Нийслэлийн Чингэлтэй дүүргийн Хөгжлийн бэрхшээлтэй иргэдийн аварга шалгаруулах спортын 3 төрөлт тэмцээн өнөөдөр болж байна.

Тэмцээний нээлтэд Засаг даргын Тамгын газрын Нийгмийн хөгжлийн хэлтсийн дарга Л.Баярмаа, Биеийн тамир спортын хорооны дарга Б.Мөнхбаяр нар оролцлоо.

Тэмцээнд дүүргийн 6 хорооны 80 гаруй тамирчин оролцож, аваргын төлөө өрсөлдөж байна. Тэмцээн Нисдэг таваг, Бочи, Софт волейболын төрлүүдээр явагдаж байгаа юм.

Нийслэлийн Чингэлтэй дүүргийн Өсвөр үеийн Зуун буудалт даамын аварга шалгаруулах тэмцээн Ерөнхий боловсролын 39 дүгээр сургууль дээр өнөөдөр болж байна.

Тэмцээний нээлтэд Засаг даргын Тамгын газрын Нийгмийн хөгжлийн хэлтсийн дарга Л.Баярмаа, Биеийн тамир спортын хорооны дарга Б.Мөнхбаяр, Боловсролын хэлтсийн дарга А.Очир нар оролцлоо.

Тэмцээнд Ерөнхий боловсролын 11 сургуулийн 160 гаруй тамирчин оролцож, аваргын төлөө өрсөлдөж байгаа бөгөөд тэмцээн 4 насны ангиллаар явагдаж байна.

Монгол цэргийн өдөр, Зэвсэгт хүчний 103 жилийн ойг тохиолдуулан Чингэлтэй дүүргийн ерөнхий боловсролын ахлах ангийн сурагчдын дунд "Би эх орны цэрэг" мюзикл дуулаачийн тэмцээн амжилттай зохион байгуулагдлаа.

Багийн дүнгээр нийслэлийн ерөнхий боловсролын 23-р сургууль тэрүүн байр эзэлж, нийслэлийн ерөнхий боловсролын 72-р сургууль дэд байр, нийслэлийн ерөнхий боловсролын 149-р сургууль гутгаар байр тус тус эзэллээ.

Чингэлтэй дүүргийн Сургуулийн өмнөх боловсролын байгууллагын удирдах ажилтны ээлжит шуурхай хуралдаан өнөөдөр боллоо.

Шуурхай хуралдааныг Чингэлтэй дүүргийн Засаг даргын Тамгын газрын дарга Ж.Лхагвасүрэн удирдан явуулж, цаг үеийн нөхцөл байдалтай холбоотой асуудлаар мэдээлэл хийж, санал солилцлоо.

Монгол Цэргийн өдөр, Зэвсэгт хүчний 103 жилийн ойг угтаж нийслэлийн Засаг даргын Тамгын газрын Цэргийн штабаас “Би эх орны ирээдүй” хөтөлбөрийг хэрэгжүүлж байна.

Энэ хүрээнд ерөнхий боловсролын сургуулиудын 12 дугаар ангийн сурагчдад Монгол Улсын Үндсэн хууль, Батлан хамгаалах багц хуулийн талаар мэдээлэл, танилцуулга хийж байгаа юм.

Батлан хамгаалах бодлого, Зэвсэгт хүчний үйл ажиллагааг сурталчлах, иргэн-цэргийн харилцааг бэхжүүлэх, хүүхэд залууст үндэсний бахархал, уламжлалыг төлөвшүүлэх, боловсрол, оюун санаа, бие бялдрыг хөгжүүлэх зорилготой уг хөтөлбөрийн эхний шатны хаалт өнөөдөр дүүргийн 23 дугаар сургууль дээр боллоо.

Уг арга хэмжээнд Үндэсний аюулгүй байдлын зөвлөлийн ажлын алба, хурандаа Д.Мөнх-Очир, Зэвсэгт хүчний тусгай хүчний командлалын Санхүүгийн хэлтсийн дарга, дэд хурандаа Б.Батаа, нийслэлийн Засаг даргын Тамгын газрын Цэргийн штабын дарга Г.Ялалт, Батлах хамгаалах хууль тогтоомж, хяналт шинжилгээ хариуцсан ахлах офицер М.Мөнгөнтулга, Мэдээллийн аюулгүй байдлын офицер Б.Чимэд, Чингэлтэй дүүргийн Засаг даргын Тамгын газрын дарга Ж.Лхагвасүрэн, дүүргийн ИТХ-ын Ажлын албаны дарга П.Баянбаатар, Цэргийн штабын дарга, хурандаа Б.Энхболд нар оролцлоо.

Хөтөлбөрийн хүрээнд төрийн болон төрийн бус өмчийн ерөнхий боловсролын сургуулиудын 12 дугаар ангийн 600 гаруй бүлгийн 17 мянга орчим сурагчид мэдлэг, мэдээлэл олгосон байна. Арга хэмжээний үеэр Зэвсэгт хүчний 120 дугаар ангиас зэвсгийн үзэсгэлэнг дэлгэж сурагчдад толилууллаа. 

Чингэлтэй дүүргийн Ерөнхий боловсролын сургуулийн удирдах ажилтны ээлжит шуурхай хуралдаан өнөөдөр боллоо.

Шуурхай хуралдааныг Чингэлтэй дүүргийн Засаг даргын Тамгын газрын дарга Ж.Лхагвасүрэн удирдан явуулж, цаг үеийн нөхцөл байдалтай холбоотой асуудлаар мэдээлэл хийж, санал солилцлоо.

Монголын хараа зүйн мэргэжилтний “Од” нийгэмлэг, Австралын “See together” төрийн бус байгууллагатай хамтран дүүргийн Иргэдийн Төлөөлөгчдийн Хурал, Засаг даргын Тамгын газрын ажилтан, албан хаагчдыг нүдний үзлэгт  хамрууллаа.

Үзлэгт нийт 80 гаруй ажилтан, албан хаагч хамрагдлаа.

Нүдний хол болон ойрын харааг олон улсын стандартад нийцсэн аргын дагуу шалган, харааны шилний жорыг мэргэжлийн эмч нар албан хаагчдад тайлбарлан, зөвлөгөө мэдээлэл өглөө.

Чингэлтэй дүүргийн Засаг даргын Тамгын газрын дарга Ж.Лхагвасүрэн болон холбогдох хэлтэс албадын дарга дүүргийн цагдаагийн газрын 1, 2 дугаар хэлтсийн нийт бие бүрэлдэхүүнтэй уулзалт зохион байгууллаа.

Уулзалтад дүүргийн Иргэдийн төлөөлөгчдийн хурлын ажлын албаны дарга П.Баянбаатар, Засаг даргын Тамгын газрын Төрийн захиргааны удирдлагын хэлтсийн дарга Б.Нацагдорж, Хууль эрх зүйн хэлтсийн дарга Г.Хурцбаяр, Санхүү, төрийн сангийн хэлтсийн дарга Ц.Цэрэннамжил нар оролцлоо.

Мөн дүүргийн Цагдаагийн газрын дарга, хурандаа Ц.Амгалан-Энх, дүүргийн цагдаагийн газрын 1, 2 дугаар хэлтсийн алба хаагчид оролцлоо.

Уулзалтаар дүүргийн цагдаагийн байгууллагын өнөөгийн нөхцөл байдал, цагдаагийн алба хаагчдын ажиллах орчин нөхцлийн талаар мэдээлэл сонслоо.

Дүүргийн удирдлагуудын зүгээс цагдаагийн байгууллагын үйл ажиллагааг сайжруулах, гэмт хэргийн илрүүлэлтийг нэмэгдүүлэх, иргэдийн гомдол саналыг шуурхай шийдвэрлэхэд анхаарч бодит алхамуудыг хийхэд хамтран ажиллана гэдгээ илэрхийлж, иргэдийнхээ амар амгалан, аюулгүй байдлын төлөө үүргээ биелүүлж, хариуцлагатай, ажиллаж буй нийт бие бүрэлдэхүүнд  амжилт хүслээ.

Уулзалтын төгсгөлд дүүргийн цагдаагийн газрын алба хаагчдын санал, хүсэлтийг сонсож, зарим шаардлагатай асуудлыг шийдвэрлэлээ.

Чингэлтэй дүүргийн Хөгжлийн бэрхшээлтэй хүний эрхийг хангах салбар зөвлөлийн 2024 оны анхдугаар хуралдаан өнөөдөр хуралдлаа.

Хурлыг дүүргийн Засаг даргын орлогч, Хөгжлийн бэрхшээлтэй хүний эрхийг хангах салбар зөвлөлийн дарга Л.Цэеэрэгзэн удирдан явуулж, салбар зөвлөлийн 2023 онд хэрэгжүүлсэн үйл ажиллагааны тайланг танилцуулж, 2024 оны хэрэгжүүлэх үйл ажиллагааны төлөвлөгөөний саналыг хэлэлцэж, санал солилцлоо.

Хөгжлийн бэрхшээлтэй иргэдэд аюулгүй, хүртээмжтэй орчин нөхцөлийг бүрдүүлж ажиллахыг төрийн ба хувийн хэвшлийн нийт аж ахуйн нэгж, байгууллагад уриалж ажиллах, тэдний сурч хөгжих нөхцөл боломжийг бүрдүүлж, хөдөлмөр эрхлэлтийг дэмжих чиглэлд анхаарч ажиллахыг үүрэг болгов.

Чингэлтэй дүүргийн удирдах ажилтны ээлжит шуурхай хуралдаан өнөөдөр боллоо. Шуурхай хуралдааныг Чингэлтэй дүүргийн Засаг даргын Тамгын газрын дарга Ж.Лхагвасүрэн удирдан явууллаа.

Хуралдаанаар цаг үеийн нөхцөл байдалтай холбоотой авч хэрэгжүүлж байгаа арга хэмжээ, нөхцөл байдлын мэдээллийг дүүргийн Онцгой байдлын хэлтсийн дарга, хурандаа Д.Батбилэг, дүүргийн Цагдаагийн газрын дарга, хурандаа Ц.Амгалан-Энх, дүүргийн Замын цагдаагийн хэлтсийн дарга, дэд хурандаа Г.Золжаргал нар мэдээлэл хийлээ.

Дүүргийн Засаг даргын Ж.Лхагвасүрэн удирдах ажилтнуудад үүрэг даалгавар өглөө. Хаврын улирал болж цаг агаар дулаарч буйтай холбоотой халиа тошин үүсэх, нэмэгдэх, шар усны үер болох эрсдэлтэй учраас дүүргийн гамшгаас хамгаалах алба, мэргэжлийн ангийн бэлтгэл, бэлэн байдлыг хангахыг даалгалаа.

Мөн иргэдийн аюулгүй байдлыг хангах орчин нөхцлийг бүрдүүлэх, хог цэвэрлэгээ, ариутгалын ажилд анхаарах, иргэдээс ирсэн өргөдөл гомдлын шийдвэрлэлийг цаг тухай бүрт нь шийдвэрлэх, иргэдийн санал хүсэлтийг сонсож ажиллах, эрүүл мэндийн байгууллагууд эрүүл мэндийн чанар хүртээмж, тусламж үйлчилгээг сайжруулах тал дээр анхаарч ажиллахыг үүрэг болголоо.

Дүүргийн Засаг дарга бөгөөд Онцгой комиссын даргын тушаалаар дүүргийн Онцгой комиссын нарийн бичгийн дарга, Онцгой байдлын хэлтсийн орлогч, хошууч Б.Амандыхаар ахлуулсан шуурхай бүлэг дүүргийн дүүргийн 23, 17 дугаар хороодын нутаг дэвсгэр, “Ачтан” дэлгүүрийн баруун талын гүүр битүүрсэн байсныг Онцгой байдлын хэлтсийн 2 алба хаагч, 1 тээврийн хэрэгсэл, “Тохижилт үйлчилгээний”  ХХК-ийн 2 инженер техникийн ажилтан, 1 механизмтайгаар гүүрний сувгийг нээж, зарим хэсэг далангаас давж нийтийн эзэмшлийн зам талбай, айл өрхүүдэд ус орсон байсныг суваг шуудуу гарган ажиллаж байна.