Чингэлтэй дүүргийн Засаг даргын Тамгын газрын дарга Ж.Лхагвасүрэн дүүргийн Эрүүл мэндийн төвийн албан хаагчидтай уулзалт зохион байгууллаа.

Уулзалтын эхэнд дүүргийн Эрүүл мэндийн төвийн даргын үүргийг түр орлон гүйцэтгэгч Ж.Сувд эрүүл мэндийн салбарт хийж хэрэгжүүлж буй ажлын талаар илтгэл тавьж, дүүргийн шинээр баригдаж буй өргөтгөлийн барилга, хайлааст амбулатори, эрт илрүүлгийн барилга, нэгдсэн эмнэлэгийн барилгын ажлын явцыг танилцууллаа.

"Дүүргийн удирдлагуудын зүгээс Эрүүл мэндийн төвийн үйл ажиллагааг ямагт дэмжиж ажилласан ирсэн. Тамгын газар, эрүүл мэндийн салбарт тулгамдаж ирсэн эмнэлгийн хүртээмжийн асуудлыг шийдэхээр хэд хэдэн барилгын ажлыг эхлүүлсэн. Дүүргийн төсвийн хөрөнгө оруулалтаар шаардлагатай тоног төхөөрөмжөөр хангах, сайжруулахад анхаарч ажиллаж байна. Цаашид ч эрүүл мэндийн байгууллагын эмч, ажилтан, албан хаагчдыг дэмжиж ажиллах болно” гэдгээ Засаг даргын Тамгын газрын дарга Ж.Лхагвасүрэн хэллээ.

Уулзалтаар Эрүүл мэндийн төвийн албан хаагчдын асуултад хариулт өгч, шийдвэрлэх боломжтой саналыг авч, хэлэлцэж ажиллахаар боллоо.

Онцгой байдлын ерөнхий газрын дарга хошууч генерал Г.Ариунбуян, нийслэлийн Онцгой байдлын дарга, хурандаа А.Дашням болон холбогдох албаныхантай хамт дүүргийн 11, 23 дугаар хороодын нутаг дэвсгэрт булгийн ус газрын хөрснөөс нэвчин халиа, тошин үүссэн газар дээр ажиллалаа.

Тодруулбал, халиа дошин, шар усны үерийн өртөх байдлын үнэлгээг тооцоход Чингэлтэй дүүрэг аюулын индекс маш их гэсэн дүгнэлт гарсан юм.

Үүний дагуу дүүргийн 11, 23 дугаар хорооны халиа дошин үүссэн байршил дээр холбогдох албаны хүмүүс ажилласан юм. Дүүргийн 7 хорооны 9 байршилд халиа дошин үүссэн байдалтай байгаа. Шар усны үерт өртөх эрсдэлтэй дүүргийн 139 айл өрхүүдэд өнгөрсөн долоо хоногт мэдэгдэх хуудас хүргүүлээд байгаа юм.

Дүүргийн Засаг даргын орлогч Л.Цэеэрэгзэн дүүргийн 11, 23 дугаар хорооны жалга судгийн дагуу халиа, дошин үүссэн байршлыг танилцуулж, холбогдох арга хэмжээ авч ажиллаж буйг хэллээ.

Халиа дошин үүссэн 9 байршилд сувагчлал хийж, илүүдэл мөсөөр далан босгож, урсгалыг чөлөөлж, хөлдөлтөөс үүссэн цас, мөсийг тээвэрлэж, дайрга асгаж, зам гаргаж тэгшлэх ажлыг хийж гүйцэтгэн ажиллаж байна.

Нийслэлийн Чингэлтэй дүүргийн өсвөр үеийн аварга шалгаруулах “Ширээний теннис”-ний тэмцээн 2024 оны 03 дугаар сарын 12-ны өдөр дүүргийн “Оч” спорт зааланд зохион байгуулагдаж, 10 хүртэл, 11-12, 13-15, 16-18 хүртэлх насны ангилалд дүүргийн 5, 17, 23, 24, 39, 49, 57, "Олонлог эгзэ" сургуулиудын нийт 75 охид, хөвгүүд оролцож, аваргууд шалгарлаа.

Ангилал тус бүр 1,2,3 дугаар байр шалгаруулсан ба багийн нийлбэр дүнгээр:

Тэргүүн байр: М.Болорхишиг дасгалжуулагчтай 5 дугаар сургууль

Дэд байр: Ц.Мөнхжаргал дасгалжуулагчтай 17 дугаар сургууль

Гутгаар байр: Г.Жаргалсайхан дасгалжуулагчтай 50 дугаар сургуулийн баг тус тус шалгарсан юм.

Нийслэлийн Чингэлтэй дүүргийн Өсвөр үеийн Ширээний теннисний аварга шалгаруулах тэмцээн “Оч” ширээний теннисний клуб дээр боллоо.

Тэмцээний нээлтэд Засаг даргын Тамгын газрын дарга Ж.Лхагвасүрэн, Засаг даргын Тамгын газрын Нийгмийн хөгжлийн хэлтсийн дарга Л.Баярмаа, Биеийн тамир спортын хорооны дарга Б.Мөнхбаяр нар оролцож, тамирчдад спортын амжилт хүслээ.

Тэмцээнд Ерөнхий боловсролын 8 сургуулийн 70 гаруй тамирчин оролцож, аваргын төлөө өрсөлдөж байгаа бөгөөд тэмцээн 4 насны ангиллаар явагдаж байна.

Нийслэлийн Чингэлтэй дүүргийн өсвөр үеийн аварга шалгаруулах “Зуун буудалт даам”-ны тэмцээн 2024 оны 03 дугаар сарын 10-ны өдөр дүүргийн 39 дүгээр сургууль дээр зохион байгуулагдаж 7-8, 9-10, 11-13, 14-16 насны ангилалд дүүргийн 5, 37, 39, 49, 50, 57, 72, 149, 140 дүгээр сургуулиудын нийт 126 охид, хөвгүүд оролцож, аваргууд шалгарлаа.

Ангилал тус бүр 1,2,3 дугаар байр шалгаруулсан ба багийн нийлбэр дүнгээр:

Тэргүүн байр: Б.Дамдинбазар дасгалжуулагчтай 57 дугаар сургууль

Дэд байр: Д.Элбэг дасгалжуулагчтай 39 дүгээр сургууль

Гутгаар байр: Ж.Чимэдмаа дасгалжуулагчтай 149 дүгээр сургуулийн баг тус тус шалгарсан юм.

Гэмт хэрэг, зөрчлөөс урьдчилан сэргийлэх чиглэлээр дүүргийн Засаг даргын Тамгын газрын Хууль, эрх зүйн хэлтэс, Тээврийн цагдаагийн албаны Замын цагдаагийн газрын Чингэлтэй дүүргийн Замын цагдаагийн хэлтсийн зохицуулагч, цагдаагийн ахлах дэслэгч Ц.Гомбожав, Чингэлтэй дүүргийн Хүүхдийн асуудал хариуцсан мэргэжилтэн, цагдаагийн дэслэгч Т.Батсүх, Хуульч, багш Н.Алтангэрэл нартай хамтран “МЭДЬЕ, СОНСЪЁ, СЭРГИЙЛЬЕ” сэдэвт сургалтыг 2024 оны 02 дугаар сарын 20-ноос 2024 оны 03 дугаар 07-ны өдрийг дуустал Ерөнхий боловсролын 5,17, 24, 37, 39, 49, 50, 57, 61, 112, 117 дугаар сургууль болон Соёл урлагын Их сургуулийн харьяа урлагийн төрөлжсөн сургалттай “БАДМААРАГ” ахлах сургуулийн ахлах ангийн 2734 сурагчдад сургалт зохион байгуулав.

Нийслэлийн Чингэлтэй дүүргийн Өсвөр үеийн Самбо бөхийн аварга шалгаруулах тэмцээн 2024 оны 03 дугаар сарын 09-ний өдөр зохион байгуулагдаж, ерөнхий боловсролын 14 сургуулийн 320 тамирчин оролцож, аваргууд шалгарлаа.

Тэмцээнд багийн нийлбэр дүнгээр:

1-р байр А.Мөнх-Ундрах багштай 37-р сургууль,

2-р байр Г.Идэрбаясгалан багштай 24-р сургууль,

3-р байр Х.Болдбаатар багштай 72-р сургуулийн баг тамирчид тус тус шалгарсан юм.

Нийслэлийн Чингэлтэй дүүргийн Хөгжлийн бэрхшээлтэй иргэдийн аварга шалгаруулах тэмцээнийг нисдэг таваг, бочи, суугаа волейбол гэсэн 3 төрлөөр 2024 оны 03 дугаар сарын 10-ны өдөр зохион байгуулж, дүүргийн 6 хорооны 80 гаруй тамирчин өрсөлдөж, аваргуудыг шалгарууллаа. 

Нисдэг тавгийн төрөлд:

1-р байр Д.Нямхүү ахлагчтай 7-р хорооны баг

2-р байр Ц.Баасан ахлагчтай 9, 19-р хорооны хамтарсан баг

3-р байр П.Батсүх ахлахчтай 5, 10-р хорооны хамтарсан баг

Бочины төрөлд:

1-р байр П.Батсүх ахлагчтай 5,10-р хорооны хамтарсан баг

2-р байр Н.Эрдэнэбаяр ахлагчтай 6, 8, 12-р хорооны хамтарсан баг

3-р байр Д.Нямхүү ахлагчтай 7-р хорооны баг

Суугаа волейболын төрөлд:

1-р байр Н.Эрдэнэбаяр ахлагчтай 6, 8, 12-р хорооны хамтарсан баг

2-р байр Ц.Бадамхорлоо ахлагчтай 7-р хорооны баг

3-р байр Ц.Баасан ахлагчтай 9, 10-р хорооны хамтарсан баг тус тус шалгарлаа.

Нийслэлийн Засаг даргын 2024 оны А/226, дүүргийн Засаг даргын 2024 оны А/03 дугаар захирамжуудын хүрээнд Нийслэлийн мал аж ахуй эрхлэхийг хориглосон бүсэд хариулагагүй орж ирсэн малыг гаргах, эзэн холбогдогчийг тогтоох, хариуцлага тооцох нэгдсэн арга хэмжээг 2024 оны 03 дугаар сарын 09-ний өдрөөс 10-ний өдрүүдэд дүүргийн 1-24 дүгээр хорооны нутаг дэвсгэрт зохион байгуулан ажиллалаа.

Дээрх 2 өдрүүдэд давхардсан тоогоор дүүргийн Засаг даргын Тамгын газар 12, 1-24 дүгээр хороодын 68 хэсгийн ахлагч, нийслэлийн 10 харъяа газар, агентлагийн нийт 462, Нийслэлийн цагдаагийн газраас морьт эргүүл-4, Чингэлтэй дүүргийн Цагдаагийн газрын-26, дотоодын цэргийн 80, нийт 652 албан хаагч оролцож, дүүргийн нутаг дэвсгэрт 4 бүст хуваарилагдан, хариуцсан бүсийн нутаг дэвсгэрээс хариулаггүй малыг гаргалаа.

Чингэлтэй дүүргийн нутаг дэвсгэрийн суурьшлын бүсэд орж ирсэн хариулгагүй малыг 1 байршилд түр саатуулан хашаалж, цагдаагийн байгууллагаас малын эздийг тогтоох арга хэмжээг авснаар 706 адуу, 2 үхрийг эзэн холбогдогчид хүлээлгэн өгч, нийт 708 тооны малыг суурьшлын бүсээс гарган ажиллалаа.

Мөн цагдаагийн байгууллагаас 7 иргэнд Зөрчлийн тухай хуулийн дагуу зөрчлийн хэрэг нээн материалжуулан шалгаж байна.

Нийслэлийн Чингэлтэй дүүргийн Хөгжлийн бэрхшээлтэй иргэдийн аварга шалгаруулах спортын 3 төрөлт тэмцээн өнөөдөр болж байна.

Тэмцээний нээлтэд Засаг даргын Тамгын газрын Нийгмийн хөгжлийн хэлтсийн дарга Л.Баярмаа, Биеийн тамир спортын хорооны дарга Б.Мөнхбаяр нар оролцлоо.

Тэмцээнд дүүргийн 6 хорооны 80 гаруй тамирчин оролцож, аваргын төлөө өрсөлдөж байна. Тэмцээн Нисдэг таваг, Бочи, Софт волейболын төрлүүдээр явагдаж байгаа юм.

Нийслэлийн Чингэлтэй дүүргийн Өсвөр үеийн Зуун буудалт даамын аварга шалгаруулах тэмцээн Ерөнхий боловсролын 39 дүгээр сургууль дээр өнөөдөр болж байна.

Тэмцээний нээлтэд Засаг даргын Тамгын газрын Нийгмийн хөгжлийн хэлтсийн дарга Л.Баярмаа, Биеийн тамир спортын хорооны дарга Б.Мөнхбаяр, Боловсролын хэлтсийн дарга А.Очир нар оролцлоо.

Тэмцээнд Ерөнхий боловсролын 11 сургуулийн 160 гаруй тамирчин оролцож, аваргын төлөө өрсөлдөж байгаа бөгөөд тэмцээн 4 насны ангиллаар явагдаж байна.

Монгол цэргийн өдөр, Зэвсэгт хүчний 103 жилийн ойг тохиолдуулан Чингэлтэй дүүргийн ерөнхий боловсролын ахлах ангийн сурагчдын дунд "Би эх орны цэрэг" мюзикл дуулаачийн тэмцээн амжилттай зохион байгуулагдлаа.

Багийн дүнгээр нийслэлийн ерөнхий боловсролын 23-р сургууль тэрүүн байр эзэлж, нийслэлийн ерөнхий боловсролын 72-р сургууль дэд байр, нийслэлийн ерөнхий боловсролын 149-р сургууль гутгаар байр тус тус эзэллээ.