Нийслэлийн Засаг даргын А/461 дүгээр захирамж, Чингэлтэй дүүргийн Засаг даргын тамгын газрын А/123 дугаар тушаалаар томилогдсон ажлын хэсэг "Шилдэг хороо-Хэсгийн ахлагч нарын шилдэг баг" шалгаруулах болзолт уралдааны хүрээнд Нийслэлийн 9 дүүргийн 34 хороодод зөвлөн туслах, харилцан туршлага солилцох чиглэлээр ажиллаж байна.

Ажлын хэсэг өнөөдөр Сүхбаатар дүүргийн 12, 36, 18 дугаар хороод, Чингэлтэй дүүргийн 12, 20 дугаар хороодын албан хаагчидтай уулзаж харилцан туршлага солилцлоо.

.

Нийслэлийн Чингэлтэй дүүргийн иргэдийн Төлөөлөгчдийн хурал, Улсын бүртгэлийн хэлтэс, Боловсролын хэлтэс, Чингэлтэй дүүргийн Социал Демократ Монголын Залуучуудын Холбоо хамтран Олон улсын Хүүхдийн эрхийг хамгаалах өдрийг тохиолдуулан дүүргийн харьяат 16 нас хүрч байгаа хүүхдүүдэд иргэний эрх, үүрэг, хариуцлагыг ухамсарлуулж, эх оронч сэтгэлгээг төлөвшүүлэх зорилгоор “Иргэний андгай өргөх ёслол”-ыг зохион байгууллаа.

Тус арга хэмжээг УИХ-ын гишүүн, Монгол улсын сайд Ж.Сүхбаатар, Чингэлтэй дүүргийн иргэдийн Төлөөлөгчдийн Хурлын дарга Б.Мөнхбат, Засаг дарга Н.Батсүмбэрэл нээж, Засаг даргын орлогч Д.Отгонбаатар, дүүргийн Социал Демократ Монголын Залуучуудын Холбооны Тэргүүн Л.Цэеэрэгзэн, ИТХ-ын Төлөөлөгчид, дүүргийн Улсын бүртгэлийн хэлтсийн дарга Д.Оюунбилэг, 1-24 дүгээр хороодын Засаг дарга нар хүрэлцэн ирж 16 нас хүрч иргэний үнэмлэхээ авах 400 гаруй өсвөр үеийн залуусын төлөөлөлд Батламж гардуулан түүх, соёлоо дээдэлсэн, эх оронч үзэлтэй, үүрэг хариуцлагаа ухамсарласан иргэн болохыг хүсэн ерөөлөө.

Мөн тус “Иргэний андгай өргөх ёслол”-ын үеэр 16 нас хүрч “Монгол Улсын иргэний андгай” өргөн иргэний үнэмлэх авч байгаа өсвөр үеийн залуучуудад Чингэлтэй дүүргийн улсын бүртгэлийн хэлтсээс тоон гарын үсэг олгох ажлыг зохион байгууллаа.
ХУРЛЫН АЖЛЫН АЛБА

“Алсын хараа-2050” Монгол Улсын Урт хугацааны хөгжлийн бодлогын сургалтыг Чингэлтэй дүүргийн сургагч багш нарын 2-р багийнхан төрийн албан хаагч болон 1-12 дугаар хороодын хэсгийн ахлагч 80 гаруй албан хаагч нарт 2023 оны 5 дугаар сарын 25, 26-ны өдрүүдэд амжилттай зохион байгуулагдлаа. Сургалтаар Үндэсний нэгдмэл үнэт зүйл, хүний хөгжил, амьдралын чанар ба дундаж давхарга, эдийн засаг, засаглал, ногоон хөгжил, амар тайван, аюулгүй нийгэм, Бүс, орон нутгийн хөгжил, Улаанбаатар ба дагуул хот гэсэн 9 бүлэг, 47 зорилтыг танилцуулан санал, хүсэлтийг сонсож мөн шилдэг оролцогчийг шалгаруулан Хөдөлмөр, халамжийн үйлчилгээний хэлтсийн Хөдөлмөрийн харилцаа, хөдөлмөрийн аюулгүй байдал хариуцсан мэргэжилтэн Д.Удвал, Статистикийн хэлтсийн мэргэжилтэн Т.Хишигбаяр нар шалгарлаа.

Чингэлтэй дүүргийн Хайрхан хөгжлийн төв, Good neighbors, "Шүхэртэй хүү" байгууллагуудтай хамтран олон улсын хүүхдийн баярын үйл ажиллагааг зохион байгуулж байна.

Энэ өдөр 10:00-15:00 цагийн хооронд "Хайрхан 1" хөгжлийн төвийн задгай талбайд"

- Хийтэй цамхаг тоглоом үнэгүй тоглох,

- Үнэгүй 1000 зайрмаг тараах

- Open Mic буюу хүүхдүүд чөлөөтэй дуулах, бүжиглэх боломжийг хүүхдүүддээ олгож байна.

Эрхэм хүүхэд багачууддаа хүүхдийн эрхийг хамгаалах өдрийн мэнд хүргэе.

#ХАЙРХАН_ХӨГЖЛИЙН_ТӨВ

Чингэлтэй дүүргийн Засаг даргын Тамгын газраас жил бүр уламжлал болгон зохион байгуулдаг “Чингэлтэй фестиваль” “Шинэ сэргэлт Чингэлтэй” уриан дор эхэллээ.

Чингэлтэй фестиваль нь соёл урлагаар дамжуулан иргэдийг соён гэгээрүүлэх, үндэсний соёл урлаг, өвийг сурталчлан таниулах, төрийн үйлчилгээг иргэдэд хүргэх зорилготой уг өдөрлөг Чингэлтэйчүүдийн талархлыг хүлээсэн хүсэн хүлээдэг баярын нэг юм.

Энэ жилийн баярын жагсаалд дүүргийн удирдлагууд, цагдаа, онцгой байдлын хэлтсийн алба хаагчид, “Дөл” тэмцээний шилдэг оролцогчид, сургууль, цэцэрлэгүүдийн хүүхэд багачууд, ахмад настны төлөөлөл, 1-24 дүгээр хороодын Засаг даргын ажлын алба, дүүргийн иргэд гээд нийт 1500 гаруй иргэд баярын жагсаалд алхлаа.

Чингэлтэй фестивалийн баярын үйл ажиллагаанд УИХ-ын гишүүн М.Оюунчимэг, дүүргийн Засаг даргаар ажиллаж байсан Д.Очирбат тэргүүтэй хүндэт зочид, Чингэлтэй дүүргийн Иргэдийн Төлөөлөгчдийн хурлын дарга Б.Мөнхбат, Засаг дарга Н.Батсүмбэрэл, Засаг даргын орлогч Д.Отгонбаатар нар хүндэт зочноор оролцлоо.

Баярын жагсаал СУИС-иас эхлэн Анкарагийн гудамжаар явсаар Тусгаар тогтнолын талбайд ирэн фeстиваль урлагийн тоглолтоор үргэлжилж байна.

Өдөрлөгийн үеэр дүүргийн хэлтэс албадын танилцуулга самбарууд, иргэдээс санал авах хэсэг, худалдаа үйлчилгээний цэгүүд, хүүхдийн тоглоом, урлагийн тоглолтуудаар үргэлжилж байна.

Цахим шилжилтийг эрчимжүүлэх, цахим үндэстэн болох зорилтын хүрээнд Төрийн цахим үйлчилгээг иргэдэд хүргэх, иргэдийг мэдээлэл, зөвлөгөөгөөр хангаж, хүнд суртлыг бууруулах, төрийн үйлчилгээг хүн бүрд хүртээмжтэй хүргэх "ХУРДАН" цэг болон дүүргийн улсын бүртгэлийн “Чингэлтэй” үйлчилгээний төв өнөөдөр нээлтээ хийлээ.

Нээлтэд УИХ-ын гишүүн М.Оюунчимэг, дүүргийн Засаг дарга Н.Батсүмбэрэл, Төрийн цахим үйлчилгээний зохицуулалтын газрын дарга П.Батбаатар, дүүргийн Улсын бүртгэлийн хэлтсийн дарга Д.Оюунбилэг, 14 дүгээр хорооны Засаг дарга Н.Доржпүрэв болон холбогдох албаны хүмүүс оролцлоо.

Тус төв нээгдсэнээр дүүргийн 15, 17, 18, 19, 23, 24 дүгээр хорооны иргэд болон Сүхбаатар дүүргийн иргэд төрийн үйлчилгээг хурдан шуурхай, ойроос авах боломж бүрдэж байгаа юм. Ингэснээр иргэд заавал бичиг баримтаа биедээ авч явж төрийн үйлчилгээ авдгаа больж, “ХУРДАН” төвөөр дамжуулан 39 байгууллагын 440 төрлийн үйлчилгээг авах боломжтой боллоо.

Чингэлтэй дүүргийн Засаг дарга Н.Батсүмбэрэл дүүргийн “Хоймор хайрхан” ОНӨҮГ-ын үйл ажиллагаа, тохижилтын ажлын явцтай танилцлаа.

Тус амралтын газар нь дүүргийн 16 дугаар хороонд байрладаг бөгөөд өнгөрсөн оны 6 дугаар сард үйл ажиллагаа явуулж эхэлсэн. Одоогоор нэг ээлжиндээ 24 хүн хүлээн авах хүчин чадалтай бөгөөд 12 өрөөтэй юм.

Орчны тохижилт болон, хүүхдийн тоглоомын талбай зэргийг тохижуулсан бөгөөд ажлыг шат дараатай хийж байгаа талаар тус амралтын газрын дарга Б.Насанбат хэллээ.

Мөн Тэрбум мод үндэсний хөдөлгөөний хүрээнд амралтын газрын орчимд 8000 гаруй мод суулгасан байна.

Тус амралтын газар дүүргийн Хөдөлмөр халамж үйлчилгээний хэлтсийн хөнгөлөлттэй амрах амралт сувилалын жагсаалтад багтсан бөгөөд 16 дугаар хорооны эцэс буюу Согоотын аманд байрлаж байна.

Чингэлтэй дүүргийн Засаг дарга Н.Батсүмбэрэл 1-24 дүгээр хороодын Засаг дарга нартай өглөөний уулзалт хийлээ.

Өглөөний уулзалтыг дүүргийн “Хоймор хайрхан” амралтын газарт зохион байгуулж мөн амралтын газрын үйл ажиллагаатай танилцсан юм. Засаг дарга хороодод хийгдэж буй ажлууд, бүтээн байгуулалтын талаар мэдээллийг сонсож үүрэг чиглэл өглөө. 

рин дулааны цаг ирсэнтэй холбоотой хороодод бүтээн байгуулалт, тохижилтын ажлууд эхэлсэн бөгөөд хийгдэж байгаа ажлуудад хяналт тавих, иргэдийн санал хүсэлтийг тусгаж ажиллахыг хороодын Засаг дарга нарт үүрэг болголоо.

Чингэлтэй дүүргийн Засаг даргын Тамгын газар, Монголын Үсчин, Гоо засалчдын холбоотой хамтран үсчин, гоо засалчдын ур чадварыг дээшлүүлэх, харилцан туршлага солилцох зорилгоор 2023 оны 05 дугаар сарын 24-ны өдөр ДҮҮРГИЙН АВАРГА ШАЛГАРУУЛАХ ҮСЧИН, ГОО ЗАСАЛЧ, ХУМС ДИЗАЙН УРЛАЛЫН ТЭМЦЭЭН-ийг зохион байгууллаа. Энэ жилийн дүүргийн аварга шалгаруулах тэмцээнд нийт 8 төрөлд 50 оролцогч өрсөлдсөн нь онцлогтой боллоо.

Тухайлбал, нийслэлийн аварга шалгаруулах тэмцээнд 60 гаруй оролцогч өрсөлдөж байсан бол дүүргийн тэмцээнд ийнхүү олон оролцогч өрсөлдсөн нь тэмцээн хүрээгээ тэлж, үр дүнгээ өгч буй сайн жишиг боллоо.

• Тэмцээний шилдэг үсчнээр-“Тэргүүн салон”, Д.Отгонжаргал, • Шилдэг гоо засалчаар “Эва салон”, М.Ариунтуяа, • Шилдэг залуу гоо засалчаар Үйлдвэрлэл, Урлалын политехникийн коллеж, Б.Саяжаргал, • Шилдэг залуу үсчнээр Үйлдвэрлэл, Урлалын политехникийн коллежийн оролцогч Л.Болормаа нар шалгарч цом гардан авлаа. Мөн оролцогчдын ахуй үйлчилгээний салбарт оруулсан хувь нэмрийг нь үнэлж 10 оролцогчид Чингэлтэй дүүргийн 30 жилийн ойн медалийг гардуулав.

Нийтийн эзэмшлийн зам талбай, автобусны буудал дээр олноор байршуулсан зөвшөөрөлгүй түргэн үйлчилгээний цэгүүдийг зөөвөрлөн шилжүүлэх ажлыг зохион байгуулж байна. Чингэлтэй дүүргийн 1, 3 дугаар хорооны нутаг дэвсгэрт байршуулсан зөвшөөрөлгүй түргэн үйлчилгээний цэгүүдийг албадан нүүлгэн, газар чөлөөлөлтийг хийлээ. Цаашид үе шаттайгаар зөвшөөрөлгүй түргэн үйлчилгээний цэгүүдийг нүүлгэж, газрыг чөлөөлөх болно.

Нийслэлийн Засаг даргын А/461 дүгээр захирамж, Чингэлтэй дүүргийн Засаг даргын тамгын газрын А/123 дугаар тушаалаар томилогдсон ажлын хэсэг "Шилдэг хороо-Хэсгийн ахлагч нарын шилдэг баг" шалгаруулах болзолт уралдааны хүрээнд Нийслэлийн 9 дүүргийн 34 хороодод зөвлөн туслах, харилцан туршлага солилцох чиглэлээр ажиллаж байна. Ажлын хэсэг өнөөдөр Сонгинохайрхан дүүргийн 10, 25, 42, 36, 1, 17, 7 дугаар хороодын албан хаагчидтай уулзаж харилцан туршлага солилцлоо.

Чингэлтэй дүүрэг 2023 оныг Үйлдвэрлэлийг дэмжих жил болгон зарласан билээ. Энэ ажлын хүрээнд Засаг даргын Тамгын газраас санаачлан Хүнс, хөдөө аж ахуй, хөнгөн үйлдвэрийн яамны Хөнгөн үйлдвэрийн бодлогын хэрэгжилтийг зохицуулах газар, Жижиг дунд үйлдвэрийн газрын Бодлого зохицуулалтын хэлтэс, Монголын Баялаг бүтээгчдийг дэмжих холбоо, Батзүү ХХК, Монголын оёдлын салбарын мэргэжлийн зөвлөлтэй хамтран дүүргийн оёдлын чиглэлээр үйлдвэрлэл эрхлэгч иргэн, аж ахуй нэгжүүдийг дэмжих, чадавхжуулан мэргэшүүлэх, импортыг орлох экспортыг нэмэгдүүлэх, өрсөлдөх чадвартай нэмүү өртөг шингэсэн оёмол бүтээгдэхүүний үйлдвэрлэлийг кластераар буюу төрөлжсөн дамжлагаар хөгжүүлэх зорилготойгоор Оёмол бүтээгдэхүүн үйлдвэрлэгчдийн IV зөвлөгөөнийг зохион байгууллаа.

Зөвлөгөөнд Чингэлтэй дүүргийн Боловсролын хэлтэс, дүүргийн төрийн өмчит Ерөнхий боловсролын сургуулийн захирлууд, дүүргийн эцэг эхийн нэгдсэн зөвлөлийн холбоо, дүүргийн оёдлын чиглэлээр үйл ажиллагаа явуулж байгаа 125 иргэн, аж ахуй нэгжүүд хамрагдлаа.

Зөвлөгөөнд оролцогчид олон санал, санаачилга дэвшүүлж, дүүрэгт ажлын хэсэг байгуулан, төлөвлөгөөгөө гарган хамтран ажиллахаар шийдвэрлэлээ.

Энэхүү зөвлөгөөн нь Засгийн газрын “Алсын хараа - 2050” Монгол Улсын урт хугацааны хөгжлийн бодлогын хүрээнд 2021-2030 онд хэрэгжүүлэх үйл ажиллагаанд “Өртгийн сүлжээний кластер байгуулж зохион байгуулалттай ажлын байр бий болгох төслүүдийг улс, аймгийн бэлтгэн нийлүүлэлтийн сүлжээнд холбоно” гэж заалтын хэрэгжилтийг хангаж буй ажил юм.