Чингэлтэй дүүргийн 1-24 дүгээр хороодын Засаг дарга нарын шуурхай хурал боллоо. Хурлыг Засаг даргын орлогч Л.Цэеэрэгзэн удирдан явуулж цаг үеийн нөхцөл байдалтай холбоотой хороодод хийгдэж буй ажлын талаар мэдээлэл сонслоо.

Хуралдаанаар сар шинийн баяр болж байгааг тохиолдуулан дүүргийн нутаг дэвсгэрийн хог цэвэрлэгээнд анхаарах, цугласан хур хог ачиж тээвэрлэх талаар анхаарахыг даалгалаа.

Мөн сар шинийн баярын өдрүүдээр айл, өрхүүд гэрээ эзэнгүй удаан хугацаанд орхих, бага насны хүүхдээ хараа хяналтгүй орхих үзэгдэл гардаг учраас мэргэжлийн байгууллагууд зөвлөмж зөвлөгөөг хүргэх, цахилгааны аюулгүй байдалд анхаарч, гэмт хэрэг зөрчлөөс урьдчилан сэргийлж ажиллахыг 1-24 дүгээр хороодын дарга нарт үүрэг болголоо.

Чингэлтэй дүүргийн Сургуулийн өмнөх боловсролын байгууллагын эрхлэгч нарын ээлжит шуурхай хурал өнөөдөр боллоо.

Хурлыг дүүргийн Боловсролын хэлтсийн дарга А.Очир удирдан явуулж, цэцэрлэгийн удирдлагуудад цаг үеийн асуудлуудаар холбогдох чиглэлүүдийг өглөө.

2024 онд хэрэгжүүлэх төлөвлөгөөт ажлуудаа эрчимжүүлэх, хөрөнгө оруулалт бүтээн байгуулалтын ажлуудад идэвх санаачилгатай оролцох, цэцэрлэг орчмын бүсд гал түймэр гарахаас урьдчилан сэргийлж, цахилгааны аюулгүй байдлыг хангах, сар шинийн баярын өдрүүдэд хариуцлагатай жижүүр ажиллуулах, бүх нийтийн их цэвэрлэгээний ажлын зохион байгуулалтад анхаарч ажиллахыг үүрэг болголоо.

Сар шинийн баярын босгон дээр эрхэлсэн ажилдаа үр бүтээлтэй ажиллаж, амжилт гаргасан хүмүүст шагнал гардуулах ёслолын ажиллагаа боллоо. Шагналыг Чингэлтэй дүүргийн Иргэдийн Төлөөлөгчдийн хурлын дарга Б.Мөнхбат, Засаг даргын орлогч Л.Цэеэрэгзэн, Засаг даргын Тамгын газрын дарга П.Баянбаатар нар гардуулан өглөө.

Төрийн дээд одон медаль “Алтан гадас” одонгоор

Чингэлтэй дүүргийн 5-р хорооны иргэн Д.Лхагвасүрэн, Н.Оюунчимэг
39 дүгээр цэцэрлэгийн эрхлэгч Ц.Дэлгэрмаа
“Хөдөлмөрийн хүндэт” медалиар

13 дугаар хорооны иргэн Б.Цэрэндорж
“Авто тээврийн тэргүүний ажилтан” хүндэт тэмдэгээр

Чингэлтэй дүүргийн Тохижилт үйлчилгээний компанийн жолооч Д.Мөнхсайхан, А.Очирбат
Нийслэлийн Иргэдийн Төлөөлөгчдийн хурлын “Хүндэт тэмдэг”-ээр

13 дугаар хорооны хэсгийн ахлагч Г.Наранчимэг
Нийслэлийн Иргэдийн Төлөөлөгчдийн хурлын “Хүндэт өргөмжлөл”-өөр

Чингэлтэй дүүргийн 7 дугаар хорооны “Таны итгэл” ӨЭМТ-ын нийгмийн ажилтан Б.Буянжаргал
Нийслэлийн Иргэдийн Төлөөлөгчдийн хурлын “Хүндэт үнэмлэх”-ээр

24 дүгээр хорооны зохион байгуулагч С.Отгонтогтох
Дүүргийн Засаг даргын “Хүндэт тэмдэг”-ээр

9 дүгээр хорооны иргэн Н.Гэрэлчулуун
9 дүгээр хорооны олон нийтийн байцаагч Д.Оюунтуяа
19 дүгээр хорооны иргэн Ш.Бямбацогт
Дүүргийн Засаг даргын “Хөдөлмөрийн алдар” медалиар

24 дүгээр хорооны хэсгийн ахлагч Э.Оюун
9 хорооны хэсгийн ахлагч Б.Мөнхбаясгалан, Э.Нандинцэцэг нар шагнагдлаа.

Нийслэлийн Чингэлтэй дүүргээс дүүргийнхээ 100 настай ахмад настнуудад хүндэтгэл үзүүлж, Монгол Улсын Ерөнхийлөгчийн мэндчилгээ, гарын бэлгийг гардууллаа.

Монгол Улсын Ахмад настны тухай хуулийн дагуу дүүргийн Иргэдийн Төлөөлөгчдийн Хурал, Засаг даргын Тамгын газар, Ахмадын хорооноос хүндэтгэл үзүүлэх үйл ажиллагааг зохион байгуулж, 3 дугаар хорооны 100 настан Цэрэнгийн Чимэдцэрэн, 12 дугаар хорооны 100 настан Балжирын Баасанхүү, 18 дугаар хорооны 100 настан Цэндийн Цэвэлмаа нарт хүндэтгэл үзүүлээ.

Чингэлтэй дүүрэг нь 17866 ахмад настантай бөгөөд 90-ээс дээш насны 202, 100-аас дээш насны 3 ахмад настан тус дүүрэгт амьдарч байгаа юм.

Чингэлтэй дүүргийн Засаг даргын зөвлөлийн хуралдаан өнөөдөр боллоо.

Хуралдаанаар сар шинийн баяр болж байгаатай тохиолдуулан дүүргийн ахмад настнууд, 100-аас дээш настай ахмадуудад хүндэтгэл үзүүлэх талаар ажлын хэсэг зохион байгуулах талаар хэлэлцлээ. Мөн дүүргийн нутаг дэвсгэрийн хог цэвэрлэгээнд анхаарах, цугласан хур хог ачиж тээвэрлэх талаар анхаарахыг холбогдох албаны хүмүүст үүрэг болголоо.

Мөн сар шинийн баярын өдрүүдээр айл, өрхүүд гэрээ эзэнгүй удаан хугацаанд орхих, бага насны хүүхдээ хараа хяналтгүй орхих үзэгдэл гардаг учраас мэргэжлийн байгууллагууд зөвлөмж зөвлөгөөг хүргэх, цахилгааны аюулгүй байдалд анхаарч, гэмт хэрэг зөрчлөөс урьдчилан сэргийлж ажиллахыг дүүргийн Онцгой байдлын газар болон Цагдаагийн газрын удирдлагуудад үүрэг болголоо.

Дүүргийн Засаг дарга бөгөөд Онцгой комиссын даргын тушаалаар дүүргийн Онцгой комиссын нарийн бичгийн дарга, Онцгой байдлын хэлтсийн орлогч, хошууч Б.Амандыхаар ахлуулсан шуурхай бүлэг дүүргийн 23 дугаар хорооны нутаг дэвсгэрт булгийн ус газрын хөрснөөс нэвчин гарч халиа, дошин үүсэж айл өрхийн хашаа, нийтийн эзэмшлийн талбай мөс тогтсон байсныг “Тохижилт үйлчилгээний” ХХК-ийн 4 инженер техникийн ажилтан,1 машин механизмтайгаар ажиллаж суваг шуудуу гаргаж мөсөн далан босгох ажлыг шуурхай зохион байгуулж айл өрхүүдийн аюулгүй байдлыг ханган ажиллаж байна.

Нийслэлийн Чингэлтэй дүүргийн Засаг даргын 2024 оны 02 дугаар сарын 02-ны өдрийн А/16 дугаар захирамжаар байгуулагдсан ажлын хэсгийн хурал өнөөдөр боллоо.

Хурлаар дүүргийн Засаг даргын захирамжийн хэрэгжилтийг хангах хүрээнд Ерөнхий боловсролын сургууль, сургуулийн өмнөх боловсролын байгууллагуудын орчин нөхцөлд эрсдлийн үнэлгээ хийх ажлыг 2024 оны 02 дугаар сарын 05-ны өдрөөс 09-ний өдрүүдэд зохион байгуулах асуудлыг хэлэлцлээ.

Дүүргийн Ерөнхий боловсролын сургууль, цэцэрлэгүүдээр хяналт-шалгалт хийх уг ажил нь хүүхдийн аюулгүй байдлыг хангах, байгууллага орчмын эрсдэл бүхий нөхцөл байдлыг үнэлэх, хоол үйлдвэрлэлийн чанар стандартыг хангах, ил задгай цахилгааны утас, камерийн хэвийн ажиллагаа зэргийг хянах, илэрсэн зөрчлийг арилгах үндсэн зорилготой юм.

Чингэлтэй дүүргийн Засаг даргын Тамгын газар, Бүгд найрамдах Солонгос улсын “Грийн” эмнэлэгтэй хамтран ажиллах санамж бичигт өнөөдөр гарын үсэг зурлаа.

Энэхүү санамж бичигт Чингэлтэй дүүргийн Засаг дарга Н.Батсүмбэрэл, “Грийн” эмнэлгийн гүйцэтгэх захирал Им Санг Хёк нар гарын үсэг зурсан бөгөөд Монгол Улсын Ерөнхийлөгчийн санаачилгаар хэрэгжүүлж буй “Эрүүл Монгол хүн” хөдөлгөөнийг дүүргийн зорилтот бүлгийн хүүхдүүдэд эрүүл мэндийн тусламж үйлчилгээг үзүүлэх зорилготой юм.

Санамж бичгийн хүрээнд дүүргийн зорилтот бүлгийн хүүхдүүдэд эрүүл мэндийн болон эмнэлгийн тусламж үйлчилгээг хүргэх, эрүүл мэндийн нөхцлийг сайжруулах, боловсрол олгох, дүүргийн өрх болон эрүүл мэндийн төвийн чадавхийг бэхжүүлэх замаар хүүхдүүдийн эрүүл мэндийг дэмжих зэрэг өргөн хүрээнд хамтран ажиллах юм.

Чингэлтэй дүүргийн Ерөнхий боловсролын сургуулийн сурагчдын “Чингэлтэй лиг” сагсан бөмбөгийн тэмцээн эхэллээ.

Уг тэмцээнийг “Биеийн тамир, спортын туxай xууль”, Нийслэл, дүүргийн Засаг даргын 2020-2024 оны үйл ажиллагааны xөтөлбөрийг xэрэгжүүлэx, багийн спортоор дамжуулан xамтач үзэл санааг төлөвшүүлэx, өсвөр үе, xүүxэд багачуудын бие бялдрыг өв тэгш xөгжүүлэx, спортоор xичээллэx xүсэл сонирxлыг бий болгоx, өсөx ирээдүйтэй, ур чадвартай тамирчдыг нээн илрүүлж Засаг даргын дэргэдэx Өсвөрийн шигшээ багт сонгон элсүүлэx, Нийслэлийн аварга шалгаруулаx шигшээ тэмцээнд оролцоx баг тамирчдыг сонгон шалгаруулах зорилгоор зохион байгуулж байна.

Тэмцээний нээлтэд Чингэлтэй дүүргийн Засаг даргын орлогч Л.Цэеэрэгзэн оролцож баг тамирчдад амжилт хүслээ. Тэмцээн 3 насны ангиллаар зохион байгуулагдаж байгаа бөгөөд 14 сургуулийн 71 багийн 852 хүүхэд оролцож байна.

Сар шинийн баярыг угтаж дүүргийн нутаг дэвсгэрийн хэмжээнд бүх нийтийн их цэвэрлэгээг зохион байгуулж байна. Улаанбаатар хотын Ерөнхий менежерийн 2024 оны А/02, А/05 дугаар тушаал, дүүргийн Засаг даргын 2024 оны А/06 дугаар захирамжийн дүүргийн нутаг дэвсгэрт үйл ажиллагаа явуулж байгаа аж ахуй нэгжүүд, айл өрх, иргэд их цэвэрлэгээнд нэгдлээ.

Цэвэрлэгээгээр дүүргийн Засаг даргын Тамгын газар 55 гаруй ажилтан албан хаагч, Засаг даргын дэргэдэх хэлтэс албадын 163 ажилтан албан хаагч, дүүргийн 1-24 дүгээр хороодын 125 гаруй ажилтан албан хаагч, хороодын 335 гаруй иргэд мөн 108 СӨХ-дын 126 гаруй ажилчин, ерөнхий боловсролын сургууль цэцэрлэгийн 132 гаруй ажилтан албан хаагч “Чингэлтэй дүүргийн тохижилт үйлчилгээ” ХХК, “Найши трейд” ХХК-ний харьяа иргэдийн бүлгийн 30 иргэн, зам талбайн нийт 120 гаруй үйлчлэгч, 56 ачигч жолооч мөн дүүргийн нутаг дэвсгэрт үйлчилгээ эрхэлж буй нийт 436 аж ахуй нэгж байгууллагуудын 705 гаруй ажилтан, зах худалдааны төвийн 75 гаруй ажилтан нар оролцож нийт 1922 гаруй хүн цэвэрлэгээний ажилд хамрагдан 335,589м2 талбайн цас мөс халтиргаа гулгааг арилган ажиллалаа.  

Цэвэрлэгээнээс гарсан хог хаягдал, цас мөсийг “Чингэлтэй дүүргийн Тохижилт үйлчилгээ” ХХК, “Найши трейд” ХХК-ын хог тээвэрлэгч 2 байгууллага 56 машинаар хог тээвэрлэлт хийж нийт 1536 гаруй тн хог хаягдал, цас, мөсийг 89 гаруй рейсээр ачиж тээвэрлэн төвлөрсөн хогийн цэгт хүргэлээ.

Их цэвэрлэгээний хүрээнд нийтийн эзэмшлийн гудамж, зам, талбай, гуу жалганд үүссэн хог хаягдлыг цэвэрлэх, гэрлийн шонг бохирдуулж наасан зарлал, наалтыг хуулах, айл өрх, аж ахуйн нэгж байгууллагуудын эзэмшил хашаа, талбай, нийтийн эзэмшлийн зам талбайд үүссэн хог хаягдлыг ачиж, тээвэрлэх, халтиргаа гулгааг арилгаж, иргэдийн ая тухтай, эрүүл, аюулгүй орчинд ажиллаж амьдрах орчин нөхцөлийг бүрдүүлэхээр ажиллаж байна.

Хөдөлмөрийн тухай хуулийн 16.1.6 дахь заалт, Хөдөлмөр нийгмийн түншлэлийн гурван талт үндэсний хорооны 2022 оны 5 дугаар тогтоолоор батлагдсан “Сум, дүүргийн хөдөлмөрийн эрхийн маргаан зохицуулах гурван талт хорооны дүрэм”-ийн 2.6 дахь хэсэгт заасны дагуу Чингэлтэй дүүрэгт Хөдөлмөрийн эрхийн маргаан зохицуулах гурван талт хороо байгуулагдсан. 

Дүүргийн Хөдөлмөрийн эрхийн маргаан зохицуулах гурван талт хороо өнөөдөр ээлжит хурлаа хуралдаж холбогдох шийдвэрийг гаргалаа.

Хөдөлмөрийн эрхийн маргаан зохицуулах гурван талт хороо нь Хөдөлмөрийн маргаанаас урьдчилан сэргийлэх, шүүхийн өмнөх шатанд эвлэрүүлэн зуучлах үүрэгтэй бөгөөд долоо хоног бүр хуваарийн дагуу хуралдаж, хүсэлт ирүүлсэн иргэдийн асуудлыг хуулийн хугацаанд хэлэлцэн шийдвэрлэж байна.

Чингэлтэй дүүргийн Жендэрийн салбар хорооны 2024 оны анхдугаар хуралдаан өнөөдөр боллоо.

Хуралдааныг Засаг даргын Тамгын газрын дарга бөгөөд Жендэрийн салбар хорооны дарга П.Баянбаатар удирдан явууллаа.

Дүүргийн Жендэрийн салбар хорооны 2024 оны анхдугаар хуралдаан 100 хувийн ирцтэйгээр хуралдаж, Жендэрийн эрх тэгш байдлыг хангах тухай хуулийн хэрэгжилтийг хангах хүрээнд 2023 хийсэн ажлын тайланг хэлэлцлээ. Мөн Салбар хорооны 2024 онд хийж хэрэгжүүлэх үйл ажиллагааны төлөвлөгөөний төслийг хэлэлцэн баталлаа.