Дүүргийн засаг даргын 2023 оны а/265 дугаар Захирамжаар байгуулагдсан ажлын хэсэг хуралдлаа.  

Цэргийн жинхэнэ албаны 2023 оны хоёрдугаар ээлжийн татлага явагдах болсонтой холбогдуулан дүүргийн Цэргийн штабаас хороодын Засаг дарга, зохион байгуулагч, хэсгийн ахлагч нарт цэрэг татлагын семинар зохион байгуулж цэргийн жинхэнэ албанд татах зарлан дуудах мэдэгдлийг хороодод хүлээлгэн өглөө.

Цэрэг татлагын товчооны орлогч дарга, дүүргийн Засаг даргын Тамгын газрын Цэргийн штабын дарга хурандаа Н.Энхбат хорооны Засаг дарга, зохион байгуулагч нарт ажил үүргийн хуваарь болон цэрэг татлагын бэлтгэл ажлын явц цаашид хийгдэх ажлын талаар танилцуулга хийлээ.

Цэргийн жинхэнэ албаны татлагыг амжилттай зохион байгуулан дээд байгууллагаас өгөгдсөн хяналтын тоон даалгаврыг бүрэн биелүүлэх, цэргийн насны залуучуудыг идэвхтэй хамруулах талаар мэргэжил арга зүйн зөвлөгөө өгч шалган туслах ажлын талаар танилцуулж үүрэг даалгавар өглөө.

Чингэлтэй дүүргийн Засаг даргын Тамгын газрын ажилтан, албан хаагчдын “Мэдээллийн цаг” өнөөдөр боллоо.

Өнөөдрийн “Мэдээллийн цаг”-аар Тамгын газрын албан хаагчид харилах суралцах арга зүйн хүрээнд байгууллагын сайн туршлагаа тодорхойлж, санал солилцлоо.

Мөн Монгол Улсын Ерөнхийлөгчийн дэргэдэх хэлний бодлогын үндэсний зөвлөлийн ажлын албаны дарга доктор М.Нарангэрэл Монгол бичгээр үйлдэх баримт бичгийн хэвлэмэл хуудас, төрийн албан хаагчдын монгол бичгийн хэрэглээний түшин болоод сургалтын хэрэглэгдэхүүний талаар албан хаагчдад мэдээлэл сонсголоо.

Дүүргийн ажилтан, албан хаагчдад чиглэсэн “Мэдээллийн цаг” арга хэмжээ нь 14 хоногт 1 удаа тогтмол зохион байгуулагддаг бөгөөд албан хаагчдын мэдлэг, ур чадварыг дээшлүүлэх, сургаж хөгжүүлэх, ёс зүйн хэмжээг мөрдүүлж, харилцаа хандлагыг сайжруулах зорилготой юм.

Нийслэлийн Чингэлтэй дүүргийн 1-24 дүгээр хороодын Засаг дарга, зохион байгуулагч нарт шуурхай хуралдаан зохион байгууллаа.

Тухайлбал, Чингэлтэй дүүргийн нийт 24 хороодын Засаг дарга, зохион байгуулагч нарт цаг үеийн нөхцөл байдалтай уялдуулан мэдээ мэдээлэл өгөх, цаашид анхаарч ажиллах асуудлуудаар үүрэг чиглэл өгсөн юм.

Тус мэдээллээр цаг ашиглалт, өргөдөл гомдлын тайлан мэдээ танилцуулах, архив, албан хэрэг хөтлөлтийн мэдээ тайланг хэрхэн ашиглах талаар мэдээлэл өгч, улсын бүртгэлийн байгууллагаас шинэ бүтэц, зохион байгуулалтын арга хэмжээг хэрэгжүүлж эхэлсэн талаараа мэдээлэл өглөө.

Мөн 2023 оны хоёрдугаар ээлжийн цэргийн жинхэнэ албаны татлагыг 10 дугаар сарын 19-22-ний өдрүүдэд зохион байгуулахтай холбоотой ажлуудын мэдээллийг Цэргийн штабын дарга, хурандаа Н.Энхбат болон Тоо бүртгэлийн ахлах офицер Б.Цэдэн нар өглөө.

Сургууль, цэцэрлэгийн чанар, хүртээмжийг нэмэгдүүлэх, хүүхэд багачуудыг ая тухтай орчинд боловсрол эзэмшүүлэх зорилгоор нийслэлийн Чингэлтэй дүүргийн 5 дугаар хороонд 200 хүүхдийн ортой шинэ цэцэрлэг ашиглалтад орлоо.

Улсын төсвийн хөрөнгө оруулалтаар шинээр баригдсан нийслэлийн 327 дугаар цэцэрлэгийн нээлт өнөөдөр боллоо. Нийт 200 хүүхдийн хүчин чадалтай тус цэцэрлэгт одоогоор 168 хүүхэд хамрагдаж байгаа бөгөөд найман бүлэгтэй, 41 ажилтантайгаар үйл ажиллагаагаа явуулж байгаа юм.

Нээлтэд УИХ-ын гишүүн М.Оюунчимэг, Чингэлтэй дүүргийн Засаг дарга Н.Батсүмбэрэл, Засаг даргын зөвлөх Ч.Болормаа нар оролцлоо.

Хөдөлмөрийн тухай хуулийн 16.1.6 дахь заалт, Хөдөлмөр нийгмийн түншлэлийн гурван талт үндэсний хорооны 2022 оны 5 дугаар тогтоолоор батлагдсан “Сум, дүүргийн хөдөлмөрийн эрхийн маргаан зохицуулах гурван талт хорооны дүрэм”-ийн 2.6 дахь хэсэгт заасны дагуу Чингэлтэй дүүрэгт Хөдөлмөрийн эрхийн маргаан зохицуулах гурван талт хороо байгуулагдсан.

Дүүргийн Хөдөлмөрийн эрхийн маргаан зохицуулах гурван талт хороо өнөөдөр ээлжит хурлаа хуралдуулж, гомдол гаргасан 2 иргэний асуудлыг хэлэлцэн, холбогдох шийдвэрийг гаргалаа.

Хөдөлмөрийн эрхийн маргаан зохицуулах гурван талт хороо нь Хөдөлмөрийн маргаанаас урьдчилан сэргийлэх, шүүхийн өмнөх шатанд эвлэрүүлэн зуучлах үүрэгтэй бөгөөд долоо хоног бүр хуваарийн дагуу хуралдаж, хүсэлт ирүүлсэн иргэдийн асуудлыг хуулийн хугацаанд хэлэлцэн шийдвэрлэж байна.

Батлан хамгаалахын сайд, Нийслэлийн Засаг даргатай 2023 онд хамтран ажиллах гэрээ, Нийслэл, дүүргийн Засаг даргын Тамгын газрын Цэргийн штабын 2023 оны сургалт бэлтгэлийн нэгдсэн төлөвлөгөөний дагуу цэргийн дүйцүүлэх албаны тусгай үүргийн бэлтгэл шатны сургалтыг зохион байгуулав.

Тус сургалтыг цэргийн албыг биеэр дүйцүүлэн хааж байгаа иргэнд орон нутгийн хамгаалалтад оролцох, гамшгаас хамгаалах болон хүмүүнлэгийн үйл ажиллагаанд туслалцаа үзүүлэх, улсын болон орон нутгийн бүтээн байгуулалтад оролцох талаар шаардлагатай мэдлэг, дадлага эзэмшүүлж, хууль тогтоомжоор хүлээсэн томилгоот үүргээ биелүүлэх бэлтгэлийг олгох зорилгоор явуулсан байна.

Чингэлтэй дүүргийн Засаг даргын Тамгын газрын Хэлтсийн дарга нарын шуурхай хурал боллоо.

Хуралдааныг дүүргийн Засаг даргын Тамгын газрын дарга П.Баянбаатар удирдан явуулж, хэлтсийн дарга нарт ажлын үүрэг чиглэл өглөө.

Мөн энэ үеэр Санхүү, төрийн сангийн хэлтсийн дарга Б.Нацагдоржийг нийслэл, дүүргүүдийн Засаг даргын Тамгын газрын албан хаагчдын “Спорт наадам-2023” тэмцээний “Спортын алдартан”-гаар өргөмжлөв.

Монгол Улсын Сонгуулийн ерөнхий хорооноос НҮБ-ын Хөгжлийн хөтөлбөртэй хамтран хэрэгжүүлж буй “Шийдвэр гаргах түвшинд жендэрийн тэгш байдал, эмэгтэйчүүдийн оролцоог дэмжих нь” төслийн хүрээнд Чингэлтэй дүүргийн Ерөнхий боловсролын 39, 57 дугаар сургуулийн ахлах ангийн сурагчдад 2023 оны 09 дүгээр сарын 28, 29-ны өдрүүдэд сургалтыг явууллаа.

Сургалтын гол зорилго нь сонгууль, сонгуулийн хууль тогтоомжийн талаар мэдлэг олгох, сонгох, сонгогдох эрхээ хэрэгжүүлэхийн ач холбогдлыг ойлгуулах замаар улс төрийн боловсрол олгож, тэдний идэвх оролцоог нэмэгдүүлэх, жендэрийн талаарх хэвшмэл буруу ойлголтыг өөрчилж, зөв ойлголттой, мэдрэмжтэй болгоход оршиж байгаа юм.

Цаашид Чингэлтэй дүүргийн Ерөнхий боловсролын 17, 61 дүгээр сургуулийн ахлах ангийн сурагчдад хоёр өдрийн сургалтыг явуулахаар төлөвлөж байна.

Жил бүрийн 10 дугаар сарын 1-ний өдрийг 1992 онд Монголын Ахмадын өдөр болгосон түүхтэй. Энэ өдрийг дэлхий нийтээрээ 33 дахь жилдээ, Монгол Улсын хэмжээнд 31 дэх жилдээ тэмдэглэж байна.

Олон улсын ахмадын өдрийг тохиолдуулан Чингэлтэй дүүргийн Засаг даргын Тамгын газрын удирдлагууд өнөөдөр Засаг даргын Тамгын газарт ажиллаж байгаад гавьяаныхаа амралтанд гарсан үе үеийн ахмадуудаа хүлээн авч уулзлаа. Өнөөдрийн арга хэмжээнд Чингэлтэй дүүргийн анхны Засаг дарга А.Зул тэргүүтэй 59 ахмад хүрэлцэн ирсэн бөгөөд Засаг даргын зөвлөх Ч.Болормаа, Засаг даргын Тамгын газрын дарга П.Баянбаатар нар хүлээн авч уулзан, дүүргийн хэмжээнд сүүлийн жилүүдэд хийж хэрэгжүүлж байгаа ажлаа танилцуулан, үг сургаалийг нь сонсон хүндэтгэл үзүүллээ.

"Гамшгийн эрсдэлийг бууруулах олон улсын өдөр"-ийг угтаж Дүүргийн засаг даргын нэрэмжит “Өсвөрийн аврагч-2023” тэмцээнийг ерөнхий боловсролын сургуулиудын дунд зохион байгууллаа.

Тэмцээнийг дүүргийн Боловсролын хэлтэс, Гэр бүл, хүүхэд, залуучуудын хөгжлийн хэлтэс, Улаан загалмай хороотой хамтран зохион байгуулсан бөгөөд 12 сургуулийн 84 сурагч багийн жагсаалын үзүүлэх тоглолт, мэдлэг сорих асуулт, хариулт, усанд осолдогчийг аврах, эмнэлгийн анхан шатны тусламж үзүүлэх, хүч, авхаалж самбаа сорих, химийн хордолтын цэг, гал унтраах цэг зэрэг төрлүүдээр Хайрхан хөгжлийн төвийн хөл бөмбөгийн талбайд өрсөлдөн шилдгүүдээ тодрууллаа.

Тэргүүн байранд дүүргийн Ерөнхий боловсролын 149 дүгээр сургуулийн “Хангарди” баг, шилжин явах цом, алтан медаль, өргөмжлөл, мөнгөн шагнал Дэд байранд дүүргийн Ерөнхий боловсролын 24 дүгээр сургуулийн “Харсүлд” баг, мөнгөн медаль, өргөмжлөл, мөнгөн шагнал Гутгаар байранд дүүргийн Ерөнхий боловсролын 23 дугаар сургуулийн сургуулийг "Элит-23" баг, мөнгөн шагнал Тусгай байранд дүүргийн Ерөнхий боловсролын 50 дугаар сургуулийн “Элит” баг өргөмжлөл, мөнгөн шагнал.