Шинэ оны босгон дээр эрхэлсэн ажилдаа үр бүтээлтэй ажиллаж, амжилт бүтээл гаргасан дүүргийн зарим хүндэт иргэд, албан хаагчдад шагнал гардууллаа. Шагналыг дүүргийн Засаг даргын орлогч Л.Цэеэрэгзэн гардуулан өгч баяр хүргэлээ.

“Монгол Улсын Соёлын тэргүүний ажилтан” цол тэмдэгээр:

Дүүргийн 24 дүгээр хорооны ахмад настан Б.Гаамаа

Монгол улсын хүнс, хөдөө аж ахуй, хөнгөн үйлдвэрийн яамны “Үйлдвэр худалдаа үйлчилгээний тэргүүний ажилтан” цол тэмдэгээр:

16 дугаар хорооны ахмад настан Д.Бумсан

23 дугаар хорооны ахмад настан Н. Нямцоо

19 дүгээр хорооны ахмад настан А.Цэрэн-Ойдов

“Нийслэлийн Тэргүүний ажилтан цол” тэмдэгээр:

4 дүгээр хорооны Зохион байгуулагч С.Уранчимэг

Дүүргийн Иргэдийн Төлөөлөгчдийн хурлын Чандмань одонгоор:

Дүүргийн 2 дугаар хорооны Баянбулаг 21 СӨХ-ны гүйцэтгэх захирал Т.Санжаа Дүүргийн 4 дүгээр хорооны Арвай СӨХ-н гүйцэтгэх захирал Б.Төмөр нар тус тус шагнагдлаа.

Чингэлтэй дүүрэг 2023 оны Хөдөлмөрийн аваргуудаа тодруулж, өргөмжиллөө. Дүүргийн Засаг даргын 2020-2024 оны үйл ажиллагааны хөтөлбөрийн 2023 онд хэрэгжүүлэх арга хэмжээ, дүүргийн бүтээн байгуулалт, хөрөнгө оруулалтын  ажлыг бүтээх үйлсэд өөрсдийн чиг үүргээ үр дүнтэй хэрэгжүүлж, хамт олноо хошуучлан, эрхэлсэн ажилдаа идэвх зүтгэл гарган ажилласан ажилтан, албан хаагчдыг дүүргийн 2023 “Хөдөлмөрийн аварга”-аар шалгарууллаа.

Чингэлтэй дүүргийн 2023 оны “Хөдөлмөрийн аварга”-ууд:

Засаг даргын Тамгын газрын Хууль, эрх зүйн хэлтсийн дарга Г.Хурцбаяр

Засаг даргын Тамгын газрын Хяналт, шинжилгээ үнэлгээний хэлтсийн мэргэжилтэн Г.Гоомарал

Засаг даргын Тамгын газрын Аж ахуйн тасгийн үйлчилгээний ажилтан Д.Уранцэцэг

20 дугаар Засаг дарга З.Очирбат

11 дүгээр хорооны Зохион байгуулагч Б.Ариунжаргал

7 дугаар хорооны Нийгмийн ажилтан Ө.Энхчимэг

24 дүгээр хорооны Хэсгийн ахлагч С.Пүрэвдулам

Дүүргийн Цагдаагийн газрын Захиргаа удирдлагын тасгийн дарга, цагдаагийн дэд хурандаа Л.Оюу-Эрдэнэ

Дүүргийн Онцгой байдлын хэлтсийн дарга, хурандаа Б.Батбилэг

Дүүргийн Эрүүл мэндийн төвийн Хүлээн авах, эрчимт эмчилгээ, яаралтай тусламжийн их эмч Б.Энхтуяа

“Хүүхэд хөгжлийн цогцолбор” УТҮГ-ын дарга Б.Болортунгалаг

Дүүргийн Улсын бүртгэлийн хэлтсийн улсын бүртгэгч Ц.Урансайхан

Дүүргийн Худалдан авах ажиллагааны албаны дарга Т.Отгонбаяр

Дүүргийн Газар зохион байгуулалтын албаны бичиг хэргийн ажилтан О.Тэмүүлэн

24 дүгээр сургуулийн Биеийн тамирын багш Б.Батцогт

293 дугаар цэцэрлэгийн эрхлэгч Г.Дэлэгмаа

“Энэрэнгүй сэтгэл” өрхийн эрүүл мэндийн төвийн дарга У.Алтантуул

“Тохижилт үйлчилгээ” ХХК-ын зам талбайн үйлчлэгч Б.Нарантуяа нар дүүргийн 2023 оны “Хөдөлмөрийн аварга” ажилтнуудаар тодорлоо.

Чингэлтэй дүүрэг, БНСУ-ын Инчон хотын Ёнсү дүүрэг 2016 онд хоёр улсын дипломат харилцаа, хот хоорондын харилцаа хамтын ажиллагааны замаар хамтран ажиллах найрамдалт хотуудын гэрээг байгуулж байсан юм. Өнөөдөр уг гэрээг сэргээн харилцан хамтын ажиллагааг өргөжүүлэх Санамж бичигт гарын үсэг зурлаа. 

Дэлхий нийтийг хамарсан цар тахлын нөхцөл байдлаас шалтгаалан хамтын ажиллагааны бодит байдалд бэрхшээл тулгарсан юм. Харин өнөөдрийн санамж бичгээр өмнө байгуулсан хамтын ажиллагааг дахин эхлүүлэх, улам өргөжүүлэх зорилготой юм.

Санамч бичгийг Чингэлтэй дүүргийн Засаг дарга Н.Бтсүмбэрэл, Бүгд Найрамдах Солонгос Улсын Инчон хотын Ёнсү дүүргийн Засаг дарга И Жэ Ху нар албан ёсоор үзэглэлээ.

Хоёр дүүрэг 2016 оноос эхлэн найрсаг хамтын ажиллагаагаа эхлүүлсэн бөгөөд 2017 оноос эхлэн оюутан сурагч солилцооны хөтөлбөрийг амжилттай хэрэгжүүлж, хоёр улсын хүүхэд залуучууд болон зочид, төлөөлөгчид хэд хэдэн удаагийн харилцан уулзалтуудыг амжилттай зохион байгуулж байсан юм.

Санамж бичгийн хүрээнд эдийн засаг, эрүүл мэнд, соёл урлаг, өсвөр үеийнхний боловсрол болон хувийн хэвшлийн байгууллагын харилцаа зэрэг олон салбарт харилцаа, хамтын ажиллагааг нэмэгдүүлэх зэрэг олон талт ажлыг хамтран хэрэгжүүлэхээр тохиролцлоо.

Чингэлтэй дүүргийн Хөдөлмөрийн эрхийн маргаан зохицуулах гурван талт хорооноос санаачлан “Хөдөлмөрийн эрхийн маргаан зохицуулалт, өнөөгийн тогтолцоо” сэдвээр өнөөдөр сургалт зохион байгууллаа.

Сургалтад Чингэлтэй дүүргийн нутаг дэвсгэрт үйл ажиллагаа явуулдаг 20 гаруй аж ахуйн нэгж байгууллагын төлөөлөл хамрагдлаа.

Уг сургалт нь Хөдөлмөрийн тухай хуулийн хэрэгжилтийг хангах хүрээнд Хөдөлмөрийн эрхийн маргаан зохицуулах гурван талт хорооны чиг үүргийн дагуу зохион байгуулж буй цуврал сургалтуудын анхны сургалт юм.

Хөдөлмөрийн тухай хуулийн 16.1.6 дахь заалт, Хөдөлмөр нийгмийн түншлэлийн гурван талт үндэсний хорооны 2022 оны 5 дугаар тогтоолоор батлагдсан “Сум, дүүргийн хөдөлмөрийн эрхийн маргаан зохицуулах гурван талт хорооны дүрэм”-ийн 2.6 дахь хэсэгт заасны дагуу Чингэлтэй дүүрэгт Хөдөлмөрийн эрхийн маргаан зохицуулах гурван талт хороо байгуулагдсан.

Дүүргийн Хөдөлмөрийн эрхийн маргаан зохицуулах гурван талт хорооны ээлжит хурал өнөөдөр хуралдаж, гомдол гаргасан иргэдийн асуудлыг хэлэлцэн, холбогдох шийдвэрийг гаргалаа.

Хөдөлмөрийн эрхийн маргаан зохицуулах гурван талт хороо нь Хөдөлмөрийн маргаанаас урьдчилан сэргийлэх, шүүхийн өмнөх шатанд эвлэрүүлэн зуучлах үүрэгтэй бөгөөд долоо хоног бүр хуваарийн дагуу хуралдаж, хүсэлт ирүүлсэн иргэдийн асуудлыг хуулийн хугацаанд хэлэлцэн шийдвэрлэж байгаа юм.

Шинээр ашиглалтад орсон цэцэрлэгт шаардлагатай тоглоом, сургалтын хэрэглэгдэхүүн зэрэг хэрэгцээг хангах үүднээс нийслэлийн Иргэдийн Төлөөлөгчдийн хурлын төлөөлөгч, Чингэлтэй дүүргийн Засаг дарга Н.Батсүмбэрэл санаачлага гарган нийслэлийн хөрөнгөөс шийдвэрлэснийг 327-р цэцэрлэгийн хамт олонд гардуулан өглөө.

Нийт 20 сая төгрөгийн өртөг бүхий хүүхдүүдэд зориулсан сэтгэхүй хөгжүүлэх тоглоом, аюулгүй орчныг бүрдүүлэх шатны зөөлөвч, дрож зэргийг тус цэцэрлэгийн эрхлэгч Ц.Хулангоод гардуулан өглөө.

327-р цэцэрлэгт одоогоор 186 хүүхэд сургуулийн өмнөх боловсрол эзэмшиж байна. Тус цэцэрлэг нь Монгол хүүхдийн оюуны хөгжлийн онцлогт тохируулан боловсруулсан STEAM сургалтын технологийг нэвтрүүлэн ажиллаж байна.STEAM хөтөлбөр нь сургуулийн өмнөх насны хүүхдүүдэд ур чадвар, ойлголтыг тоглоом, хэлэлцүүлгээр дамжуулан судалж, дараа нь эдгээр чадварыг илүү олон тоглоомоор дамжуулан хүүхдүүдэд мэдлэг олгох, ирээдүйд суралцах бат бөх суурийг бий болгох чухал ач холбогдолтой хөтөлбөр юм.

Улаанбаатар хотын Ерөнхий менежерийн баталсан удирдамжийн дагуу “Цасаа цэвэрлэе” аян маргааш зохион байгуулагдах гэж байна.

Нийтийн эзэмшлийн гудамж, зам, талбайн халтиргаа гулгааг арилгах, хог хаягдлыг цэвэрлэх, айл өрх, аж ахуй нэгж байгууллагын эзэмшил, хашаа, талбайд хуримтлагдсан цас, хог хаягдлыг ачиж тээвэрлэх зэрэг зорилготой аян зохион байгуулагдах гэж байна.

Цасны их цэвэрлэгээ “90 минут” арга хэмжээ маргааш буюу 12 дугаар сарын 22-ны 11:00-12:30 цагийн хооронд зохион байгуулагдана.

Байгууллага аж ахуй нэгжүүд гадна орчныхоо 50метр хүртэлх зам талбайн цас мөсийг цэвэрлэж халтиргаа гулгааг арилгах, нийтийн эзэмшлийн гудамж зам талбайн цас, мөсийг цэвэрлэх зорилготой.

Тиймээс иргэд аж ахуй нэгжүүд гадна орчны 50 метр зам талбайн цас, мөсөө цэвэрлэхийг уриалж байна.

Чингэлтэй дүүргийн хэлтэс албад, харьяа газрын материаллаг баазыг бэхжүүлэх, сайжруулах зорилгоор Засаг дарга Н.Батсүмбэрэл дүүргийн Газар зохион байгуулалтын албанд тоног төхөөрөмжийн шинэчлэл хийж өнөөдөр гардуулан өглөө.

Дүүргийн төсвийн хөрөнгөөр тус хэлтэст иж бүрэн суурин компьютер, зөөврийн компьютер, хэвлэгч машин зэрэг тоног төхөөрөмжийг албаны дарга Х.Хишигбадрах болон албан хаагчдад хүлээлгэн өглөө.

Газар зохион байгуулалтын алба нь дүүргийн нутаг дэвсгэрийн хэмжээнд газрын харилцааны талаарх бодлого, хууль тогтоомжийн хэрэгжилтийг хангаж, газрын бүртгэлийн мэдээллийг сайжруулах, газар ашиглалтын үр өгөөжийг дээшлүүлэх, үйлчилгээний чанар хүртээмжийг нэмэгдүүлэх, иргэдэд төрийн үйлчилгээг түргэн шуурхай чирэгдэлгүй хүргэж ажиллах үүрэгтэй ажилладаг юм.

Чингэлтэй дүүргийн Засаг дарга Н.Батсүмбэрэл дүүргийн газрын албаны ажилтан, албан хаагчидтай уулзаж, үүрэг чиглэл өглөө.

Дүүргийн газрын алба 2023 онд 5 бүлэг ажил төлөвлөн амжилттай хэрэгжүүлж дуусч байна. Газар зохион байгуулалтын чиглэлээр нийт 3629 өргөдөл ленд менежер системээр бүртгэгдсэнээс дүүргийн Засаг даргын захирамжаар 2680 иргэний өргөдлийг шийдвэрлэж, 265 иргэнд боломжгүй хариу хүргүүлж нийт 2945 өргөдөл шийдвэрлэжээ.  Газрын зөрчил арилгах арга хэмжээний хүрээнд 5 байршилд 29 тоосгон гарааш, 12 байршилд 852 метр хашаа, хайсыг нийслэлийн болон дүүргийн Засаг даргын захирамжаар буулган газар чөлөөлсөн байна.

Мөн дүүргийн Газрын албан нь иргэдийн эрүүл аюулгүй орчинд амьдрах нөхцөлийг бүрдүүлэх, байгалийн гамшгаас урьдчилан сэргийлэх, зуслангийн бүсийн орц гарцыг нэмэгдүүлж, “Шадивлан” амны байршлыг төлөвлөлтийнг дагуу жишиг ам болгох зорилт тавин ажиллаж байна. Төлөвлөлтөд 619 нэгж талбар өртсөн, үүнээс 257 нэгж талбарын хашааг буулган, эргүүлэн барих ажлыг хийж гүйцэтгэжээ. Нийт зөрчилтэй 37 талбарт ажилласнаас эргэлтийн цэг тэмдэгтээс хэтрүүлэн хашаа барьсан 12 талбарын хашааг татуулж, шадивлан амны төлөвлөлтөд өртсөн 23 нэгж талбарыг дүүргийн Засаг даргын Захирамжаар кадастрын зурагт өөрчлөлт оруулан ажиллажээ.

Газар зохион байгуулалтын алба нь дүүргийн нутаг дэвсгэрийн хэмжээнд газрын харилцааны талаарх бодлого, хууль тогтоомжийн хэрэгжилтийг хангаж, газрын бүртгэлийн мэдээллийг сайжруулах, газар ашиглалтын үр өгөөжийг дээшлүүлэх, үйлчилгээний чанар хүртээмжийг нэмэгдүүлэх, иргэдэд төрийн үйлчилгээг түргэн шуурхай чирэгдэлгүй хүргэж ажиллах үүрэгтэй. Засаг дарга Н.Батсүмбэрэл нийт газрын албаны ажилтан, албан хаагчдад иргэдэд чирэгдэлгүй үйлчлэх, газартай холбоотой мэдээ мэдээллийг иргэдэд ойлгомжтой хүртээмжтэй хүргэх, иргэдээс ирсэн өргөдөл, гомдлыг цаг алдалгүй шуурхай шийдвэрлэж ажиллахыг үүрэг болголоо.  

Чингэлтэй дүүргийн Засаг дарга Н.Батсүмбэрэл дүүргийн боловсролын байгууллагын шилдгүүдийг тодруулан өнөөдөр шагналыг гардуулан өглөө. Эцэг эхчүүдтэй уялдаа холбоотой ажиллаж, сурагч, хүүхдүүдийн сурах таатай орчин нөхцлийг бүрдүүлэн ажиллаж байгаа боловсролын салбарт манлайлан шилдгээр шалгарсан нийт сургууль, цэцэрлэгийн хамт олонд баяр хүргэж, амжилт хүслээ.

Гэр бүлийг дэмжигч сургууль 140-р сургууль

Гэр бүлийг дэмжигч цэцэрлэг 275-р цэцэрлэг

Эрүүл мэндийг дэмжигч сургууль 149-р сургууль

Эрүүл мэндийг дэмжигч цэцэрлэг 83-р цэцэрлэг

Эцэх эхийн оролцоог дэмжигч сургууль 24-р сургууль

Эцэг эхийн оролцоог дэмжигч цэцэрлэг 9-р цэцэрлэг

Боловсролд тэгш хамрагдалтыг дэмжигч сургууль 37-р сургууль

Боловсролд тэгш хамрагдалтыг дэмжигч цэцэрлэг 4-р цэцэрлэг

Багшийн хөгжлийг дэмжигч сургууль 139-р сургууль

Багшийн хөгжлийг дэмжигч цэцэрлэг 33-р цэцэрлэг

Шилдэг менежменттэй сургууль 23, 139-р сургууль

Шилдэг менежменттэй цэцэрлэг 293, 43-р цэцэрлэгүүд тус тус шалгарлаа.

Чингэлтэй дүүргийн хэлтэс албад, харьяа газрын материаллаг баазыг бэхжүүлэх, сайжруулах зорилгоор Засаг дарга Н.Батсүмбэрэл дүүргийн Боловсролын хэлтэст т тоног төхөөрөмжийн шинэчлэл хийж өнөөдөр гардуулан өглөө.

Дүүргийн төсвийн хөрөнгөөр тус хэлтэст иж бүрэн компьютер, зөөврийн компьютер, хэвлэгч машин зэрэг тоног төхөөрөмжийг хэлстийн дарга А.Очирт хүлээлгэн өглөө.

Компьютер, тоног төхөөрөмжийг шинэчлэн шийдэж өгсөнд тус хэлтсийн албан хаагчид талархаж байгаагаа илэрхийлсэн юм.

Чингэлтэй дүүргийн Засаг дарга Н.Батсүмбэрэл өнөөдөр дүүргийн ерөнхий боловсролын сургуулийн удирдлагуудтай уулзаж, үүрэг чиглэл өглөө.

Сургуулиудын өнөөгийн нөхцөл байдал, цахимаар хичээллэж буйтай холбоотой сурагчдын хамрагдалт, хөрөнгө оруулалтын ажлууд, багшийн ёс зүйн асуудлаар цаг үеийн мэдээлэл өглөө.

Ерөнхий боловсролын сургуулиуд орчин нөхцлөө сайжруулах, нөөц боломждоо тулгуурлан урсгал зардлаар засвар үйлчилгээний ажлаа хийх, бүтээн байгуулалт, хөрөнгө оруулалтын ажилдаа анхаарч ажиллахыг үүрэг болголоо.  

Сурагчид цахимаар хичээллэж буйтай холбогдуулан хүүхдүүдэд галын аюулгүй байдлын талаар сэрэмжлүүлэх, эцэг эхчүүдэд хүүхэддээ тавих хараа хяналтыг сайжруулах тал дээр зөвлөмж мэдээлэл хүргэх, гал галлагаа болон, залгуур удаан хугацаанд залгаатай орхих, гацуур модны гэрлээс улбаатай галын ослоос урьдчилан сэргийлэх, энэ төрлийн мэдээллээр хангаж, анхааруулж ажиллахыг сургуулийн удирдлагуудад үүрэг болголоо.