Хөдөлмөр нийгмийн хамгааллын яам, Азийн хөгжлийн банк, Монголын улаан загалмайн нийгэмлэг хамтран “Цар тахлын үед хариу арга хэмжээ авах нийгмийн хамгааллын төсөл 2”-ын хүрээнд хэрэгжүүлж буй “Төгсөлтийн аргачлалтын туршилтын хөтөлбөр”-ийн ажлын хэсгийн уулзалт өнөөдөр боллоо.

Өнөөдрийн уулзалтаар Чингэлтэй дүүрэгт хэрэгжиж байгаа бөгөөд хуралдаанаар хөтөлбөрийн хэрэгжилтийн явц, ажлын төлөвлөгөөг гарган, илүү үр дүнтэй хамтран ажиллах, талуудын хөтөлбөрт дэмжлэг үзүүлэх, хамтран ажиллах талаар санал солилцлоо.

Уулзалтад дүүргийн туршилтын хөтөлбөрийн ажлын хэсэг болон хөтөлбөрийг хэрэгжүүлэгч байгууллагуудын төлөөлөл оролцлоо.

Чингэлтэй дүүргийн Засаг даргын Тамгын газраас дүүргийн ахмадуудын дунд софт волейболын аварга шалгаруулах тэмцээнийг зохион байгуулж байна. Дүүргийн Биеийн тамир спорт хороонд зохион байгуулагдаж байгаа тус тэмцээний нээлтэд дүүргийн Засаг даргын Тамгын газрын дарга Ж.Лхагвасүрэн, Ахмадын хорооны дарга П.Төвсанаа, Нийгмийн хөгжлийн хэлтсийн дарга Л.Баярмаа нар оролцлоо.

Өнөөдрийн тэмцээнд дүүргийн 21 хорооны 140 гаруй ахмадууд оролцож байна.

Нийслэлийн Онцгой байдлын газар, Чингэлтэй дүүргийн Засаг даргын Тамгын газар, “Цэгц аравт” уран бүтээлийн нэгдэл хамтран “Гүмүда” яруу найргийн үдэшлэг арга хэмжээг өнөөдөр зохион байгууллаа.

Яруу найргийн энэхүү арга хэмжээнд Чингэлтэй дүүргийн Засаг даргын Тамгын газрын дарга Ж.Лхагвасүрэн болонх хороодын Засаг дарга нар оролцлоо.

Уг арга хэмжээнд Монгол Улсын Хөдөлмөрийн баатар, Ардын уран зохиолч, Т.Галсан урилгаар хүрэлцэн ирлээ.

Мөн Болор цомын эзэн, яруу найрагч Ш.Лхамноржмаа, Болор цомын эзэн, “Цэгц аравт” уран бүтээлийн нэгдийн гишүүн, яруу найрагч Д.Болдхуяг зэрэг олон авьяаслаг уран бүтээлчид оролцож байна.

“Гүмүда” яруу найргийн үдэшд Монгол Улсын Консерватори их сургууль, Хилийн цэргийн дуу бүжгийн чуулга, “Хангарди” хамтлагийн уран бүтээлчид мөн уран бүтээлээ толилууллаа.

Нийслэлийн Засаг дарга бөгөөд Улаанбаатар хотын Захирагчийн ажлын албанаас зохион байгуулж буй “Шилжин явах цом”-ын төлөөх спортын 5 төрөлт тэмцээнд Чингэлтэй дүүргийн Засаг даргын Тамгын газрын баг тамирчид оролцож байна.

Тэмцээний нээлтэд дүүргийн Засаг даргын Тамгын газрын дарга Ж.Лхагвасүрэн оролцлоо.

Чингэлтэй дүүргийн Хүүхэд хөгжлийн цогцолбор “World share” олон улсын төрийн бус байгууллагатай хамтран “Хүүхэд дэмжих төсөл”-ийг 2023 оны 05 дугаар сараас эхлүүлсэн билээ.

Энэхүү төсөл нь богино хугацаанд буюу 1 жилийн хугацаанд хэрэгжих бөгөөд Чингэлтэй дүүргийн ерөнхий боловсролын 37,49,139, 140, Налайх дүүргийн Эрдмийн оргил, 109 дүгээр сургуулийн 3-5 дугаар ангийн нийт 210 хүүхэд хамрагдаж байна.

Уг төслийн хүрээнд хүүхэд багачуудаа номтой нөхөрлүүлэхээс гадна хэл ярианы хөгжилд анхаарч шүлэг яруу найрагт дуртай болгох зорилгоор шүлэг цээжлүүлж уран уншлага хийлээ.

“Өнчин цагаан ботго” номыг уншуулж, уншсан номын тэмдэглэлийг уран зургаар илэрхийлэх нөхцөл боломжийг хангаж өгсөн. Хүүхдүүдээ төсөөллийн найз Политой дижиталаар уулзуулахаас гадна монгол гэр барьж нэг өдрийг үр бүтээлтэй, хөгжилдөж өнгөрүүлсэн юм.

Монгол Улсын Ерөнхийлөгчийн “Нийтийн хөлбөмбөг” хөтөлбөрийн илгээлтийг Чингэлтэй дүүрэг 2024 оны 03 сарын 21-ний  өдөр хүлээн авлаа.

Илгээлтийг Монгол улсын Ерөнхийлөгчийн зөвлөх, Монголын хөлбөмбөгийн холбооны Ерөнхийлөгч М.Болд, тус холбооны Ерөнхий нарийн бичгийн дарга Т.Дагвадорж нар Чингэлтэй дүүргийн Иргэдийн төлөөлөгчдийн хурлын дарга Б.Мөнхбат, Засаг дарга Н.Батсүмбэрэл, Засаг даргын Тамгын газрын дарга Ж.Лхагвасүрэн болон дүүргийн Биеийн тамир, спортын хорооны дарга Б.Мөнхбаяр, дүүргийн Боловсролын хэлтсийн дарга А.Очир, дүүргийн Хөлбөмбөгийн Холбооны нарийн бичгийн дарга Л.Энхбаатар нарт гардуулан өглөө.

Монгол Улсын Ерөнхийлөгчийн зөвлөх, Монголын Хөлбөмбөгийн холбооны Ерөнхийлөгч М.Болд Чингэлтэй дүүрэг Хөлбөмбөгийн стандарт талбай байгуулсан цөөн аймаг, дүүргийн нэг бөгөөд “Нийтийн биеийн тамир”, “Нийтийн хөлбөмбөг” хөтөлбөрийг дүүрэгтээ амжилттай хэрэгжүүлж байгаа явдалд талархлаа илэрхийллээ.

Энэ үеэр Засаг дарга Н.Батсүмбэрэл Чингэлтэй дүүрэгт байгуулагдсан “Хайрхан” хөгжлийн төвийн хөлбөмбөгийн талбайг зөвхөн дулааны улиралд ашиглаж байгаа бол цаашдаа хөлбөмбөгийн холбоотой хамтран Төв аймагт байгуулсан дөрвөн улирлын турш ашиглаж болохуйц хөлбөмбөгийн талбай бий болсонтой адил битүү болгохын төлөө судалгааны ажил хийж байгаа, мөн хууль бусаар олгогдсон талбайг чөлөөлж, Чингэлтэй дүүргийн иргэдэд чөлөөт цагаа зөв боловсон өнгөрүүлэх талбай, спортын барилга байгууламжуудыг барихаар төлөвлөн, ажиллаж байгаагаа хэллээ.

Чингэлтэй дүүргийн ерөнхий боловсролын сургуулиудын дунд “Мөрөөдлийн гоол” ирэх 4 дүгээр сард хийхээр төлөвлөөд байгаа бөгөөд сургуулийн багш нарт зориулсан МХБХ-ны “D” ангиллын сургалтыг 2024 ондоо багтаан авч, Монгол Улсын Ерөнхийлөгчийн илгээлтийг хэрэгжүүлнэ.

Чингэлтэй дүүргийн удирдах ажилтны ээлжит шуурхай хуралдаан өнөөдөр боллоо. Шуурхай хуралдааныг Чингэлтэй дүүргийн Засаг даргын Тамгын газрын дарга Ж.Лхагвасүрэн удирдан явууллаа.

Өнөөдрийн хуралдаанд дүүргийн Жижиг дунд үйлдвэрлэлийг дэмжих төвийн дарга Ч.Болормаа, Нийтлэг үйлчилгээний газрын дарга С.Энхтайван, Хөрөнгө оруулалт, бүтээн байгуулалтыг дэмжих төвийн дарга Ц.Содхүү нар мэдээлэл хийлээ.

Дүүргийн Засаг даргын Тамгын газрын дарга Ж.Лхагвасүрэн удирдах ажилтнуудад үүрэг даалгавар өглөө. Цаг агаар дулаарч буйтай холбоотой халиа тошин үүсэх, нэмэгдэх, шар усны үер болох эрсдэлтэй учраас дүүргийн гамшгаас хамгаалах алба, мэргэжлийн ангийн бэлтгэл, бэлэн байдлыг хангахыг даалгалаа.

Мөн иргэдийн аюулгүй байдлыг хангах орчин нөхцлийг бүрдүүлэх, хог цэвэрлэгээ, ариутгалын ажилд анхаарах, иргэдээс ирсэн өргөдөл гомдлын шийдвэрлэлийг цаг тухай бүрт нь шийдвэрлэх, иргэдийн санал хүсэлтийг сонсож ажиллах, эрүүл мэндийн байгууллагууд эрүүл мэндийн чанар хүртээмж, тусламж үйлчилгээг сайжруулах тал дээр анхаарч ажиллахыг үүрэг болголоо.

Эрүүл мэндийн тусламж үйлчилгээний чанар хүртээмжийг сайжруулахад бодит санал, зөвлөмж гаргах чадавх бүхий судлаач, эмнэлгийн мэргэжилтнүүдийг бэлтгэх, илтгэх ур чадвар, хүний нөөцийг хөгжүүлэх зорилгоор жил бүр уламжлал болгон зохион байгуулдаг “Судлаач-2024” эрдэм шинжилгээний бага хурлын шилдгүүдийг тодрууллаа.

Эмнэл зүйн чиглэлээр:

1.“Ундрах-Ирээдүй” ӨЭМТ-ийн дарга Ж.Алтантуул;

2.“Тэгш-Өлзий” ӨЭМТ-ийн эмч Б.Золбоо;

3.Эрүүл мэндийн төвийн ДОХ, БЗДХ-ын кабинетын эмч Ц.Хишигсүрэн;

Нийгмийн эрүүл мэндийн чиглэлээр:

1.“Энэрэнгүй үйлс” ӨЭМТ-ийн дарга Б.Пүрэвжаргал;

2.Эрүүл мэндийн төвийн Нийгмийн эрүүл мэндийн албаны төсөл хөтөлбөрийн зохицуулагч Г.Эрболд;

3.“Ундрах-Ирээдүй” ӨЭМТ-ийн эмч П.Лхагва-Очир нар тус тус шалгарлаа.

Чингэлтэй дүүргийн хүн амын өвчлөлийн байдал, нийгмийн эрүүл мэндийн тулгамдаж буй асуудлууд, түүнийг шийдвэрлэх арга замыг боловсруулах, эмнэлгийн тусламж үйлчилгээний чанар хүртээмжийг сайжруулах, эмч эмнэлгийн мэргэжилтнүүдийн судалгааны ажлын ур чадварыг дээшлүүлэх зорилгоор дүүргийн Засаг даргын Тамгын газраас Эрүүл мэндийн төвтэй хамтран жил бүр уламжлал болгон зохион байгуулдаг “Судлаач-2024” эрдэм шинжилгээний бага хурлыг өнөөдөр зохион байгуулж байна.

Эрдэм шинжилгээний бага хурлын нээлтэд Засаг даргын Тамгын газрын дарга Ж.Лхагвасүрэн, Нийгмийн хөгжлийн хэлтсийн дарга Л.Баярмаа, Эрүүл мэндийн төвийн дарга Ж.Сувд нар оролцсон бөгөөд шүүгчээр АШУҮИС-ийн Эрдмийн сургуулийн Олон улсын цахим сургалтын төвийн эрхлэгч, Төгсөлтийн сургалтын эрдмийн зөвлөлийн нарийн бичгийн дарга, СAJMS (Central Asian Journal of Medical Sciences) сэтгүүлийн хариуцлагатай нарийн бичиг, Анагаах ухааны доктор, дэд профессор Ц.Сарнай, АШУҮИС-ийн Эрдмийн сургуулийн Эрүүл мэндийн судалгааны тэнхимийн эрхлэгч Анагаах ухааны доктор, дэд професор Ж.Жамбалдорж, ХӨСҮТ-ийн Эрдэм шинжилгээ судалгааны албаны дарга, Эрдмийн зөвлөлийн эрдэмтэн нарийн бичгийн дарга, Анагаах ухааны доктор Э.Оюунчимэг нар уригдан оролцож байна.

Энэ удаагийн Эрдэм шинжилгээний бага хурлаар Эмнэлзүйн чиглэлийн 11, нийгмийн эрүүл мэндийн чиглэлийн 5 илтгэлийг хэлэлцүүлж байгаа юм.

Төрийн цахим үйлчилгээний зохицуулалтын газраас дүүргийн Ерөнхий боловсролын 23 дугаар сургуулийн багш, сурагчдад “Цахим ур чадвар олгох” сургалтыг зохион байгууллаа.

Уг сургалтыг Төрийн цахим үйлчилгээний зохицуулалтын газар, Чингэлтэй дүүргийн Засаг даргын Тамгын газар, Боловсролын хэлтэс хамтран "Цахим ур чадварыг дээшлүүлэх" мэдлэг мэдээлэл олгохоор дүүргийн Ерөнхий боловсролын 15 сургуулиудын ахлах ангийн сурагчдад явуулах юм.

Сургалтын нээлтэд Төрийн цахим үйлчилгээний зохицуулалтын газрын дарга П.Батбаатар, Чингэлтэй дүүргийн Засаг даргын Тамгын газрын дарга Ж.Лхагвасүрэн нар оролцлоо.

Сургалтаар Орчин үеийн дэвшилтэт технологиуд, хувь хүний мэдээллийн аюулгүй байдал, цахим орчинд мэдээллийг баталгаат эх сурвалжаас олж авах, мэдээлэл дүн шинжилгээ хийх, цахим орчны үе тэнгийн дээрэлхэлтийн үр нөлөө, хүүхэд хамгааллын талаарх программ мэдээллийн аюулгүй байдлаа хэрхэн хамгаалах талаар мэдлэг олгож байна.

Хөдөлмөрийн тухай хуулийн 16.1.6 дахь заалт, Хөдөлмөр нийгмийн түншлэлийн гурван талт үндэсний хорооны 2022 оны 5 дугаар тогтоолоор батлагдсан “Сум, дүүргийн хөдөлмөрийн эрхийн маргаан зохицуулах гурван талт хорооны дүрэм”-ийн 2.6 дахь хэсэгт заасны дагуу Чингэлтэй дүүрэгт Хөдөлмөрийн эрхийн маргаан зохицуулах гурван талт хороо байгуулагдсан.

Дүүргийн Хөдөлмөрийн эрхийн маргаан зохицуулах гурван талт хорооны ээлжит хурал өнөөдөр хуралдаж, гомдол гаргасан иргэдийн асуудлыг хэлэлцэн, холбогдох шийдвэрийг гаргаж байна.

Хөдөлмөрийн эрхийн маргаан зохицуулах гурван талт хороо нь Хөдөлмөрийн маргаанаас урьдчилан сэргийлэх, шүүхийн өмнөх шатанд эвлэрүүлэн зуучлах үүрэгтэй бөгөөд долоо хоног бүр хуваарийн дагуу хуралдаж, хүсэлт ирүүлсэн иргэдийн асуудлыг хуулийн хугацаанд хэлэлцэн шийдвэрлэж байна.

"Чингэлтэй Тохижилт үйлчилгээний компани" дүүргийн нутаг дэвсгэрт хариуцсан хороод болон зарим гуу жалга, үерийн сувагт үүссэн хогийн цэвэрлэн ажиллаж байна.

Мөн Чингэлтэй дүүргийн Тохижилт үйлчилгээний "Найши трейд" ХХК нь хариуцсан нутаг дэвсгэрт 15 хог тээврийн машинаар айл өрх, аж ахуй нэгж байгууллагын хог хаягдлыг ачиж тээвэрлэн ажиллаж байна. Мөн 17 дугаар хорооны "Сурагчийн 42" дугаар гудамжинд үүссэн хог хаягдлыг цэвэрлэлээ. Хог хаягдлыг 16 жолооч, 28 ачигч, 15 зам талбайн үйлчлэгч, 5 түүвэр цэвэрлэгээний ажилтан, инженер технологийн ажилчид нийт 69 ажилтан ажиллаж байна.