Чингэлтэй дүүргийн Засаг даргын Тамгын газрын Хүнс, худалдаа үйлчилгээний хэлтэс Үйлдвэрлэлийг дэмжих жилийн хүрээнд 2023 оны 11 дүгээр сарын 22 ний өдөр “Хөдөлмөрийн тухай хуулийн нэмэлт өөрчлөлт, нийгмийн даатгалын багц хуулийн шинэчлэл" сэдвийн хүрээнд үйлдвэр эрхлэгчдэд дүүргийн Жижиг, дунд үйлдвэрийг дэмжих төв, Хөдөлмөр, халамжийн үйлчилгээний хэлтэс, Нийгмийн даатгалын хэлтэстэй хамтран сургалт зохион байгууллаа.

Тус сургалтаар Хөдөлмөрийн тухай хуулийн нэмэлт өөрчлөлт, хөдөлмөрийн эрүүл ахуй, үйлдвэрлэлийн ослыг судлан бүртгэх болон Нийгмийн даатгалын багц хуулийн шинэчлэлийн талаарх мэдээлэл хүргэв.

Чингэлтэй дүүргийн Засаг даргын Тамгын газрын Хууль, эрх зүйн хэлтэс, Өмгөөллийн “Легал Протекшн” ХХН-тэй хамтран дүүргийн төрийн өмчийн Ерөнхий боловсролын сургуулийн захирал, цэцэрлэгийн эрхлэгч нарт сургалт зохион байгууллаа. 

Дүүргийн Засаг даргын Тамгын газрын дарга П.Баянбаатар төрийн албан хаагчийн ёс зүйн хэм хэмжээний талаар сургалтад оролцогчдод зориулж үг хэллээ. 

Уг сургалтаар Боловсролын Ерөнхий хууль (шинэчилсэн найруулга), Төрийн албаны тухай хууль болон Авлигын эсрэг хууль, Хөдөлмөрийн харилцаа, Захиргааны ерөнхий хуулийн шийдвэр гаргах ажиллагааны журам, Хөдөлмөрийн гэрээний онцлог зохицуулалтын талаар хуульч, өмгөөлөгч Ж.Ганболд, Ж.Мягмарсүрэн нар мэдээлэл өгөв. 

Дүүргийн архивын хэлтсийн дэргэдэх Баримт нягтлан шалгах арга зүйн комисс (БНШАЗК)-ын хурлыг 2023 оны 11 дүгээр сарын 13-ны өдөр зохион байгууллаа.

Тус хурлаар Архив, албан хэрэг хөтлөлтийн тухай хуулийн 23.2.9, 27.1.9 дэх хэсэгт заасны дагуу Төрийн архивын сан хөмрөгт нөхөн баяжилт хийх хугацаа болсон Чингэлтэй дүүргийн Соёлын төв, Биеийн тамир, спортын хороо, Гэр бүл, хүүхэд, залуучуудын хөгжлийн хэлтэс, Худалдан авах ажиллагааны албаны данс бүртгэл, устгах хэргийн жагсаалтыг хэлэлцэн холбогдох завсар, баримтын бүрдлийг хангах чиглэлийг комиссын гишүүдээс өгч дараагийн хурлаар хэлэлцүүлэхээр шийдвэрлэлээ.

Мөн Чингэлтэй дүүргийн Нийгмийн даатгалын хэлтсийн байгууллагын архивын гэрчилгээ авах хүсэлтийг хүлээн авч хэлэлцэн гишүүдийн олонхын саналаар дэмжиж, Нийслэлийн архивын газарт уламжлахаар шийдвэрлээ.

Монгол улсын Биеийн тамир, спортын тухай хууль, “Алсын хараа 2050” урт хүгацааны хөгжлийн бодлогын зорилт, Нийслэл, дүүргийн Засаг даргын 2020-2024 үйл ажиллагааны хөтөлбөрийг хэрэгжүүлэх, залуучуудын чөлөөт цагийг зөв боловсон өнгөрүүлэх, бие бялдрыг дасгал хөдөлгөөнөөр хөгжүүлэх, спортын нөлөөллөөр дамжуулан бие бялдрын соёл-хүмүүжил, бие бялдрын боловсрол олгох зорилгоор дүүргийн залуучуудын аварга шалгаруулах тэмцээнийг зохион байгууллаа.

Дүүргийн биеийн тамир, спортын хороо, Гэр бүл, хүүхэд залуучуудын хөгжлийн хэлтэс хамтран 11 дүгээр сарын 10-12-ны өдрүүдэд спортын 5 төрлөөр зохион байгуулагдаж аваргуудаа тодрууллаа. Тэмцээний нээлтийн үйл ажиллагаанд Их хурлын гишүүн М.Оюунчимэг, Засаг даргын Тамгын газрын дарга П.Баянбаатар, Биеийн тамир, спортын хорооны дарга Б.Мөнхбаяр, Гэр бүл, хүүхэд залуучуудын хөгжлийн хэлтсийн дарга Х.Азбаяр, хороодын Засаг дарга нар оролцлоо.

1. ШИРЭЭНИЙ ТЕННИСНИЙ ТЭМЦЭЭН
   1-р байр Б.Энхболор ахлагчтай 3-р хорооны баг

   2-р байр Ш.Цэнгүүн ахлагчтай 22-р хорооны баг

   3-р байр Т.Амгаланбаатар ахлагчтай 12-р хорооны баг

2. ДАРТС
   1-р байр Н.Ганцэцэг ахлагчтай 6-р хорооны баг

   2-р байр Г.Цэнд-Аюуш ахлагчтай 22-р хорооны баг

   2-р байр З.Билгүүн ахлагчтай 3-р хорооны баг

3. ОЛС ТАТАЛТ
   1-р байр Б.Нямдорж ахлагчтай 6-р хорооны баг

   2-р байр М.Баттулга ахлагчтай 13-р хорооны баг

   3-р байр М.Одсүрэн ахлагчтай 22-р хорооны баг

4. ВОЛЕЙБОЛЫН ТЭМЦЭЭН /ЭМЭГТЭЙ/
   1-р байр Д.Түмэннаст ахлагчтай 20-р хорооны баг

   2-р байр О.Сүнжидмаа ахлагчтай 16-р хорооны баг

   3-р байр А.Нандин-Эрдэнэ ахлагчтай 13-р хорооны баг

5. ВОЛЕЙБОЛЫН ТЭМЦЭЭН /ЭРЭГТЭЙ/
   1-р байр .Отгонбат ахлагчтай 17-р хорооны баг

   2-р байр М.Батмөнх ахлагчтай 16-р хорооны баг

   3-р байр Б.Дорждэрэм ахлагчтай 18-р хорооны баг Б

6. САГСАН БӨМБӨГИЙН ТЭМЦЭЭН /ЭМЭГТЭЙ/
   1-р байр О.Дэлгэрмаа ахлагчтай 19-р хорооны баг

   2-р байр А.Анхчимэг ахлагчтай 10-р хорооны баг

   3-р байр Г.Алтантуяа ахлагчтай 23-р хорооны баг

   САГСАН БӨМБӨГИЙН ТЭМЦЭЭН /ЭРЭГТЭЙ/
   1-р байр О.Ганзориг ахлагчтай 19-р хороо

   2-р байр Д.Дөлгөөн ахлагчтай 17-р хороо

   3-р байр Н.Отчигин ахлагчтай 4-р хороо

   БАГИЙН НИЙЛБЭР ДҮНГЭЭР

   1-р байр Б.Цогзолмаа Засаг даргатай 22-р хорооны хамт олон

   2-р байр Ц.Эрдэнэбадрах Засаг даргатай 23-р хорооны хамт олон

   3-р байр Э.Ачбаяр Засаг даргатай 6-р хорооны хамт олон

Дүүргийн нутаг дэвсгэрт авто үйлчилгээний чиглэлээр үйл ажиллагаа явуулж буй иргэд, аж ахуй нэгжүүдэд сургалт зохион байгууллаа.

Сургалтаар Монгол улсад мөрдөгдөж байгаа “Авто тээврийн тухай хууль” болон дүрэм журам, стандартууд болон авто тээврийн салбарын хог хаягдлыг бууруулах менежментийг сайжруулах, хог хаягдлын талаарх боловсролыг дээшлүүлэх, хүний эрүүл мэнд, байгаль орчинд үзүүлэх сөрөг нөлөөллийг таниулах зорилготой юм.

Өнөөдрийн сургалтад нийслэлийн Нийтийн тээврийн газрын Ачаа тээвэр, логистикийн хэлтсийн дарга Э.Нямсан, дүүргийн Хүнс, худалдаа үйлчилгээний хэлтсийн дарга Д.Булган, Монголын хог хаягдлыг дахин боловсруулах үндэсний холбооны дэд тэргүүн, доктор Г.Чинзориг, Шинжлэх ухааны академи, хими, химийн технологийн хүрээлэнгийн багш Л.Жаргалсайхан нар оролцлоо.

2023 оны 11 дүгээр сарын 04-06-ны өдрүүдэд нийслэлд орсон цаснаар дүүргийн нутаг дэвсгэрт зам талбай хариуцсан 2 байгууллагын 115 зам талбайн үйлчлэгч, 46 техник хэрэгсэл хариуцсан авто болон явган замуудын цэвэрлэгээг хийж, халтиргаа гулгаа арилгах зорилгоор нийт 219 тонн давс, 8 тонн бодис цацаж ажиллалаа.

Нийтийн эзэмшлийн гудамж, зам талбайн цэвэрлэгээнээс гарсан хар цасыг 19 техник хэрэгсэлээр нийт 50 рейсээр  229 тонн хар цас тээвэрлэлээ. 

Соёлын яамнаас Соёлын бүтээлч сар аяны хүрээнд өсвөр насны хүүхдүүдийн соёлын боловсролыг дээшлүүлэх хүрээнд соён гэгээрүүлэх, авьяас, ур чадварыг нээн илрүүлэх, хөгжүүлэх, эх оронч сэтгэлгээг төлөвшүүлэх, үндэсний соёлын үнэт зүйлийг эрхэмлэн дээдлэх, хүндэтгэх, хамгаалах дадал, чадварыг эзэмшүүлэхэд чиглэгдсэн тандалт судалгааны ажлыг зохион байгуулах төлөвлөгөөг танилцууллаа.

Сургалтад Засаг даргын Тамгын газрын дарга П.Баянбаатар, ерөнхий боловсролын сургуулийн удирдлагууд холбогдох мэргэжилтнүүд оролцлоо.

Жил бүр уламжлал болгон зохион байгуулдаг Нийслэлийн ахмадын хорооны нэрэмжит тэмцээн 9 дүүргийн ахмад тамирчдын дунд зохион байгуулагдлаа. Тэмцээн софт волейбол, явган аялал, ширээний теннис, шатар гэсэн 4 төрлөөр 10 сарын 28-аас 11 сарын 4 ний өдрүүдэд болж өндөрлөлөө.Чингэлтэй дүүргээс  спортын 4 төрөлд нийт 28 ахмад тамирчин оролцож хурд хүч, авхаалж самбаа, оюун ухаанаа сорин өрсөлдөж, дүүргийн хороодын ахмадын зөвлөлийн дарга нар ирж тамирчдаа хөгжөөн дэмжлээ.

Тэмцээнийн явган аяллын төрөлд Чингэлтэй дүүргийн 13-р хорооны “Хасу” клубын багш тамирчид алтан медаль, шатрын эрэгтэй төрөлд 1-р хорооны ахмад Г.Чулуун алтан медаль, эмэгтэй төрөлд 5-р хорооны ахмад Д.Соёлмаа алтан медаль, ширээний теннисний эмэгтэй төрөлд 1-р хорооны ахмад К.Оюунчимэг алтан медаль, софт волейболын эрэгтэй төрөлд А.Раднаа ахлагтай баг алтан медаль тус тус хүртэж багийн дүнгээр Нийслэлд I байр эзэлсэн амжилт гаргалаа.

Монгол Улсын Засгийн газрын 2022 оны 62 дугаар тогтоол болон Нийслэлийн Засаг даргын 2023 оны А1030 дугаар захирамжийг хэрэгжүүлэх 2023-2024 оны өвөлжилтийн бэлтгэл ажлыг хангах зорилгоор дүүргийн Засаг даргын Тамгын газраас гэр хорооллын айл өрхөд угаарын хийн хордлогоос урьдчилан сэргийлэх, шахмал түлш хэрэглэх болон учирч болох аливаа эрсдэлээс өөрсдийгөө болон гэр бүлээ хэрхэн хамгаалах талаарх заавар, зөвлөмжийг танилцуулан нийт 9893 айл өрхөд мэдээллийг хүргэн ажиллалаа.

Цас орж зам талбайн халтиргаа гулгаа үүсэх нөхцөл байдлаас сэрэмжлэн дүүргийн тохижилт үйлчилгээний компаниуд бэлтгэл ажлыг ханган ажиллаж байна.

"Чингэлтэй дүүргийн Тохижилт үйлчилгээ" ХХК, “Найши трейд” ХХК-иуд хариуцсан бүсийн чулуун зам, өгсүүр, уруу зам, зуслангийн бүсийн Ойн жим, Шадивлан, Яргайтын богино, Яргайт, Жигжид чиглэлийн авто замын зорчих хэсгийн халтиргаа гулгаа үүсэхээс сэргийлэж өглөөгүүр хөлдөхөөс өмнө шөнө давс бодис цацан ажиллалаа.

Тухайн замуудад давс, бодис цацаж замын хөдөлгөөний аюулгүй байдлыг ханган ажиллаж байна.

Тохижилт үйлчилгээний хоёр компани 40 тонн тусгай зориулалтын давс, бодисыг зам талбайд цацан ажиллаж байна.