focus
ЧДЗДТГ
Чингэлтэй дүүргийн Ерөнхий боловсролын сургууль, сургуулийн өмнөх боловсролын байгууллагад үр бүтээлтэй ажиллаж буй багш, ажилтан, албан хаагчдыг дүүргийн Засаг даргын шагнал “Хөдөлмөрийн алдар”, “Хүндэт тэмдэг”-ээр өнөөдөр шагналаа. Шагналыг Чингэлтэй дүүргийн Засаг даргын Тамгын газрын дарга П.Баянбаатар, Боловсролын хэлтсийн дарга А.Очир нар гардуулан өгч цаашдын ажил үйлсэд нь амжилт хүсэв.
Нийтийн эзэмшлийн зам талбай, үзэгдэх орчин хаасан, автобусны буудал дээр олноор байршуулсан зөвшөөрөлгүй түргэн үйлчилгээний цэгүүдийг нүүлгэх ажлын хүрээнд Чингэлтэй дүүргийн 1 дүгээр хорооны нутаг дэвсгэрт байршуулсан зөвшөөрөлгүй түргэн үйлчилгээний цэгүүдийг албадан нүүлгэн, газар чөлөөлөлтийг хийлээ. Цаашид үе шаттайгаар зөвшөөрөлгүй түргэн үйлчилгээний цэгүүдийг нүүлгэж, газрыг чөлөөлнө.
Нийтийн эзэмшлийн зам талбай, үзэгдэх орчин хаасан, автобусны буудал дээр олноор байршуулсан зөвшөөрөлгүй түргэн үйлчилгээний цэгүүдийг нүүлгэх ажлын хүрээнд Чингэлтэй дүүргийн 1 дүгээр хорооны нутаг дэвсгэрт байршуулсан зөвшөөрөлгүй түргэн үйлчилгээний цэгүүдийг албадан нүүлгэн, газар чөлөөлөлтийг хийлээ. Цаашид үе шаттайгаар зөвшөөрөлгүй түргэн үйлчилгээний цэгүүдийг нүүлгэж, газрыг чөлөөлнө.
Дүүргийн Засаг даргын дэргэдэх “Худалдаа үйлчилгээ зохицуулах Зөвлөл”-ийн шийдвэрийн дагуу улирлын чанартай үйлчилгээ эрхэлж буй иргэн, аж ахуйн нэгж байгууллагууд “Тусгаар тогтнолын талбай”-г угааж цэвэрлэгээ хийж ажиллалаа.
Хөдөлмөрийн тухай хуулийн 16.1.6 дахь заалт, Хөдөлмөр нийгмийн түншлэлийн гурван талт үндэсний хорооны 2022 оны 5 дугаар тогтоолоор батлагдсан “Сум, дүүргийн хөдөлмөрийн эрхийн маргаан зохицуулах гурван талт хорооны дүрэм”-ийн 2.6 дахь хэсэгт заасны дагуу Чингэлтэй дүүрэгт Хөдөлмөрийн эрхийн маргаан зохицуулах гурван талт хороо байгуулагдсан.
Дүүргийн Хөдөлмөрийн эрхийн маргаан зохицуулах гурван талт хороо өнөөдөр ээлжит хурлаа хуралдуулж, гомдол гаргасан 3 иргэний асуудлыг хэлэлцэн, холбогдох шийдвэрийг гаргалаа.
Хөдөлмөрийн эрхийн маргаан зохицуулах гурван талт хороо нь Хөдөлмөрийн маргаанаас урьдчилан сэргийлэх, шүүхийн өмнөх шатанд эвлэрүүлэн зуучлах үүрэгтэй бөгөөд долоо хоног бүр хуваарийн дагуу хуралдаж, хүсэлт ирүүлсэн иргэдийн асуудлыг хуулийн хугацаанд хэлэлцэн шийдвэрлэж байна.
Чингэлтэй дүүргийн Засаг даргын Тамгын газрын Цэргийн штабаас 2021-2023 онд цэргийн албыг биеэр дүйцүүлэн хаасан алба хаагчдын цэргээс халагдах ажиллагааг өнөөдөр буюу 2023 оны 06 дугаар сарын 19-ний өдөр дүүргийн Засаг даргын Тамгын газарт зохион байгууллаа.
Уг ажиллагаанд дүүргийн Засаг даргын Тамгын газрын дарга Д.Баянбаатар, Цэргийн штабын дарга хурандаа Н.Энхбат нар оролцлоо.
Цэргийн албыг 2021-2023 онд биеэр дүйцүүлэн хаасан эдгээр алба хаагчид нь коронавируст халдвар (КОВИД-19) цар тахлын үед хүлээсэн үүргээ амжиллтай биелүүлж цэргийн албаа нэр төртэй хаалаа.
Чингэлтэй дүүргийн Засаг даргын Тамгын газрын Хэлтсийн дарга нарын шуурхай хурал өнөөдөр буюу зургаадугаар сарын 19-ны өдрийн даваа гарагт уламжлал ёсоор боллоо.
Хуралдааныг дүүргийн Засаг даргын Тамгын газрын дарга П.Баянбаатар удирдан явуулж, хэлтсийн дарга нарт ажлын үүрэг чиглэл өглөө.
Монгол Улсын Ерөнхийлөгчийн санаачилсан “Эрүүл Монгол Хүн” үндэсний хөдөлгөөн, Монгол Улсын Ерөнхийлөгчийн Тамгын Газар, ЭМЯ, БНСУ-ын “Green” эмнэлэгтэй байгуулсан “Хүүхдийн эрүүл мэндийг дэмжих төсөл”-тэй хамтран ажиллах санамж бичгийн хүрээнд тус эмнэлгийн эмч мэргэжилтнүүд Чингэлтэй дүүрэгт энэ сарын 12-16-ны өдрүүдэд ажиллалаа.
“Green” эмнэлгийн 18 эмч, сувилагч дээрх хамтын ажиллагааны хүрээнд дүүргийн 12, 21 дүгээр хорооны “Шэжид Дүг” өрхийн эрүүл мэндийн төвд ажиллаж 1400 орчим хүүхдүүдэд эрүүл мэндийн урьдчилан сэргийлэх үзлэг, шинжилгээг хийсэн юм.
Засаг дарга Н.Батсүмбэрэл “Green” эмнэлэгийн эмч, мэргэжилтнүүдэд талархал илэрхийлж цаашид хамтын ажиллагаагаа улам өргөжүүлэх саналыг хэллээ.
“Green” эмнэлгийн дарга Им Сан Хёг Чингэлтэй дүүргийн эмнэлгийн эмч, сувилагч нарыг улам гүнзгийрүүлэн мэргэшүүлэх, туршлага судлуулж ажиллах хүсэлтэй байгаагаа уулзалтын үеэр илэрхийллээ.
Чингэлтэй дүүргийн Засаг даргын Тамгын газар, төр хувийн хэвшлийн хамтын ажиллагааг сайжруулах зорилгоор дүүргийн нутаг дэвсгэрт үйл ажиллагаа явуулж байгаа худалдаа, үйлдвэрлэл, үйлчилгээний аж ахуйн нэгжүүдийн дунд спортын дөрвөн төрөлт нөхөрсөг тэмцээнийг зохион байгууллаа.
Энэхүү тэмцээн нь хамт олны чөлөөт цагийг зөв, зохистой, үр бүтээлтэй өнгөрүүлж, нийтийн биеийн тамирыг хөгжүүлэх, бие бялдрыг чийрэгжүүлэх, нийтийг хамарсан арга хэмжээнд оролцох идэвхийг өрнүүлэх зорилготой юм.
Тэмцээн нийт 24 баг бүрэлдэхүүн оролцож сагсан бөмбөг, гар бөмбөг, дартс, олс таталтын төрлөөр хурд, хүч авхаалж самбайгаа сорин өрсөлдлөө.
Сагсан бөмбөгийн төрөлд:
Гар бөмбөгийн төрөлд:
Дартсын төрөлд:
Олс Таталтын төрөлд:
Чингэлтэй дүүргийн Засаг даргын Тамгын газар, Чингэлтэй дүүргийн Залуучуудын холбооноос санаачлан “Шинэ сэргэлт Чингэлтэй” залуучуудыг дэмжих хөгжлийн хөтөлбөрийг хэрэгжүүлж ажиллалаа.
Чингэлтэй дүүргийн залуучуудыг хөгжүүлэх, идэвхжүүлэх харилцан суралцах, өөрсдөө бүтээн байгуулах боломж олгох, нийслэл, дүүргийн бодлого шийдвэрт залуучуудын санаа бодлыг тусгах, оролцоог нэмэгдүүлэх зорилгоор дүүргийн 16-40 орчим насны залуучуудыг хамруулсан тус хөтөлбөр амжилттай өндөрлөлөө.
Волейболын спортын олон улсын хэмжээний мастер Жаргалын Хаянхярваагийн нэрэмжит Мини-волейболын улсын аварга шалгаруулах тэмцээн энэ сарын 12-17-ний өдрүүдэд дүүргийн Биеийн тамир спорт хороон дээр болж байна.
Энэ жилийн тэмцээнд нийт 400 багийн 2200 гаруй өсвөрийн тамирчид хурд хүч авхаалж самбаагаа гарган оролцож байна.
Монголын хүүхдийн спортын Vll их наадмыг зургаадугаар сарын 19-29-ний өдрүүдэд Баянхонгор аймагт спортын 23 төрлөөр зохион байгуулна. Хүүхдийн спортын зуны VII наадамд Чингэлтэй дүүргээс 120 тамирчин, 14 дасгалжуулагч спортын 17 төрөлд оролцохоор бэлтгэл ажлаа хангаад байна.
Өнөөдөр дүүргийн Засаг дарга Н.Батсүмбэрэл, ГХУСАЗСЗ-ийн Ажлын албаны дарга, ИТХ-ын Төлөөлөгч Т.Идэрцагаан тэмцээнд оролцож буй баг тамирчдад хувцас хэрэгслийг гардуулж, амжилт хүслээ.
Хүүхдийн спортын зуны VII наадамд 7000 гаруй тамирчин өрсөлдөх аж. Наадмын бэлгэдлээр Монгол Улсад төдийгүй дэлхийд нэн ховордсон Мазаалай баавгайг сонгожээ.
