Чингэлтэй дүүргийн Засаг даргын Тамгын газар, Монголын Холимог тулааны холбоотой хамтран ажиллах санамж бичигт өнөөдөр гарын үсэг зурлаа.

Чингэлтэй дүүргийн Засаг дарга Н.Батсүмбэрэл, Монголын Холимог Тулааны холбооны Ерөнхий нарийн бичгийн дарга Г.Дашдаваа нар өнөөдөр хамтран ажиллах санамж бичигт гарын үсэг зурлаа. 

Энэхүү санамж бичгийн хүрээнд дүүргийн хүүхэд залууст Холимог тулааны спортыг сурталчлах таниулах, хөгжүүлэх, цаашид шаардлагатай дэмжлэг туслалцааг үзүүлэх, хамтын ажиллагааг бэхжүүлэх юм.

Чингэлтэй дүүргийн Засаг даргын 2020-2024 оны үйл ажиллагааны хөтөлбөр, дүүргийн Иргэдийн Төлөөлөгчдийн хурлын Тэргүүлэгчдийн 2021 оны “Ногоон дүүрэг 2024” арга хэмжээ батлах тухай 30 дугаар тогтоолын хэрэгжилтийг хангах ажлын хүрээнд дүүргийн иргэдийн амьдрах орчны чанар, нөхцөлийг дээшлүүлж ногоон байгууламжийг нэмэгдүүлэх, орчны тохижилтыг сайжруулах, агаарын бохирдлыг бууруулах зорилгоор өнөөдөр дүүргийн Засаг даргын Тамгын газар, нийслэлийн Засаг даргын Тамгын газар “Тэрбум од үндэсний хөдөлгөөнийг дэмжих сан” хамтран ажиллах санамж бичигт гарын үсэг зурлаа.

Санамж бичиг зурах ёслолд дүүргийн Засаг дарга Н.Батсүмбэрэл, Тамгын газрын дарга Ж.Лхагвасүрэн, Төрийн захиргааны удирдлагын хэлтсийн дарга Б.Нацагдорж, “Тэрбум мод” үндэсний хөдөлгөөнийг дэмжих сангийн удирдах зөвлөлийн дарга З.Шагдарсүрэн, гүйцэтгэх захирал Б.Баярмаа, сангийн зохицуулагч Г.Тэлмэн, Хяналт үнэлгээний мэргэжилтэн Ц.Батзаяа нар оролцлоо.

“Хүүхдийг зодож шийтгэхийн эсрэг өдөр” болгон тэмдэглэн өнгөрүүлэх ажлын хүрээнд Чингэлтэй дүүргийн Ерөнхий боловсролын сурууль болон Сургуулийн өмнөх боловсролд хамрагддаг хүүхэд багачуудын дунд “ДҮҮДЭЭ ХЭРХЭН САЙНААР ҮЛГЭРЛЭХ ВЭ?” Эссэ бичлэгийн уралдаан, “ХАМГИЙН ГОЁ ГЭРИЙН ДҮРЭМТЭЙ АЙЛ” уралдаанууд зарлагдсан байна. Та бүхнийг идэвхтэй оролцохыг уриалж байна.

Дэлхий нийтээр жил бүрийн 4 дүгээр сарын 30-ны өдрийг “Хүүхдийг зодож, шийтгэхийн эсрэг өдөр” болгон тэмдэглэж ирсэн ба нийслэлийн Чингэлтэй дүүргээс энэ өдрийг угтан хүүхдийг бие махбодын хүчирхийлэлд өртөхөөс урьдчилан сэргийлэх, ямар нэгэн шийтгэлгүй, эерэг орчинд өсгөн хүмүүжүүлэхийг уриалсан нөлөөллийн ажлуудыг уламжлал болгон зохион байгуулж ирсэн.

“Хүүхдийг зодож шийтгэхийн эсрэг Дэлхийн өдөр”-ийг угтан “ШИЙТГЭЛ БОЛ ШИЙДЭЛ БИШ” аяныг уламжлал болгон зохион байгуулж, хүүхдийн дуу хоолойг сонсох, хүүхдийн эсрэг хүчирхийллийг таслан зогсоох, хүүхэд хүмүүжлийн эерэг аргын талаар гэр бүл, олон нийтийн зөв хандлагыг бий болгох чиглэлээр олон талт үйл ажиллагааг үе шаттайгаар зохион байгуулан ажиллаж байгаа юм.

Өртөөчилсөн сургалтад  Чингэлтэй дүүргийн төрийн болон хувийн байгууллагын албан хаагчдад мөн 1-24 хороодын иргэдэд “Өдөр тутам хэрэглэгдэх хүмүүжлийн эерэг аргууд” болон “Хүүхдийн эсрэг хүчирхийллийг таслан зогсоох чиглэлээр төрөөс авч хэрэгжүүлж буй бодлого шийдвэрийг танилцуулан ажиллаж байна. Тус сургалт хувиарын дагуу 4-р сарын 29-ны өдрийг хүртэл үргэлжлэх юм.

Монгол Улсад генерал цол бий болсны түүхт 80 жилийн хүрээнд Батлан хамгаалахын Ерөнхий хянан шалгагч бригадын генерал Ж. Болдбаатар нийслэлийн Ерөнхий боловсролын 24 дүгээр сургуулийн ахлах ангийн сурагчидтай “Эх оронч үзэл” сэдвээр уулзалт, яриа өрнүүллээ.

Арга хэмжээнд Батлан хамгаалахын Ерөнхий хянан шалгагч бригадын генерал Ж. Болдбаатар, Чингэлтэй дүүргийн Засаг даргын Тамгын газрын дарга Ж.Лхагвасүрэн, нийслэлийн ЗДТГ-ын Цэргийн штабын дарга хурандаа Г.Ялалт, Чингэлтэй дүүргийн ЗДТГ-ын Цэргийн штабын дарга хурандаа Б.Энхболд, Баянгол дүүргийн ЗДТГ-ын Цэргийн штабын дарга хурандаа Л.Цэрэгбаяр, Сонгинохайрхан дүүргийн ЗДТГ-ын Цэргийн штабын дарга дэд хурандаа Б.Нямгэрэл, Хан-Уул дүүргийн ЗДТГ-ын Цэргийн штабын дарга дэд хурандаа Д.Баасанхүү, нийслэлийн Ерөнхий боловсролын 24 дүгээр сургуулийн захирал Т.Нарантуяа нарын хүндэт зочид оролцлоо.

Арга хэмжээг нээж Чингэлтэй дүүргийн Засаг даргын Тамгын газрын дарга Ж.Лхагвасүрэн “Монгол Улсад генерал цол бий болсны 80 жилийн ойг эрхэм бригадын генерал Ж.Болдбаатар танд дэвшүүлж байна. Чингэлтэй дүүргийн хүүхэд залуучуудад эх оронч үзлийг төлөвшүүлэх арга хэмжээг явуулж байгаа танд дүүргийн нийт иргэдийнхээ өмнөөс талархал дэвшүүлж байна.” гэлээ.

Чингэлтэй дүүргийн удирдах ажилтны ээлжит шуурхай хуралдаан өнөөдөр боллоо.  Хуралдааныг Чингэлтэй дүүргийн Засаг даргын Тамгын газрын дарга Ж.Лхагвасүрэн удирдан явууллаа.

Өнгөрсөн зөвлөгөөнөөр өгсөн үүрэг даалгаврын биелэлтийн талаар дүүргийн Хяналт, шинжилгээ үнэлгээний хэлтсийн дарга Н.Наранзул мэдээлэл өглөө.

Мөн дүүргийн Дотоод аудитын хэлтэс, Татварын алба, Статистикийн хэлтсээс мэдээлэл хийлээ.

Дүүргийн Засаг даргын Тамгын газрын дарга Ж.Лхагвасүрэн удирдах ажилтнуудад үүрэг даалгавар өглөө.

-Нийслэлийн Засаг даргын Захирамжаар хийгдэж буй “Хаврын их цэвэрлэгээ” аяны хүрээнд тус бүр хариуцсан зам талбайд цэвэрлэгээ үйлчилгээ хийх, аж ахуй нэгж байгууллагын орчны цэвэрлэгээнд анхаарах, хяналт тавих
-Иргэдийг эрүүл мэндийн эрт илрүүлэгт хамруулах ажлыг зохион байгуулах, үйлчилгээг сайжруулах
-Дэргэдэх хэлтэс, албадууда цаг үеийн холбогдолтой зохион байгуулагдаж буй ажил, арга хэмжээг зохион байгуулахад анхаарах
-Дүүргийн 1-24 дүгээр хороодод ахмадын эрүүл мэндийн үзлэг хийгдэж байгаа ажилд анхаарах
-Орон нутгийн хөгжлийн сангаас хэрэгжүүлэх төсөл арга хэмжээнд иргэдийн санал өгөх нөхцөлийг бүрдүүлэх, сурталчлах
-Албан хэрэг хөтлөлт, өргөдөл гомдлын шийдвэрлэлтэд анхаарч ажиллахыг үүрэг болголоо.

Чингэлтэй дүүргийн Засаг даргын Тамгын газар, Зэвсэгт хүчний 120 дугаар ангитай хамтын ажиллагаа, "Иргэн-цэргийн харилцааг бэхжүүлэх" ажлын хүрээнд "Байна уу Ээжээ" хөдөлгөөнт цахим булантай болгох санаачлагыг гарган өнөөдөр зөөврийн комьютер, хөдөлгөөнт суурин утас зэрэг шаардагдах зүйлсийг гардуулах арга хэмжээ Зэвсэгт хүчний 120 дугаар ангид боллоо.

Уг арга хэмжээнд Чингэлтэй дүүргийн Засаг даргын Тамгын газрын дарга Ж.Лхагвасүрэн, Зэвсэгт хүчний 120 дугаар ангийн захирагч хурандаа Б.Даваа-Очир, Чингэлтэй дүүргийн Засаг даргын Тамгын газрын Цэргийн штабын дарга хурандаа Б.Энхболд болон Цэргийн штабын офицерууд, Чингэлтэй дүүргээс Зэвсэгт хүчний 120 дугаар ангид татагдан алба хааж буй дайчид оролцлоо.

Засаг даргын Тамгын газрын дарга Ж.Лхагвасүрэн "Чингэлтэй дүүргээс татагдан ирж энэхүү ангид алба хааж буй та бүхнээрээ бахархаж байна. Саяхан байлдааны буудлагаа амжилттай хийсэн гэдгийг ангийн захирагчаас сонсоод залуу насаа бодон сууж байлаа. Чингэлтэй дүүргийн Засаг даргын Тамгын газар "Иргэн-цэргийн харилцааг бэхжүүлэх" ажилд идэвхитэй оролцдог ба энэхүү үйл ажиллагааг илүү үр дүнтэй болгоход Зэвсэгт хүчний 120 дугаар ангитайгаа үргэлж хамтран ажиллаж, тусалж дэмжихэд бэлэн гэдгээ илэрхийлмээр байна.

Та бүхэн минь хугацаат албаа нэр төртэй хаагаад ирээрэй Амжилт хүсье." гэлээ.

Чингэлтэй дүүргийн Ахмадын хорооноос дүүргийнхээ ахмад настнуудтай уулзах уулзалтыг хуваарийн дагуу эхлүүлж, өнөөдрийн байдлаар 2, 3, 4, 5, 6, 8 дугаар хорооны ахмад настнуудтай уулзаад байна.

Уулзалтад дүүргийн Ахмадын хорооны дарга П. Төвсанаа, Нийгмийн хөгжлийн хэлтсийн дарга Л.Баярмаа нар оролцож, ахмад настны хөгжил хамгааллыг сайжруулах чиглэлээр төрөөс авч хэрэгжүүлж буй бодлого шийдвэр, дүүргийн хэмжээнд хийж хэрэгжүүлсэн ажлуудыг танилцуулсан ба уулзалтад дээрх хороодын 580 гаруй ахмад настан оролцож, санал хүсэлтээ илэрхийллээ. Уулзалт хуваарийн дагуу хороо бүрд хийгдэх бөгөөд 4 дүгээр сарын 22-ны өдрийг хүртэл үргэлжлэх юм.

Монгол Улсын Ерөнxийлөгчийн ивээл дор зохион байгуулагдаж буй     “МӨРӨӨДЛИЙН ГООЛ-2024” өсвөр үеийн дүүргийн аварга шалгаруулах тэмцээн 2024 оны 04 дүгээр сарын 13, 14-ний өдрүүдэд Чингэлтэй дүүргийн 24 дүгээр сургуулийн хөлбөмбөгийн талбайд 2 өдрийн турш амжилттай зоxион байгуулагдлаа.

Тэмцээнд нийт 6 сургуулийн баг тамирчид оролцож, өрсөлдсөнөөс:

Багийн нийлбэр дүнгээр:

Тэргүүн байранд: П.Өлзийхишиг захиралтай 72 дугаар сургууль

Дэд байранд: Т.Нарантуяа  захиралтай 24 дүгээр сургууль

Гутгаар байранд: Ш.Оюунсүрэн захиралтай 23 дугаар сургуулийн баг тамирчид тус тус шалгарлаа.

Сургуулийн өмнөх боловсролын байгууллагын багш, албан хаагчдын дундах “Спорт наадам-2024” тэмцээн 2024 оны 04 дүгээр сарын 12-14-ний өдрүүдэд зохион байгуулагдсан бөгөөд нийт 36 байгууллагын давхардсан тоогоор 500 гаруй багш ажилтан, албан хаагчид оролцож, өрсөлдсөнөөс:

БАГИЙН ДҮНГЭЭР: Тэргүүн байр: Б.Дэлгэрэх эрхлэгчтэй 292 дугаар цэцэрлэг

Дэд байр: Б.Алтантуяа эрхлэгтэй 275 дугаар цэцэрлэг

Гутгаар байр: Т.Лхамноржим эрхлэгчтэй 291 дүгээр цэцэрлэг тус тус шалгарлаа. Баг тамирчдадаа халуун баяр хүргэе.