзах уулзалтыг 04 дүгээр сарын 12-ны өдрөөс эхлэн зохион байгуулж дууслаа. Дүүргийн Засаг даргын Тамгын газрын дарга П.Баянбаатар болон холбогдох хэлтэс албадын дарга нар уулзалтаар нийт 24 хорооны 300 гаруй албан хаагчидтай уулзалт санал хүсэлтийг нь сонсчээ.

Хороодын албан хаагчдаас уулзалтын үеэр дараах саналуудыг гаргажээ.

Албан хаагчдын ёс зүй, харилцаа хандлагад анхаарах

Судалгаа мэдээллийг цаг хугацаанд гаргах, ажлын уялдаа холбоог сайжруулах

Албан бичгийн шийдвэрлэлт, цаг ашиглалтад анхаарах

Зохион байгуулж буй аливаа арга хэмжээний уялдаа холбоог сайжруулах

Хөгжлийн бэрхшээлтэй иргэдэд чиглэсэн арга хэмжээний зохион байгуулалтад анхаарах, асран хамгаалагчдыг хамруулах

Хөрөнгө оруулалт, бүтээн байгуулалтын ажилд хяналт тавих зэрэг санал гаргажээ.

Чингэлтэй дүүргийн 1-24 дүгээр хороодын төрийн албан хаагчид, хэсгийн ахлагч нартай дүүргийн удирдлагууд хуваарьт уулзалтыг зохион байгуулж байгаа билээ. Өнөөдөр 1, 2, 3 дугаар хороодын төрийн албан хаагчид, хэсгийн ахлагчидтай хийсэн уулзалтад Засаг даргын Тамгын газрын дарга П.Баянбаатар, Төрийн захиргааны удирдлагын хэлтсийн дарга Л.Баярмаа, нар оролцож, хэрэгжүүлж буй үйл ажиллагаа, хөрөнгө оруулалтын ажлуудын талаар танилцуулллаа.

Мөн ажилтан албан хаагчид, хэсгийн ахлагчдад тулгарч буй хүндрэл бэрхшээлтэй болон ажиллах орчин, нөхцөл байдлын талаар санал солилцлоо.